Cidade Velha

De Wikipedia
Saltar a navegación Saltar a la gueta
Cidade Velha, centru históricu de Ribeira Grande
Patrimoniu de la HumanidáUNESCO
Sé Catedral, Cidade Velha, Cape Verde.jpg
Ruines de la catedral de Cidade Velha.
Llugar Flag of Cape Verde.svg Cabu Verde
Criterios Cultural: ii, iii, vi
Referencia 1310
Inscripción 2009 (XXXIII Sesión)
Área África
Cambiar los datos en Wikidata

Cidade Velha ye una llocalidá de Cabu Verde asitiada nel conceyu de Ribeira Grande de Santiago, a 15 kilómetros al oeste de Praia.

El 10 de xunu de 2009 foi catalogada como una de les Siete Maravíes d'Orixe Portugués nel Mundu, dempués d'un procesu públicu de votación de los distintos monumentos construyíos por Portugal nel mundu.

Por cuenta de la so rica tradición histórica (con un ricu patrimoniu arquiteutónicu nel so haber), el 26 de xunu de 2009 Cidade Velha foi declarada Patrimoniu de la Humanidá pola UNESCO.[1][2]

Historia[editar | editar la fonte]

Picota de Cidade Velha.

Cidade Velha foi la primera ciudá construyida polos colonu europeos na zona de trópicos africanos, y la primer capital de Cabu Verde, col nome de Ribeira Grande, anque darréu camudó de nome por cuenta de los tracamundios con Ribeira Grande, una población homónima asitiada n'otra isla. La ciudá fundóse y desenvolvióse gracies al comerciu d'esclavos provenientes de Guinea Bissau y Sierra Lleona, principalmente

En 2000 empecipióse un trabayu de sub-coordinación del arquiteutu Siza Vieira, pa preparar la llocalidá a la candidatura como Patrimoniu Mundial.

La ciudá foi puertu y llugar de parada de dos de los grandes navegadores históricos, Vasco da Gama, en 1497, na so ruta escontra India, y Cristóbal Colón, en 1498, cuando se disponía a realizar el so tercer viaxe a América.

Demografía[editar | editar la fonte]

Acordies con datos oficiales, en 1990 Cidade Velha cuntaba con 2.148 habitantes, para en 2.009 amontar la so población hasta los 9500 habitantes[3]

Población de Cidade Velha nel tiempu (1990–2009)[4]
1990 2000 2009
2148 9500

Arquiteutura[editar | editar la fonte]

Ilesia de La nuesa Señora del Rosario (Igreja de Nossa Senhora do Rosário) la más antigua del mundu colonial, construyida en 1495.

En 1520 foi construyíu'l primera pelourinho o cruceru de la isla (güei día monumentu de la plaza principal).

Cidade Velha tien un gran patrimoniu aquitectónico, arriendes de la llarga tradición cristiana de la islla. Nella atopa la Igreja de Nossa Senhora do Rosário (Ilesia de La nuesa Señora del Rosario), la ilesia colonial más antigua del mundu, d'estilu manuelino (correspondiente al góticu portugués). La Cai Banana, na que s'atopa la ilesia, foi la primer cai urbanizada polos portugueses na zona de trópicos.

Ruínas da sé (de la Catedral de Sé), asitiaes en Cidade Velha.

La Sé Catedral (Catedral de Sé) de la ciudá empezó a ser construyida frente al mar en 1555, y foi terminada en 1693, cuando la ciudá yá había perdíu gran parte de la relevancia d'antaño. Foi atacada y destruyida por pirates en 1712, siendo entá observables les sos ruines.

El Forte Real de São Felipe (Fuerte Real de San Felipe), que corona la ciudá dende un altor de 120 metros, foi construyíu en 1590 y tenía la función de defender la colonia de los posibles ataques franceses y ingleses.

El Conventu de São Francisco (Conventu de San Francisco), data de mediaos del sieglu XVII, que sirvió de llugar de cultu y formación. Foi atacáu y parcialmente destruyíu por pirates en 1712.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]



Cidade Velha