Central hidroeléctrica de La Barca

De Wikipedia
Saltar a navegación Saltar a la gueta
Central hidroeléctrica de La Barca
Central Barca 00.JPG
Llocalización
PaísBandera d'España España
AutonomíaFlag of Asturias.svg Principáu d'Asturies
Coordenaes 43°19′19″N 6°18′10″O / 43.32194°N 6.30278°O / 43.32194; -6.30278Coordenaes: 43°19′19″N 6°18′10″O / 43.32194°N 6.30278°O / 43.32194; -6.30278
Central hidroeléctrica de La Barca is located in Asturies
Central hidroeléctrica de La Barca
Central hidroeléctrica de La Barca
Central hidroeléctrica de La Barca (Asturies)
Historia y usu
Apertura1966
Llargor 178 m.
Cambiar los datos en Wikidata

La central hidroeléctrica de La Barca ye una central hidroeléctrica n'Asturies, España; asitiada baxu la Presa de Calabazos, ye abastecida pol banzáu del mesmu nome, nel ríu Narcea, ente los términos municipales de Tinéu y Balmonte.

Vista aérea de la Presa de Calabazos.

Historia[editar | editar la fonte]

La presa foi alzada ente 1959 y 1966 con una construcción de tipu bóveda por Hidroeléctrica del Cantábricu, güei HC Enerxía, entrando dos grupos en funcionamientu en 1967. El tercer grupu, nun entraría hasta 1974.

Xuntu cola Central hidroeléctrica de La Florida, de menor dimensión, constitúin l'únicu aprovechamientu hidroeléctrico del Ríu Narcea a gran escala.

Medioambientalmente, supón una barrera física infrayable pa les especies autóctones qu'habiten el ríu, especialmente pal Salmón, lo qu'amenorga sensiblemente'l númberu d'exemplares al trate afectáu'l so ciclu vital nel so remonte escontra les agües montascoses y osixenaes pa la so reproducción.

El Banzáu de la Barca[editar | editar la fonte]

Tien un llargor de 15 km aproximao tando la compuerta allugada na llende ente Tinéu y Salas y el so rabu en Soto de la Barca. La so superficie ye de 194 hai, con una capacidá máxima de 34 hm³. Pa la construcción del banzáu foi necesariu anubrir el pueblu de Bebares, nel qu'había cuarenta cases, ente qu'anguaño namái hai cinco ente les que s'atopa'l chigre. Cerca d'esti banzáu tán delles mines de la empresa Caolines de Merillés. Esti banzáu ye bien peligrosu una y bones la carretera AS-15 va percima d'él, llegando en dellos casos a esfregar l'altor de 100 m ente'l banzáu y la carretera; yá habíu munchos accidentes nesti trechu de la carretera más qu'en nengún otru, dalgunos d'ellos inclusive con muertos.

Carauterístiques téuniques[editar | editar la fonte]

Datos Enerxétiques:

  • Potencia instalada: (MW) 57,7
  • Enerxía producible n'añu mediu: 135.000 MWh
  • Númberu de grupos: 3
  • Caudal máximu d'Equipamientu: 104,3 m³/s

Carauterístiques físiques:

  • Saltu netu mediu: 58 m
  • Volume útil del banzáu: (Hm3) 25,2
  • Tipu de Presa: Bóveda
  • Tipu de central: Pie de presa, esterior
  • Númberu d'Alternadores: 3
  • Tipu de turbina: Francis vertical