Celso Amieva
Celso Amieva | |
|---|---|
| Vida | |
| Nacimientu | Puente San Miguel, 19 de marzu de 1911 |
| Nacionalidá |
 España |
| Muerte | Moscú, 1988[1] (76/77 años) |
| Estudios | |
| Llingües falaes | castellanu |
| Xéneru artísticu | poesía |
 | |
José María Álvarez Posadas, (19 de marzu de 1911, Puente San Miguel – 1988, Moscú) que roblaba les sos obres col seudónimu Celso Amieva, foi un poeta español perteneciente a la Xeneración del 36. Amás del seudónimu pol que ye recordáu tamién utilizó los seudónimos Lino Serdal, Elías Pombo, Fideal y Corsino Urriel.
Biografía[editar | editar la fonte]
Anque la so familia yera asturiana y asturianu siempres se consideró él, nació na cantabra población de Ponte de San Miguel onde'l so padre exercía l'oficiu de maestru d'escuela. Siguió los pasos del so padre y convirtióse en profesor, exerciendo nos pueblos de La Franca, en Sotres, en Barru, en Panes y en Colombres, n'Asturies.
Mientres la guerra civil militó nel bandu republicanu, polo qu'acabada la guerra tuvo que dir al exiliu, colando primeru a Francia en 1939, y más tarde a Méxicu. Nel país azteca retomó'l so trabayu como profesor dando clases de llingua castellanu. Tamién trabayó como traductor de poemes franceses y foi collaborador de numberoses publicaciones de toa América.
La so participación nel guión de la película Pueblu n'armes valió-y la condecoración Medaya Artística de la Revolución Mexicana. En 1969 coló a la URSS, que'l so Sóviet Supremu premiólu en 1985 cola Orde de l'Amistá de los Pueblos, ellí finó en 1988.
La so obra[editar | editar la fonte]
Empezó nel mundu de la poesía a una edá bien temprana, a los catorce años publicó poemes nel periódicu L'Ecu de los Valles y nos seminarios El Pueblu y L'Oriente d'Asturies. Toes elles publicaciones del ámbitu asturianu. Los aponderamientos qu'estes primeres publicaciones recibieron de la crítica llocal impulsáron-y a siguir publicando y a faelo en periódicos más importantes de la rexón. La guerra atayó la so progresión como poeta, y l'exiliu fixéron-y entornar nos sos poemes la señardá de la tierra. Finalmente arrexuntó los sos poemes nel volume Poemes de Llanes que ye un auténticu cante d'amor a la so patria.
Referencies[editar | editar la fonte]
- ↑ «rexistru d'autoridaes BNE». Consultáu'l 8 xunetu 2020.
Enllaces esternos[editar | editar la fonte]
- [1] Biografíes de Exiliaos españoles
- [2] Celtiberia
- [3] Vivir Asturies
- [4] (enllaz rotu disponible n'Internet Archive; ver l'historial y la última versión). La Voz de Asturias
Datos: Q5659716