Chi Sao
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Chi Sao (黐手, pinyin: chīshǒu, cantonés: chi1sau2) o “manes pegañoses” denoma un principiu fundamental del Wing Chun y un conxuntu de téuniques.
El propósitu del chi sao ye desendolcar reflexos sensoriales en respuesta a la presión exercida pol adversariu, al envís d'”apegase” a él y crear una abertura pa golpiar. Na forma de wing chun que s’enseña n’occidente, el chi sao ye polo xeneral un exerciciu d'entrenamientu, consideráu como un xuegu de reflexos. Pa otres rames del wing chun, el chi sao ye una forma compuesta d'encadenamientos concretos.
El chi sao prautícase ente dos compañeros que caltienen el contautu de los sos antebrazos de la que faen delles téuniques, entrenándose mutuamente en percibir nel otru los cambeos de presión, d'intención, y los posibles ángulos d'ataque. Esti desarrollu de la sensibilidá aida al prauticante a atacar y contratacar de forma más rápida y precisa, coles téuniques más acionaes. Pero nun hai que confundir chi sao con una práutica de combate llibre, masque los sos principios pueden aplicase en combate.
En delles llinies (Yip Man, Jiu Wan), los prauticantes primerizos introdúcense nel chi sao con encadenamientos con un solu brazu denomaos dan chi sao (单黐手).
Chi sao refierse tamién a luk sao (双黐手, pinyin:shuāng chī shǒ), un exerciciu u dos compañeros encadenen defenses y ataques coles manes. Entrambos calquen y “xiren” los antebrazos contra los del contrariu, al envís d'apreciar la fuercia de los ataques, probar la resistencia y atopar posibles abertures. Esti exerciciu enséñase de manera diferente según les rames del wing chun.
El chi gerk (黐脚, pinyin: chījiǎo) o “piernes pegañoses” ye una téunica d'entrenamientu asemeyada al chi sao pal trabayu de les piernes.
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q1746089