Chris Tucker

De Wikipedia
Saltar a navegación Saltar a la gueta
Chris Tucker
Chris Tucker
Chris Tucker 2012.jpg
Vida
Nacimientu

Atlanta31  d'agostu de 1971

(47 años)
Nacionalidá Bandera de Estaos Xuníos d'América Estaos Xuníos
Grupu étnicu Afroestauxunidense
Oficiu
Oficiu actor, comediante y productor de cine
Xéneru artísticu Comedia
IMDb nm0000676
www.christucker.com/
Cambiar los datos en Wikidata

Christopher "Chris" Tucker (31 d'agostu de 1971[1]n'Atlanta, Xeorxa Estaos Xuníos), ye un actor y humorista d'Estaos Xuníos conocíu poles sos interpretaciones del detective James Carter na triloxía "Rush Hour" xunto a Jackie Chan, Smokey na película "Friday" y Danny en "Silver Linings Playbook".

Biografía[editar | editar la fonte]

Primeros años[editar | editar la fonte]

Tucker nació n'Atlanta, Xeorxa, siendo'l fíu más nuevu de Mary Louise y Norris Tucker.[1] La so madre tuvo estrechamente amestada al trabayu na ilesia, y el so padre yera un home de negocios independiente, dueñu d'una compañía de servicios de llimpieza.[2][3] Tucker foi criáu en Decatur, Xeorxa.

Depués de la so graduación na Universidá de Columbia, Tucker treslladóse a Los Angeles, buscando empecipiar la so carrera como actor.

Carrera[editar | editar la fonte]

Mientres 1992, Chris Tucker foi un invitáu frecuente nel programa "Def Comedy Jam", y anque el so debú nel cine foi na película "House Party 3", el so primer papel principal foi xuntu al raperu Ice Cube na película "Friday" de 1995.

Mientres 1996 participó nel videoclip del cantar "California Love" interpretada por Tupac Shakur y Dr. Dre. Al añu siguiente co-protagonizó con Charlie Sheen la película "Money Talks" y trabayó al llau de Bruce Willis nel filme "El quintu elementu".

En 1998, protagonizó "Rush Hour", película qu'entemez comedia y aición con artes marciales, y les sos remortines, Rush Hour 2 y 3, nes que compartió la pantalla con Jackie Chan encarnando al Detective James Carter. Al dase cuenta del ésitu de la primer película de Rush Hour, Tucker solicitó O$20 millones pa la so continuidá en Rush Hour 2;[4] la película llogró un enorme ésitu. La otra estrella, Jackie Chan, recibió O$15 millones y un porcentaxe de les ganancies.

A pesar de participar en bastantes películes al entamu de la so carrera, Tucker namái fixo tres apariciones na pantalla grande dende 1998, toes elles como'l detective James Carter. La carrera artística de Tucker ye inusual, pos anque fixo relativamente poques apaiciones estelares, yá ye miembru del club non oficial "O$20 millones per película", al pie de actores como Brad Pitt, Denzel Washington, Tom Cruise y Will Smith. Chris robló un contratu de dos películes con New Line Cinema por 40 millones de dólares pa protagonizar "Rush Hour 3" y "Mr S.: My life with Frank Sinatra". Tamién tien de recibir el venti per cien de les ganancies contra'l so sueldu de la tercer parte de "Rush Hour".[5]

Tucker nun retomó'l so papel de Smokey en "Next Friday" (2000) pos se convirtió al Cristianismu dempués de grabar "Money Talks" en 1997. Coles mesmes participó nel videu del cantar "You rock my world" de Michael Jackson.

El 13 de febreru de 2009, Tucker participó nel partíu de celebridaes del All-Star Weekend de la NBA, xuntu col raperu Master P, los integrantes del Salón de la fama de la NBA Clyde Drexler y Dominique Wilkins, el receptor abiertu de los Vaqueros de Dallas Terrell Owens y cuatro integrantes de los Harlem Globetrotters.

En 2015 cooperó con Netflix pa crear un especial de 1 hora d'un show Stand Up en vivu. L'especial foi llamáu Chris Tucker Live, y foi extrenado el 10 de xunetu n'esclusiva pal serviciu de Streaming[6].

Filmografía[editar | editar la fonte]

Añu Película Papel Notes
1988 Roseanne El mesmu Serie de televisión
1991 Boys in the hood
1992 Hangin' with Mr. Cooper Rapper Serie de televisión
1994 House Party 3 Johnny Booze
1995 Friday Smokey
Panther Guardavida
Dead Presidents Skip
1995 California Love evil tribe chief's yes-man Videu de música
1997 El quintu elementu Ruby Rhod
Money Talks Franklin Hatchett
Jackie Brown Beaumont Livingston
1996 Kenan & Kel Rapper Serie de televisión
1998 Rush Hour Detective James Carter
2001 You Rock My World Amigu de Michael Jackson Videu de música
2001 Rush Hour 2 Detective James Carter
2001 Diary El mesmu Serie de televisión
2006 African American Lives El mesmu Serie de televisión
2007 Rush Hour 3 Detective James Carter
2009 Mr. S: My Life with Frank Sinatra George Jacobs
2010 Madea's Class Reunion Dr. Willie Leroy Jones
2012 Silver Linings Playbook Danny
2015 Chris Tucker Live El mesmu

Referencies[editar | editar la fonte]

  1. 1,0 1,1 Gates, Jr., Henry Louis. In Search of Our Roots: How 19 Extraordinary African Americans Reclaimed Their Past. Crown, 397. ISBN 0-307-38240-0.
  2. Chris Tucker Biography - Yahoo! Movies.
  3. Chris Tucker Biography filmreference.com.
  4. Chris Tucker's profile at the Internet Movie Database.
  5. Chris Tucker signs onto Brett Ratner's Rush Hour 3. Retrieved 2007-08-05.
  6. Chris Tucker llega a Netflix esti 10 de xunetu. Retrieved 2015-07-10.

Enllaces esternos[editar | editar la fonte]