Christopher Hewett

De Wikipedia
Saltar a navegación Saltar a la gueta
Christopher Hewett
Christopher Hewett35mm film frames.svg
Vida
Nacimientu

Worthing5  d'abril de 1921

[3]
Nacionalidá Bandera del Reinu Xuníu Reinu Xuníu
Bandera del Reinu Xuníu Reinu Xuníu de Gran Bretaña ya Irlanda  12 abril 1927)
Muerte

Los Angeles3  d'agostu de 2001

[3] (80 años)
Sepultura Brookwood Cemetery (en) Traducir
Causa de la muerte Diabetes
Estudios
Estudios Wimbledon College (en) Traducir
Oficiu
Oficiu actor, actor de teatru, actor de cineactor de televisión
IMDb nm0381973
Cambiar los datos en Wikidata

Christopher Hewett (n. 5 d'abril de 1922 – f. 3 d'agostu de 2001) foi un actor y direutor teatral británicu, conocíu principalmente pol so papel de Lynn Belvedere na sitcom televisiva de l'ABC Mr. Belvedere.

Biografía[editar | editar la fonte]

El so nome completu yera Christopher Michael Hewett, y nació en Worthing, Sussex (Inglaterra), siendo'l so padre un oficial del exércitu y la so madre una irlandesa descendiente de Daniel O'Connell.[4] Estudió nel Beaumont College, y a los siete años d'edá debutó n'escena nuna producción representada en Dublín de A Midsummer Night's Dream. A los 16 años, Hewett entró a formar parte de la Royal Air Force, dexándola en 1940. Hewett darréu entró na Oxford Repertory Company, debutando nel circuitu teatral del West End londinense en 1943.[5]

Darréu actuó nel circuitu de Broadway trabayando nos musicales My Fair Lady, The Unsinkable Molly, Music Is, y Kean, amás de la obra Sleuth, ente otres pieces, y dirixó en 1960 en Broadway la revista From A to Z y el musical de Richard Rodgers y Lorenz Hart representáu en 1967 Off Broadway By Jupiter. Hewett tamién dirixó otres pieces teatrales, ente elles The Marriage-Go-Round y Beyond the Fringe and Camelot.[6]

Hewett debutó nel cine col drama criminal de 1951 Pool of London, trabayando más palantre pa la televisión en Robert Montgomery Presents y DuPont Show of the Month. Ente les sos actuaciones cinematográfiques ye de reseñar el so papel del amuyeráu direutor teatral Roger DeBris na comedia de Mel Brooks de 1968 The Producers. En 1976 Hewett interpretó al burócrata Federov na sitcom Ivan the Tarrecible. Ente 1983 y 1984 foi Lawrence, el personaxe compinche del Mr. Roarke interpretáu por Ricardo Montalbán na temporada final de la serie de l'ABC La Islla de la Fantasía.

Al añu siguiente Hewett empezó'l que sería'l so papel más conocíu, el de Lynn Aloysius Belvedere, un mayordomu inglés que trabayaba nuna familia estauxunidense de clase media na sitcom Mr. Belvedere. En rematando la serie en 1990, Hewett actuó como convidáu nun episodiu de la producción de la NBC California Dreams. El so postreru trabayo ante les cámares foi en 1997, un caméu nel show de la FOX Ned & Stacey.[6]

Devotu católicu y solteru de tola vida, Hewett foi diáconu na Ilesia de St. Victor, en West Hollywood. Nos sos últimos años tuvo afeutáu pola artritis y la diabetes,[4] finando por entueyos de la postrera'l 3 d'agostu de 2001 en Los Angeles, California. Tenía 79 años d'edá. Nun dexó descendencia.

Filmografía[editar | editar la fonte]

Cine
Añu Títulu Papel Observaciones
1951 Pool of London Mike
1951 The Lavender Hill Mob Inspector Talbot
1954 The Million Pound Note

Ensin creitos
Otru títulu: Man with a Million

1968 The Producers Roger De Bris
1986 Ratboy Profesor d'interpretación
Televisión
Añu Títulu Papel Observaciones
1955 Robert Montgomery Presents 1 episodiu
1959 DuPont Show of the Month

1 episodiu

1976 Ivan the Tarrecible Federov 5 episodios
1979 ABC Afterschool Special

1 episodiu

1982 ABC Theatre of the Month: The Elephant Man Ross Telefilme
1982 Hart y Hart Jeremy Lane 1 episodiu
1982 Massarati and the Brain Anatole Telefilme
1983–1984 La Islla de la Fantasía Lawrence 8 episodios
1984 Y/R Inglés 1 episodiu
1985–1990 Mr. Belvedere Mr. Lynn Aloysius Belvedere 115 episodios
1987 The New Mike Hammer 1 episodiu
1987 Murder, She Wrote Humphrey Defoe 1 episodiu
1990 A Very Retail Christmas Pantasma de les Navidaes Pasaes Telefilme
1994 California Dreams Mr. Green 1 episodiu
1997 Ned & Stacey

1 episodiu

Referencies[editar | editar la fonte]

  1. 1,0 1,1 Afirmao en: SNAC. Identificador SNAC Ark: w6kj3fx7. Apaez como: Christopher Hewett. Data de consulta: 9 ochobre 2017. Llingua de la obra o nome: inglés.
  2. 2,0 2,1 Afirmao en: Discogs. Identificador Discogs d'artista: 1189647. Apaez como: Christopher Hewett. Data de consulta: 9 ochobre 2017. Llingua de la obra o nome: inglés.
  3. 3,0 3,1 Afirmao en: autoridaes BNF. Identificador BnF: 171054834. Apaez como: Christopher Hewett. Autor: Biblioteca Nacional de Francia. Llingua de la obra o nome: francés.
  4. 4,0 4,1 Gaughan, Gavin (18 d'ochobre de 2001). «Christopher Hewett Obituary». guardian.co.uk. Consultáu'l 19 de mayu de 2009.
  5. «Christopher Hewett». independent.co.uk (9 d'agostu de 2001). Consultáu'l 19 de mayu de 2009.
  6. 6,0 6,1 «Christopher Hewett Biography». filmreference.com. Consultáu'l 19 de mayu de 2009.

Enllaces esternos[editar | editar la fonte]

Ver tamién[editar | editar la fonte]