Chiroxiphia lanceolata

De Wikipedia

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Chiroxiphia lanceolata
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Pipridae
Xéneru: Chiroxiphia
Especie: C. lanceolata
(Wagler, 1830)
Distribución
Sinonimia
Pipra lanceolata
Chiroxiphea lanceolata
Consultes
[editar datos en Wikidata]

El saltarín llanceoláu, saltarín coludo, saltarín cola de llanza, benítaro [2] o toledo[3] (Chiroxiphia lanceolata) ye una especie d'ave de la familia Pipridae, que s'atopa en Colombia, Costa Rica, Panamá y Venezuela. [1]

Hábitat[editar | editar la fonte]

Vive nel monte, ente los 1.000[3] y los 1.500 m d'altitú.[4]

Descripción[editar | editar la fonte]

Mide 13,5 cm de llargor y pesa ente 17,5[4] y 19 g.[3] Dambos sexos tienen los dos plumes centrales de la cola allargaes formando una punta.[5] Les timoneres centrales allarguen 1 cm el llargor de los machos. Presenta dimorfismu sexual. La mayoría del plumaxe del machu ye negru, coles plumes allargaes de la corona, en forma de cresta curtia, color coloráu carmesí; el llombu azul celeste brillosu y les partes inferiores con un tinte verdosu opacu. L'iris ye castañu, el picu negru y les pates anaranxaes. La fema tien el plumaxe de les partes cimeres y el pechu color verde oliva; el gargüelu oliva abuxáu y l'abdome d'amarellentáu a blancuciu buxu.[3] [4]

Alimentación[editar | editar la fonte]

Aliméntase de frutes y de dalgunos inseutos. [5]

Reproducción[editar | editar la fonte]

Los machos realicen exhibiciones en grupu p'atraer a les femes y dos machos cooperen ente sigo al danzar frente a la fema que los mira.[4]

Constrúi un nial en forma de copa nun árbol. La fema pon dos güevos color crema con motes color marrón y guáralos mientres 20 díes.[5]

Referencies[editar | editar la fonte]

  1. 1,0 1,1 BirdLife International (2009) Chiroxiphia lanceolata; IUCN (2011) IUCN Red List of Threatened Species, Version 2011.2. Consultáu'l 29 d'avientu de 2011.
  2. Saltarín Lanceoláu (Chiroxiphia lanceolata) (Wagler, 1830); Avibase.
  3. 3,0 3,1 3,2 3,3 Elizondo, Luis Humberto (2000) Chiroxiphia lanceolata (Wagler, 1830) (Toledo, saltarín coludo); Especies de Costa Rica.INBio.
  4. 4,0 4,1 4,2 4,3 Hilty, Steven L. (2003) Birds of Venezuela: 666-667, pl.44. Princeton University Press.
  5. 5,0 5,1 5,2 Lance-tailed_Manakin; English Wikipedia

Enllaces esternos[editar | editar la fonte]