Charles Darwin

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Charles Darwin

Charles Robert Darwin (Shrewsbury, 1809 - Downe, 1882) foi un naturalista británicu.

Afitó les bases de la moderna teoría evolutiva, al plantear el conceutu de que toles formes de vida desenvolviéronse nun procesu adulces de seleición natural. El so llabor va tener una influyencia decisiva nes estremaes disciplines científiques y sobre'l pensamientu modernu en xeneral.

L'orixe de les especies, edición del 1958

Recueye esta teoría nel llibru L'orixe de les especies, publicáu'l 24 de payares de 1859 y que s'agotó'l primer día de tar a la venta.

Biografía[editar | editar la fonte]

Nació en Shrewsbury, Shropshire, el 12 de febreru de 1809. Yera'l quintu fíu d'una sofisticada y acomodada familia inglesa. El so güelu maternu va ser el prósperu empresariu de porcellanes Josich Wedgwood. El so güelu paternu va ser el famosu mélicu del sieglu XVIII Erasmus Darwin.

Acabante finar los estudios na Shrewsbury School l'añu 1825, Darwin estudia Medicina na Universidá d'Edimburgu.

L'añu 1827 dexa la carrera de Medicina pa entrar na Universidá de Cambridge y convertise en ministru de la Ilesia Anglicana.

Dempués de graduase en Cambridge nel añu 1831, el mozu Darwin embárcase a los 22 años na esploración HMS Beagle como naturalista ensin sueldu, gracies a la recomendación del naturalista John Stevens Henslow, al que conoció na universidá. El viaxe diba dar la vuelta al mundu nun periplu de 5 años.

Darwin foi escoyíu miembru de la Real Sociedá británica (1839) y de l'Academia Francesa de les Ciencies (1878).

Tres de morrer en Downe, el 19 d'abril de 1882 concedióse-y l'honor de ser enterráu na abadía de Westminster.

Enllaces esternos[editar | editar la fonte]

Charles Darwin
Wikimedia Commons tien archivos rellacionaos con:

Ver tamién[editar | editar la fonte]