Canis mesomelas

De Wikipedia
(Redirixío dende Chacal)
Saltar a: navegación, buscar
Wikipedia:Correxíos
Chacal
Canis mesomelas
Clasificación científica
Reinu: Animalia
Filu: Chordata
Clas: Mammalia
Orde: Carnivora
Familia: Canidae
Xéneru: Canis
Especie: mesomelas
Especie
Canis mesomelas


El chacal de llombu negru o Canis mesomelas ye una especie de mamíferu carnívoru de la familia Canidae.

Al cabu d'un añu, el chacal de llombu negru algama'l maduror sexual. Tienen camaes de 4 a 8 críes, precisando un periodu de xestación de dos meses aprosimao. El so pesu d'adultu ye d'ente 10 y 15 kg, un llargor de 80 cms a un metru, y una cola d'unos 20 cms.

Hábitat[editar | editar la fonte]

Habita en rexones seques o desértiques, atopándose en dos poblaciones separtaes, una d'elles presente nel oeste del África central y la segunda nel sur d'África.[1]

Costumes[editar | editar la fonte]

Ye de costumes nocherniegues, y mientres el día escapa del calor abelugáu na so lluriga, so un saliente predresu o so les carbes. Tien una gran resistencia que-y dexa andar grandes distancies mientres toa una nueche si ye preciso. A pesar d'analayar solu, atopóse-y en grupos formaos por miembros de la so mesma familia. Aliméntase de pequeños mamíferos, inseutos y reptiles, pero sobremanera de carroña. Ye precisamente polos sos vezos carroñeros que suel vese xunto con hienes y utres en derredor de les llacuaes de los grandes carnívoros africanos, como lleones, guepardos y lleopardos.

Intégrase ensin mieu nos núcleos de población, ensin saber que ye llargamente tarrecíu pol home, al ser tresmisor de la rabia.

Subespecies[editar | editar la fonte]

Conócense les siguientes subespecies:

  • Canis mesomelas mesomelas, subespecie del sur d'África.
  • Canis mesomelas schmidti, subespecie del este d'África central.

Referencies[editar | editar la fonte]

  1. http://www.naturalista.mx/taxa/42046-Canis-mesomelas Clasificación