Saltar al conteníu

Christy Cabanne

De Wikipedia
Christy Cabanne
Vida
Nacimientu Saint Louis, 16 d'abril de 1888[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Filadelfia, 15 d'ochobre de 1950 (62 años)
Sepultura Forest Lawn Memorial Park
Causa de la muerte infartu de miocardiu
Estudios
Estudios Academia Naval de los Estaos Xuníos
Llingües falaes inglés[2]
Oficiu
Oficiu actor, guionista, direutor de cine
IMDb nm0127511
Cambiar los datos en Wikidata
The Adopted Brother (1913), dirixíu por D.W. Griffith y Christy Cabanne pa Biograph ye un western sobre la venganza. Coleición EYE Film Institute Netherlands.

William Christy Cabanne (16 d'abril de 1888, Saint Louis – 15 d'ochobre de 1950, Filadelfia) foi un direutor de cine d'Estaos Xuníos, guionista y actor de cine mudu.

Biografía

[editar | editar la fonte]

Nacíu en 1888 en St. Louis, Missouri, Cabanne (pronunciáu CAB-a-nay) foi educáu na Culver Military Academy y finó la so educación na Annapolis Naval Academy. Dempués de sirvir na Armada de los Estaos Xuníos, entamó la so carrera nel teatru en 1908, como actor y direutor. Entró nel campu del cine en 1910, dirixendo a Douglas Fairbanks y convirtiéndose n'asistente del direutor pioneru D. W. Griffith. Apaeció en pantalla en decenes de curtiumetraxes ente 1911 y 1915. Convertióse nun de los direutores más bayurosos del so tiempu. La actriz Miriam Cooper atribuyó-y el descubrimientu d'ella como actriz de repartu en 1912.

Cabanne fundó'l so propiu estudiu,[3] pero abandonó la producción independiente pa aceptar trabayos como freelance. Durante les tres décades siguientes trabayó pa munchos estudios, incluyendo Goldwyn, MGM, FBO, Columbia, RKO, Universal, y Monogram. Cabanne dirixó a la neña actriz Shirley Temple en The Red-Haired Alibi (1932), el so primer papel acreitáu nuna película.[4]

Cabanne ganó reputación pola so eficiencia, capaz de facer llargumetraxes perrápidu, davezu en llugares difíciles. Como otros direutores de la era muda William Beaudine, Elmer Clifton, Harry L. Fraser, Lambert Hillyer y Noel M. Smith, Cabanne foi bien resueltu y trabayó tanto pa estudios grandes como pequeños nos años 1930 y 1940. Nos años 1940, Cabanne solía recibir películes d'aición de baxu presupuestu n'Universal Pictures, y como Noel Smith, encargábase davezu de dirixir la última película d'una serie del estudiu, zarrando rápidu y baratu'l contratu del mesmu. Cabanne finó la so carrera faciendo westerns de baxu presupuestu pa Monogram Pictures.

Vida personal

[editar | editar la fonte]

Christy Cabanne casóse con Vivien M. Lyle Montrose n'avientu de 1912 en Nueva York. Tuvieron fíos, incluyendo a Virginia Montrose Cabanne,[5] Julia Gooden Cabanne,[6] y Vivien. Cabanne tuvo una relación con la actriz Millicent Fisher, qu'apaeciera en delles de les sos películes (como A Regular Fellow, 1919). Dempués de que naciera'l fíu de Fisher, Vivien divorcióse de Cabanne en marzu de 1921.[7] Cabanne casóse entós con Fisher.

Filmografía parcial

[editar | editar la fonte]

Referencies

[editar | editar la fonte]
  1. ↑ Afirmao en: Find a Grave. Identificador Find a Grave: 18310. Apaez como: William Christy Cabanne. Data de consulta: 9 ochobre 2017. Llingua de la obra o nome: inglés.
  2. ↑ Afirmao en: IdRef. IdRef ID: 183361849. Data de consulta: 5 marzu 2020. Editorial: Agence bibliographique de l'enseignement supérieur. Llingua de la obra o nome: francés.
  3. ↑ The International Motion Picture Almanac (edición 1946-47), Terry Ramsaye, ed., Quigley Publications, 1946, p. 38.
  4. ↑ "The Red-Haired Alibi (1932)". nytimes.com; recuperáu'l 16 d'abril de 2014.
  5. ↑ https://www.findagrave.com/memorial/140771701/virginia_montrose_cabanne
  6. ↑ https://obscureactresses.wordpress.com/2023/02/24/julie-cabanne/
  7. ↑ https://www.allmovie.com/artist/millicent-fisher-an25127194/filmography

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Christy_Cabanne&oldid=4458188»