Celeno (estrella)

De Wikipedia
Saltar a navegación Saltar a la gueta
Celeno (estrella)
Celeno
Constelación Tauru
Ascensión reuta α 03h 44min 48,2s
Declinación δ +24º 17’ 22’’
Distancia 440 años lluz
Magnitú visual +5,45
Magnitú absoluta +0,40
Lluminosidá 240 soles
Temperatura 13.200 K
Masa 3,7 soles
Radiu 3 soles
Tipu espectral B7IV
Velocidá radial +2,9 km/s

Celeno o Celaeno (16 Tauri / HD 23288 / HR 1140)[1] ye una estrella na constelación de Tauru que forma parte del cúmulu abiertu de les Pléyades. La so magnitú aparente ye +5,45 y alcuéntrase a unos 440 años lluz de distancia. Dacuando ye conocida como la Pléyade Perdida, yá que —sacante Asterope—, ye la más tenue ente les estrelles d'esti cúmulu que tienen nome propiu. El so nome correspuende a una de los siete Pléyades, fíes del titán Atles y la oceánide Pléyone.

Celeno apaez catalogada como una subxigante blancu-azulada de tipu espectral B7IV[1][2] con una temperatura de 13.200 K. 240 vegaes más lluminosa qu'el Sol, el so radiu ye 3 vegaes mayor qu'el radiu solar. Tien una velocidá de rotación de siquier 185 km/s, lo que la lleva a completar una vuelta en menos de 19 hores. D'alcuerdu al profesor Jim Kaler, nel so interior el hidróxenu sigue tresformándose en heliu, polo que nun ye una verdadera subxigante, si non una estrella de la secuencia principal; d'alcuerdu a la so masa equivalente a 3,7 mases solares—, la so permanencia na secuencia principal ye de 225 millones d'años, ente que la edá de les Pléyades ye de namái 130 millones d'años.[3]

Celeno ye una estrella binaria con una compañera cercana, detectada per aciu interferometría, a 0,0062 segundos d'arcu. Seis veces más tenue que la estrella principal, el so rellumu correspuende a una estrella blanca de tipu A3, distante menos de 1 UA de la estrella principal, con un periodu orbital llixeramente inferior a mediu añu.[3]

Referencies[editar | editar la fonte]