Chloe Webb

De Wikipedia
Saltar a navegación Saltar a la gueta
Chloe Webb
Chloe Webb.jpg
Vida
Nacimientu

Greenwich Village Traducir25  de xunu de 1956

(63 años)
Nacionalidá Bandera de Estaos Xuníos d'América Estaos Xuníos
Estudios
Estudios Boston Conservatory at Berklee Traducir
Oficiu
Oficiu actriz, actriz de televisión, actriz de cine y actriz de teatru
IMDb nm0916050
Cambiar los datos en Wikidata

Chloe Webb (Manhattan, New York, 25 de xunu de 1956) ye una actriz estauxunidense. Ye conocida por protagonizar películes como Sid y Nancy (1986), Twins (1988) y Heart condition (1990). Ella foi nomada a los Premios Primetime Emmy, pol so papel de Laurette Barber, na serie d'ABC China Besch y pol so rol de Monica Gallagher na comedia dramática Shameless.[1]

Biografía y primeros años[editar | editar la fonte]

Primeros años[editar | editar la fonte]

Webb nació na Greenwich Village, una área residencial nel llau oeste de Manhattan na ciudá de Nueva York y vivió en delles ciudaes de la mariña esti, por cuenta que'l so padre trabayaba como diseñador de pontes y carreteres, y camudábense costantemente.[2] Pasó enforma tiempu cola so güela, que moraba na ciudá de Nueva York. Asistió a una escuela católica para neñes, antes de matriculase nun conservatoriu de Boston y más tarde, nel Berklee College of Music. Orixinalmente, Webb siguió la so pasión pol cantar y empezó a cantar nos chigres de Nueva York, pero dio cuenta de qu'a pesar de que yera una apasionada nel cantar, ella decidió dedicase a la actuación.[3]

Años 1980[editar | editar la fonte]

En abril de 1982, Webb xunióse Forbidden Broadway, una revista de Off-Broadway, faciendo parodias de teatru musical, cuantimás los musicales del circuitu de Broadway. En 1986, fixo'l so debú nel cine, nel filme del cineasta británicu Alex Cox, Sid & Nancy, xunto a Gary Oldman como Sid Vicious y Webb como la groupie adicta la heroína Nancy Spungen. Pola so actuación, llogró premios como meyor actriz, pola National Society of Film Critics, la Boston Society of Film Critics y la San Francisco Film Critics Circle.[4] Depués siguiéron-y papeles secundarios como l'ayenada novia d'alta sociedá nel drama de 1987 empobináu por Peter Greenaway El banduyu del arquiteutu, xunto a Brian Dennehy.[5]

Por esi periodu, interpretaría a Paoli, una moza de Pennsylvania con suaños de convertise nuna cantante d'ésitu na serie dramática de televisión China Beach de la cadena ABC. Nesta serie, Webb apaeció en namái siete episodio. En 1988, interpretó a la novia excéntrica de Danny DeVito, na película risible de Ivan Reitman, Twins, tamién col protagónico de Arnold Schwarzenegger y un cameo como una muyer convencida de que fuera secuestrada por estraterrestres en Los cazapantasmes 2 (1989). Nos intervalos ente papeles en películes y series de televisión, Webb apaeció con frecuencia en delles producciones teatrales, basaos en Los Angeles: The House of Blue Leaves, pola que ganó un premiu teatral y The Model Apartment, por que ganó un premiu del Los Angeles Drama Critics Circle Award.

Años 1990[editar | editar la fonte]

En 1990, Webb co-protagonizó'l filme Heart Condition, xunto a Denzel Washington and Bob Hoskins. En 1991, interpretó'l papel d'una peluquera na comedia Queens Logic.[6]

Nesi mesmu añu, Webb interpretó a una muyer con una discapacidá de desenvolvimientu que gana la llotería, pero la so fortuna lleva a la tensión ente la so madre y la so hermana na película pa televisión Lucky Day de ABC. Dempués realizaría otros papeles como la d'una trabayadora de la Cruz Roxa, na película de drama australiana Silent Cries (1993), con Debra Winger nel filme A Dangerous Woman (1993). Tamién participaría en mini-series como la excéntrica Mona Ramsey en Tales of the City (1993) de Stephen Gyllenhaal. Otros papeles nesta década son: como l'amiga de Annette Bening en Love Affair de 1994, el remake de la película de 1939 del mesmu nome; amiga del personaxe de Robin Wright en She's So Lovely y como Carla, l'amiga de Sandra Bullock en Practical Magic, (1998).

Años 2000[editar | editar la fonte]

El nuevu sieglu, atopó Webb asumiendo apaiciones en delles series de televisión, ente elles: Judging Amy (2000), House M.D. (2005), Two and a Half Men (2005), Medium (2005) y CSI: Crime Scene Investigation (2008). Webb axuntóse nuevamente con Alex Cox en 2009, pa la so película Repo Chick; onde interpretó a la hermana Duncan.[7]

Años 2010[editar | editar la fonte]

El papel más recién de Webb foi como Monica Gallagher, ex esposa del personaxe de William H. Macy, na serie de televisión de comedia dramática Shameless; polo que-y valió una nominación a los Critics' Choice Television Award for Best Guest Performer in a Drama Series.[8]

Filmografía[editar | editar la fonte]

Añu Títulu Papel Notes
1983 Remington Steele Episodiu:

"Steele Away with Me: Part 1"

1986 Mary Actriz Episodio: "Steppin' Out with Mary Brenner"
1986 Sid and Nancy Nancy Spungen National Society of Film Critics como meyor actriz
Boston Society of Film Critics Award for Best Actress
New York Film Critics Circle Award for Best Actress
1987 The Belly of an Architect Louisa Kracklite
1988 China Beach Laurette Barber Siete episodio
Nomada - Primetime Emmy a la meyor actriz convidada - Serie dramática
1988 Twins Linda Mason
1989 Ghostbusters II Elaine Cameo
1990 Heart Condition Crystal Gerrity
1991 Queens Logic
1991 Lucky Day Allison Película de televisión
1993 Twenty Bucks

Cameo

1993 Silent Cries Dinki Denk
1993 Heart and Souls Cameo
1993 A Dangerous Woman Birdy
1993 Tales of the City Mona Ramsey mini-serie
1994 Love Affair Tina Wilson
1997 She's So Lovely Nancy Swearingen
1998 The Newton Boys Avis Glasscock
1998 Practical Magic
2001 The Ballad of Lucy Whipple Sophie Película de televisión
2003 Judging Amy Mrs. Goodman Episodiu: "Tricks of the Trade"
2005 House M.D. Cora Episodiu: "DNR"
2005 Two and a Half Men Trudy Episodiu: "That Old Hose Bag Is My Mother"
2005 Medium Margaret Folsom Episodiu: "Time Out of Mind"
2008 CSI: Crime Scene Investigation Evelyn Polychronopolous Episodiu: "The Theory of Everything"
2009 Repo Chick Hermana Duncan
2011–2015 Shameless Monica Gallagher Trece episodio
Nominatea - Critics' Choice Television Award for Best Guest Performer in a Drama Series(2012)[9]

Referencies[editar | editar la fonte]

  1. Biography of Chloe Webb Consultáu'l 5 d'avientu de 2015
  2. Biografía de Chloe Webb
  3. Fortune Smiles On Chloe Webb. The Free Lance Star.. 9 de marzu de 1991. http://news.google.com/newspapers?nid=1298&dat=19910309&id=T-VLAAAAIBAJ&sjid=QYsDAAAAIBAJ&pg=5696,1640593. Consultáu 'l 4 d'avientu de 2015. 
  4. «Under The Skin Of 2 Vicious Lives» (inglés). Los Angeles Times (23 d'ochobre de 2015). Consultáu'l 5 d'avientu de 2015.
  5. Chloe Webb-Biography and Filmography Consultáu'l 4 d'avientu de 2015
  6. Biografía de Chloe Webb Consultáu'l 4 d'avientu de 2015
  7. «"Gang member convicted of murdering 'Judging Amy' actress"» (inglés). Los Angeles Times. (23 de xineru de 2012). Consultáu'l 5 d'avientu de 2015.
  8. «2012 Critics’ Choice Television Awards Announces Nominations» (inglés). CriticsChoice.com (5 de mayu de 2015). Consultáu'l 4 d'avientu de 2015.
  9. «Community' and 'Mad Men' lead 2012 Critics Choice nominations"» (inglés). Zap2it. (5 de xunu de 2012). Consultáu'l 4 d'avientu de 2015.

Enllaces esternos[editar | editar la fonte]




Chloe Webb