Celeste Caeiro

Celeste Caeiro
Vida
Nacimientu	Socorro, 2 de mayu de 1933 (90 años)
Nacionalidá	Portugal
Llingua materna	portugués
Estudios
Llingües falaes	portugués
Oficiu	camarera, modista
Seudónimos	Celeste dos Cravos

Celeste Martins Caeiro (2 de mayu de 1933, Socorro) foi la muyer que, el día 25 d'abril de 1974, distribuyó claveles a los militares que llevaben a cargu'l golpe d'estáu pa ganar el réxime dictatorial lideráu por Marcelo Caetano. Por esti motivu, la revolución sería conocida como la Revolución de los Claveles.

Biografía

Mural de la Revolución de los Claveles.

De madre española, ye la más nueva de tres hermanos y cuasi nun conoció al padre, que los abandonó. Celeste Caeiro trabayaba, na dómina de la Revolución, nun restorán na cai Braancamp de Lisboa. El restorán, inauguróse un añu antes, el 25 d'abril de 1973 y la xerencia entamaba ufiertar flores a les veceres y un vinu de Porto a los veceros. Esi día, sicasí, como taba trescurriendo'l golpe d'estáu, el restorán nun abrir. El xerente dixo a los trabayadores que se fueren a casa y dio-yos los claveles por que los llevaren, yá que nun podríen ser distribuyíos pa les veceres. Cada persona llevó un ramu de craveles coloraos y blancos qu'había nel almacén.

Pa tornar a la so casa, Celeste tomó'l metro pa Rossio y dirixióse al Chiado, onde s'atopó colos tanques de los revolucionarios. Averar a unu de los tanques, preguntó qué pasaba, y un soldáu respondió-y Nos vamos pa El Carmo a detener a Marcelo Caetano». «¡Esto ye una revolución!». El soldáu pidió-y un pitu, pero Celeste nun tenía nengunu. Celeste quería merca-y cualquier cosa pa comer, pero les tiendes taben toes zarraes. Asina que-y dio les úniques coses que tenía pa da-y: los ramos de claveles, diciéndo-y «Si quier tome, un clavel ufiértase-y a cualquier persona». El soldáu aceptó y punxo la flor nel cañón de la so escopeta. Celeste foi dando craveles a los soldaos que diba atopando, dende'l Chiado hasta la Ilesia de los Mártires.

Tres el so xestu, a Celeste llamáronlu 039;'Celeste dos cravos (Celeste de los Claveles). En 1999 la poeta Rosa Guerreiro Dias dedicó-y el poema Celeste em Flor.

Vive con una pensión de 370 euros nuna pequeña casa a pocos metros de l'Avenida de la Llibertá en Lisboa.

Enllaces esternos

• Celeste Caeiro, la muyer que, con un pequeñu xestu, dio nome a la Revolución de los Claveles Canal Social UXT, 25 d'abril de 2016.

• Datos: Q16337118