Central Lechera Asturiana

Central Lechera Asturiana
	Central Lechera Asturiana G.S.C (es)
	negociu
Llocalización
Sede	Siero
Direición	España
Forma xurídica	Sociedad Agraria de Transformación (es)
Historia
Fundación	1982
Sector
Industria	industria alimentaria (es)
Productos destacaos	lleche; quesu; productos de la lleche
Participación empresarial
Propietariu de	ver CAPSA Food (es) ; Asturiana de Servicios Agropecuarios, ASA (es) ; Q54279379 ; Q54279508 ; Q54279621 ; Q54277357 ;
	Web oficial

Central Lechera Asturiana, SAT nᵘ 471 Ltda. ye una sociedá agraria de tresformamientu (SAT) d'Asturies, España. Controla la mayoría accionarial de la empresa Corporación Alimentaria Peñasanta, S.A. (CAPSA), empobinada a la fabricación de productos lácteos, y tien los derechos sobre la marca Central Lechera Asturiana». Tien la so sede central na parroquia de Granda, asitiada nel conceyu de Siero.

La Central Lechera Asturiana tien el so precedente nun grupu sindical de colonización de ganaderos asturianos creáu 1967 qu'empezó a comercializar la so propia marca en 1971. En 1982 los ganaderos constituyeron nuna sociedá agraria de tresformamientu (figura xurídica española similar a la cooperativa en dellos aspeutos anque con marcaes diferencies n'otros) y en 1997 la sociedá convirtióse na principal accionista de la nueva Corporación Alimentaria Peñasanta. La Corporación Alimentaria Peñasanta opera coles marques Central Lechera Asturiana», «Larsa», «Arreyo», «Anueva» y «Vega d'Oru» y paga un canon a la sociedá pol usu de la marca Central Lechera Asturiana».

El accionariado de Corporación Alimentaria Peñasanta compónse de:^[1]

Central Lechera Asturiana, SAT nᵘ 471 Ltda. (81,53%)
Liberbank (10,90%)
Caxa Rural d'Asturies 6,87%)
Minoritarios (0,70%)

Conductes anticompetitivas[editar | editar la fonte]

En 2015 la Comisión Nacional de los Mercaos y la Competencia (CNMC) d'España impunxo a Central Lechera Asturiana una multa de 698.477 euros por conductes anticompetitivas. Delles empreses del sector lácteo fueron sancionaes nel mesmu espediente por alcordar el repartu del mercáu de suministru de lleche crudo “nuna infracción único y siguío dende siquier l'añu 2000 hasta l'añu 2013 incluyíu".^[2]

Patrociniu d'equipos[editar | editar la fonte]

CLAS-Cajastur, equipu ciclista profesional de los años 1990 patrocináu por Central Lechera Asturiana.
Xixón Baloncestu, equipu profesional de baloncestu patrocináu por Central Lechera Asturiana nos años 1980.

Referencies[editar | editar la fonte]

Enllaces esternos[editar | editar la fonte]

[1] Estructura accionarial de CAPSA

[2] Competencia multa con 88 millones a nueve empresas lácteas

[1]

[2]