Celia Barquín

De Wikipedia
Saltar a navegación Saltar a la gueta
Celia Barquín
Celia Barquín.jpg
Vida
Nacimientu Puente San Miguel6  de xunetu de 1996
Nacionalidá Bandera d'España España
Fallecimientu

Ames17  de setiembre de 2018

(22 años)
Causa de la muerte firida por pinchatu
Estudios
Estudios Universidad Estatal de Iowa Traducir
Oficiu
Oficiu golfista y estudiante
Cambiar los datos en Wikidata

Celia Barquín Arozamena (6  de xunetu de 1996Puente San Miguel - 17  de setiembre de 2018Ames) foi una golfista amateur española, ganadora del Campeonatu Européu de Golf Femenín Amateur de 2018.

Biografía[editar | editar la fonte]

Nació en Puente San Miguel, Cantabria y educóse'n Torrelavega y llueu en Madrid. Pasó dos años nun programa na residencia Blume del Conseyu Superior de Deportes antes de treslladase a los Estaos Xuníos pa estudiar inxeniería civil na Universidá estatal de Iowa,[1] onde foi miembru del equipu de golf femenín Iowa State Cyclones de 2014 a 2018, sindo nomada Deportista Femenina del Añu 2018 de la Iowa State University.[2]

Participó cola seleición española nos Campeonatos Europeos de Golf Femenín por equipos de 2015 y 2016, onde l'equipu anabó nel tercer y segundu llugar respeutivamente.[3] Ganó'l Campeonatu Européu de Golf Femenín Amateur de 2018 que tuvo llugar nel Penati Golf Resort d'Eslovaquia, acabando un golpe per delantre de Esther Henseleit.[4][5] Na tercer ronda, algamó un record del campu con 63 golpes.[3] Calificose pal Abiertu Femenín de los EE.XX. de 2018, nel que nun pasó'l corte. En 2018, algamó la Fase II de la LPGA Q-School, que tien de xugase a mediaos d'ochobre.[3] Igualmente, participó nos Xuegos Olímpicos de la Mocedá en 2014.

Muerte[editar | editar la fonte]

El 17 de setiembre de 2018 a les 10:24 a.m., el Departamentu de Policía de Ames recibió una llamada tres lo que'l so cuerpu alcontróse ensin vida na pista del Coldwater Golf Links en Ames, estáu de Iowa. N'investigando'l casu, la policía determinó que foi asesinada. [1][6] Un home de 22 años, más tarde reconocíu como Collin Daniel Richards, que tuviera viviendo nuna tienda de campaña cerca del campu de golf, foi acusáu del so asesinatu. L'home tien antecedentes penales según la policía de Iowa.[7][3]

Homenaxes[editar | editar la fonte]

Barquín, la meyor golfista femenina de la historia de la Iowa State University, foi honrada'l sábadu, 22 de setiembre de 2018, nel Jack Trice Stadium en Ames, Iowa. A les 10:50 a.m. CDT (UTC−05:00), proyeutóse un videu d'homenaxe y tovo llugar un momentu de silenciu nel so honor antes del partíu de fútbol americanu Iowa State vs. Akron. Pídióse que los fans vistieran del so color favoritu, el mariellu. Amás, nel so honor, los dos equipos llevaron les sos iniciales, CBA, serigrafiaes nos cascos y la Iowa State University Cyclone Football Varsity Marching Band will formó un «CBA» demientres la so actuación. A títulu póstumu, Celia Barquín recibirá'l diploma d'inxeniería civil de la Iowa State University.[8][9]

Antes de la so muerte, Barquín diba recibir el premiu a la deportista-estudiante femenina del añu de la Iowa State nel Jack Trice Stadium el 22 de setiembre de 2018.[10][11]

Victories amateur[editar | editar la fonte]

  • 2011 Grand Prix de Chiberta
  • 2012 Grand Prix de Chiberta
  • 2013 Grand Prix de Chiberta, Campeonatu Excmu. Aytu. de Llanes
  • 2014 Campeonatu del Principáu d'Asturies Absolutu
  • 2017 Copa Match Play Comunidá Valenciana
  • 2018 Big 12 Women's Championship, Campeonatu Européu de Golf Femenín Amateur

Fonte:[12]

Apaiciones na seleición[editar | editar la fonte]

Fonte:[12]

Referencies[editar | editar la fonte]

  1. 1,0 1,1 (en castellanu) Asesinada la golfista española Celia Barquín en un campo de golf de EE UU. 18 de setiembre de 2018. https://elpais.com/deportes/2018/09/18/actualidad/1537252283_544294.html. Consultáu 'l 18 de setiembre de 2018. 
  2. (en inglés) Drifter charged in stabbing death of champ golfer in Iowa. 18 de setiembre de 2018. https://www.sfgate.com/news/crime/article/Ames-police-find-body-at-golf-course-13236363.php. Consultáu 'l 18 de setiembre de 2018. 
  3. 3,0 3,1 3,2 3,3 (en inglés) Celia Barquín: European golf champion murdered in Iowa. BBC News. 18 de setiembre de 2018. https://www.bbc.com/news/world-europe-45558504. Consultáu 'l 18 de setiembre de 2018. 
  4. «Celia Barquin wins European Ladies' Amateur Championship» (inglés) (28 de xunetu de 2018). Consultáu'l 18 de setiembre de 2018.
  5. «2018 European Ladies´Amateur Championship» (inglés). Consultáu'l 18 de setiembre de 2018.
  6. «Collin Daniel Richards, el presuntu asesín de la golfista Celia Barquín». El Mundu (18 de setiembre de 2018).
  7. «Slaying of star golfer from Spain shocks Iowa college town». SFGate. Consultáu'l 18 de setiembre de 2018.
  8. Iowa State football asking fans to wear yellow in honor of slain former Iowa State golfer. Des Moines, Iowa. 18 de setiembre de 2018. https://www.desmoinesregister.com/story/sports/college/iowa-state/cyclone-insider/2018/09/18/celia-barquin-iowa-state-football-asks-fans-wear-yellow-saturdays-game/1347085002/. Consultáu 'l 19 de setiembre de 2018. 
  9. Iowa State Athletics to honor Celia Barquin Arozamena on Saturday at football game. Ames, Iowa. 18 de setiembre de 2018. http://www.iowastatedaily.com/sports/celia-barquin-arozamena-honored-at-iowa-state-football-game/article_7e037b9e-bb64-11e8-94b6-f70c38276df8.html. Consultáu 'l 19 de setiembre de 2018. 
  10. Rowan, Jason (19 de setiembre de 2018). «Iowa State football to honor murdered Cyclones golfer at Saturday's game».
  11. «Iowa State names Lanning, Arozamena, athletes of the year». CycloneFanatic.com. 13 de xunu de 2018. https://cyclonefanatic.com/2018/06/iowa-state-names-lanning-arozamena-athletes-of-the-year/. Consultáu 'l 19 de setiembre de 2018. 
  12. 12,0 12,1 «Celia Barquin Arozamena». World Amateur Golf Ranking.

Enllaces esternos[editar | editar la fonte]

Celia Barquín