Cerveza Pilsener

De Uiquipedia
Saltar a: navegación, buscar
Cerveza Pilsner Urquell (Plzeňský Prazdroj) servía nos sos vasos orixinales, fabricada na ciudá de Pilsen, na República Checa, qu'ellaboró orixinalmente cerveza per aciu'l conocíu como "métodu pilsen"

Pilsener, pilsner o simplemente cerveza tipu Pilsen ye'l tipu de cerveza ellaborao anicialmente na ciudá de Pilsen, al oeste de Bohemia (República Checa). Tán feches con maltes de Moravia y, sobremanera, llúpulu Zatec (Saaz n'alemán) y con baxu formientu.

Historia[editar | editar la fonte]

Oríxenes[editar | editar la fonte]

Hasta la década de 1840, les más de les cerveces de Bohemia yeren de formientu altu, escures y trupes. El sabor y los estándares de calidá ufríen ciertes variaciones que podíen llegar a niveles ínfimos. Hebo delles engarradielles nel añu 1838 por mor a la insatisfaición de dellos consumidores. Los ciudadanos de Pilsen decidieron nel añu 1839 fundar y construyir una cervecería onde ellaboralo por sí mesmos, y la denomaron Cervecería burguesa (güei Plzeňský Prazdroj). La norma principal pa la so ellaboración foi la unión al xeitu de les industries cerveceres de Baviera (Alemaña).

Mui ceo entamaron a esperimentar con variantes de les cerveces alemanes de tipu lager (maduraes en suétanos) de formientu baxu, que requeríen menos temperatura y daben un bon sabor y arume, arriendes de prollongar la so estada de consumu. La mayor parte de la investigación realizárase y compilárase nún llibru escritu n'alemán (impresu dende l'añu 1794, y en checu de magar 1801), que redautárase por František Ondřej Poupě (1753–1805) en Brno (Brünn).[1]

Espardimientu[editar | editar la fonte]

La Cervecería burguesa pescanció reclutar al cerveceru bávaru Josef Groll (18131887) quien, emplegando nueves téuniques disponibles na manipulación de les maltes, presentó'l so primer diseñu de una moderna pilsener el 5 d'ochobre de 1842. La combinación de colores de pale (pálida) de les nueves maltes, la esforia y llixeramientu mineral de les augües emplegaes, l'emplegu del llúpulu noble de les arredolaes de Saaz y el lagering col que se trataba a la cerveza siguiendo les pautes bávares, fexo que yá na presentación de 1842 la cerveza tornárase nuna auténtica sensación. Cola meyora de les comunicaciones per tierra al traviés de los vastos territorios d'Europa central, el denomáu estilu Pilsener Brauart pronto tendría imitadores a lo llargo de toa Europa. En 1859 la denomación “Pilsner Bier” foi rexistrada como nome de marca pola Cámara de Comerciu y Mercancíes de la ciudá de Pilsen. Nel añu 1898, la cerveza Pilsner Urquell (‘Orixinaria de Pilsen’) foi creada al envís de facer énfasis sobro l'orixe de la cerveza.

Pilseners modernes[editar | editar la fonte]

La invención del modernu refrixeramientu por Carl von Linde fexo que desapaeciera de la ellaboración de la cerveza la necesidá d'emplegar cueves p'almacenar (lager) la cerveza. Sicasí, hasta poco más que mediaos del sieglu XX la cervecera Pilsner Urquell entá formientaba la so cerveza en bocois abiertos que s'almacenaben en suétanos averaos a les instalaciones. La teunoloxía mudó nel añu 1993, xusto nel intre nel que s'introduxeron los tanques-contenedor cilíndricos, ñaciendo d'esti xeitu'l conceutu de lo que pue denomase la «moderna pilsener».

Les modernes pilseners son cerveces llixeres, nidies de color que suelen dir dende'l pale (‘pálida’) hasta'l mariellu doráu, y poseyen un refináu arume y sabor a llúpulu. Les pilseners cheques suelen tender a tener un sabor más sele, siendo bonos exemplos d'ello Pilsner Urquell, Gambrinus y Staropramen, mientres que les cerveces alemanes presenten un sabor más amargu (particularmente nel norte, como la ellaborao na ciudá alemana de Jever) y inclusive poseyen una color más ocre. Exemplos distintivos de les cerveces pilseners alemanes son: Flensburger, Beck's, Bitburger, Fürstenberg, Herrenhäuser, König, Krombacher, Radeberger, St Pauli Girl, Veltins, Jever y Wernesgrüner. Una versión canadiense d'estes cerveces ye'l Labatt Blue.

Marques conocíes[editar | editar la fonte]

Ver tamién[editar | editar la fonte]

Referencies[editar | editar la fonte]

  1. Basařová G.: Der legendäre böhmische Brauer František Ondřej Poupě (Franz Andreas Paupie) 1753-1805. Jahrbuch 2003 Gesellschaft für die Geschichte und Bibliographie des Brauwesens E.V. (GGB), (2003) 1, 128-146.

Enllaces esternos[editar | editar la fonte]