Circe (Waterhouse)

Circe
Tipos	pintura
Artista	John William Waterhouse
Añu	década de 1910
Xéneru	pintura mitolóxica
Estilu	Hermandá Prerrafaelita
Material	pintura al oleu y Llenzu
Dimensiones	73,98 () × 109,22 () cm
Coleición	valor desconocíu

Circe ye un cuadru al oliu sobro llenzu pintáu en 1911 pol pintor británicu John William Waterhouse.

Ye la postrera de les sos trés representaciones d'esti personaxe mitolóxicu, tres Circe ufiertando la copa a Odiseo en 1891 y Circe Invidiosa en 1892.^[1]^[2]^[3] Desconozse l'allugamientu exactu de la obra al ser parte d'una colección privada.

Descripción

Hai dos versiones d'esta pintura, dambes en colecciones privaes.^[4] Nes obres anteriores de Waterhouse sobro Circe, esta apaecía col pelo castaño escuro, ente que nesta'l pelo ye colorao.

A diferencia de los dos cuadros anteriores, nos que Circe ye representada como una muyer autoritaria, equí destácase'l so componente humanu. La diosa ta sentada con espresión sele y pensatible, sobro la mesa hai un llibru de conxuros y un frascu de mestranzu máxicu (sorrayando asina la so intelixencia y astucia divina). Al llau de la mesa hai una copa de vinu, lo que quiciabes suxer los sos sentimientos y ambiciones humanes. Ye poco probable que Circe refundiara por fuerza dalgún oxetu: seique la copa foi refundiada de camín, dexando esti fechu ensin resolver.^[4]

Referencies

↑ «Circe II» (inglés).
↑ «Circe Offering the Cup to Ulysses» (inglés).
↑ «Circe Invidiosa» (inglés).
↑ ^4,0 ^4,1 Erol Degirmenci. «William Waterhouse’s Love for Circe».

Enllaces esternos

[1] «Circe II» (inglés).

[2] «Circe Offering the Cup to Ulysses» (inglés).

[3] «Circe Invidiosa» (inglés).

[dailyart-4] 4,0 ^4,1 Erol Degirmenci. «William Waterhouse’s Love for Circe».

[1]

[2]

[3]

[4]