Charles Durning

Charles Durning
Vida
Nacimientu	Highland Falls (es) , 28 de febreru de 1923
Nacionalidá	Estaos Xuníos
Muerte	Nueva York, 24 d'avientu de 2012 (89 años)
Sepultura	Cementeriu Nacional d'Arlington
Estudios
Estudios	American Academy of Dramatic Arts 1948) ; James I. O'Neill High School (en)
Llingües falaes	inglés
Oficiu	actor de teatru, actor de cine, actor de televisión
Premios	ver Estrella de Bronce ; Screen Actors Guild Life Achievement Award ; Estrella del Paséu de la Fama de Hollywood ; Estrella de Plata ; Premio Liga Dramática ; Lexón d'Honor ; Corazón Púrpura ; Premiu Tony al meyor actor de repartu nuna obra de teatru (1990) ;
Nominaciones	ver Óscar al meyor actor de repartu ; (17 febreru 1983): The Best Little Whorehouse in Texas; Óscar al meyor actor de repartu ; (16 febreru 1984): To Be or Not to Be;
Serviciu militar
Cuerpu militar	Exércitu de los Estaos Xuníos
Lluchó en	Segunda Guerra Mundial
IMDb	nm0001164

Charles Durning (28 de febreru de 1923, Highland Falls ^(es) – 24 d'avientu de 2012, Nueva York)^[4] foi un actor d'Estaos Xuníos.

Biografía[editar | editar la fonte]

Nació en Highland Falls, nel Estáu de Nueva York, fíu d'un oficial del exércitu. Foi llamáu a files por cuenta de la Segunda Guerra Mundial y participó nel desembarcu de les fuercies aliaes en Normandía; nuna de les batalles resultó mancáu. De regresu a los Estaos Xuníos realizó diversos trabayos. Unu d'ellos foi'l d'instructor de baille de salón. Tamién fixo pequeños papeles nel teatru, onde-y vio un productor, que lu contrató pal Festival de Teatru de Shakespeare en Nueva York. A partir d'entós, Durning intervieno en más de 30 obres teatrales, según tamién en delles películes.

Durning tuvo'l so primer ésitu importante nel teatru nel añu 1970, na obra That Champion Season, que ganó un Tony, el premiu más importante del teatru n'América. Pocos años dempués, en 1973 repitió esti ésitu al intervenir na película El golpe, con Paul Newman y Robert Redford, na qu'encarnó a un policía corruptu. La película ganó dellos Óscar. Durning tenía entós 50 años d'edá. Trabayara de forma siguida, pero nun llamara l'atención como actor. A partir d'entós les coses camudaron. Trabayó ensin fuelgu como unu de los actores secundarios más solicitaos. Les sos dotes d'interpretación dexáben-y realizar ensame de papeles distintos, y la so presencia nes películes contribuyó notablemente al so ésitu.

Dalgunes de les memorables actuaciones de Durning fueron el so papel de policía qu'intenta axustar con Al Pacino en Dog Day Afternoon, de presidente en Twilight's Last Gleaming, o de padre de Jessica Lange que se namora d'un Dustin Hoffman amarutáu de muyer en Tootsie. Foi nomáu al Óscar como meyor actor de repartu en 1982 por The Best Little Whorehouse in Texas y al añu siguiente por To Be or Not to Be, la nueva versión del clásicu d'Ernst Lubitsch realizada por Mel Brooks. Tamién siguió actuando nel teatru, onde se-y consideró igualmente un gran actor de calter. En 1989 ganó un Tony como meyor actor de repartu pol so papel del padre en La gata sobre'l teyáu de cinc, obra que tuvo en cartel en Broadway.

La capacidá de trabayu de Durning llevólu a intervenir tamién en numberoses películes y mini-series de televisión, nes qu'actuó con actores famosos, como Dustin Hoffman y Burt Reynolds, y coles que collechó tamién considerables ésitos. En 1975 fuera nomáu a un premiu Emmy, y 15 años más tarde, en 1990, ganar pol so papel na mini-serie The Kennedys of Massachusetts.

Durning casóse en dos causes. De la so primer esposa divorcióse en 1972, y al añu siguiente volvió casase. Tuvo tres fíos de la so primer esposa.

L'actor finó en Manhattan el 24 d'avientu de 2012 por causes naturales.