Caudal (hidrografía)

De Wikipedia
(Redirixío dende Caudal (hidroloxía))
Saltar a navegación Saltar a la gueta

Denómase caudal n'hidrografía, hidroloxía y, polo xeneral, en xeografía física, al volume d'agua que circula pel calce d'un ríu nun llugar y tiempu determinaos. Refierse fundamentalmente al volume hidráulico de la escorrentía d'una cuenca hidrográfica concentrada nel ríu principal de la mesma. Suel midise en m³/seg lo que xenera un valor añal midíu en m³ o en Hm³ (hectómetros cúbicos: un Hm³ equival a un millón de m³) que pue emplegase pa planiar los recursos hidrolóxicos y el so usu al traviés de banzaos y obres de canalización. El caudal d'un ríu mídise nos sitios d'aforu. El comportamientu del caudal d'un ríu promediáu a lo llargo d'una serie d'años constitúi lo que se denoma réxime fluvial d'esi ríu.

Factores que cambien el caudal d'un ríu[editar | editar la fonte]

Los principales son:

  • Superficie de la cuenca
  • Clima predominante na cuenca hidrográfica.
  • Réxime fluvial
  • Vexetación, principalmente, la vexetación natural.
  • Tipu de relieve y pindies
  • Constitución del suelu y del sosuelu: tipos de roques, circulación freática de les agües, evaporación de les agües (que depende de la radiación solar o insolación y de la trespiración de les plantes) y otros factores rellacionaos.

Superficie de la cuenca[editar | editar la fonte]

Mapa de la cuenca del ríu Amazones n'América del Sur

La superficie de la cuenca d'un ríu ye un factor bien importante que determina en gran parte'l caudal del mesmu. Por regla xeneral, ente dos ríos n'igualdá de condiciones (zones de clima y relieve asemeyáu, etc.), va ser más caudalosu'l ríu cola cuenca más estensa. Asina, el ríu Amazones ye, al empar, el que tien la cuenca más estensa y el mayor caudal en tol mundu (cuenca de más de 7 millones de km² y caudal d'unos 200.000 m³/seg).

Clima predominante[editar | editar la fonte]

Los climes más húmedos y lluviosos tienen un caudal más constante y abondosu. De nuevu, el casu del ríu Amazones presenta un caudal bien abondosu y ensin munches fluctuaciones yá qu'esti ríu alcuéntrase siguiendo la llatitú averada del ecuador terrestre: magar que la mayor parte de la so cuenca alcuéntrase al sur del ecuador (colos sos afluentes Ucayali, Juruá, Purus, Madeira, Tapajoz, Xingú y Tocantins, anque esti postreru xúnese-y yá na desaguada), la importancia de los ríos afluentes pela marxe esquierda, esto ye, al norte del ecuador, contribúi a permediar el caudal del ríu una y bones les crecíes d'estos ríos asoceden en dómina distinta y complementaria que les del hemisferiu sur, esto ye, los afluentes de la marxe derecha. Ente los ríos afluentes pela marxe esquierda de l'Amazones, podemos citar al Napo, Putumayo, Japurá y, sobremanera, el Negru.

En dellos casos, la cuenca d'un ríu suel presentar climes bien diversos ente sigo, sobre tou nel casu de los ríos más estensos. Ye'l casu de los ríos alóctonos como'l Níxer y, sobremanera, el Nilu.

Réxime fluvial[editar | editar la fonte]

Vexetación natural[editar | editar la fonte]

Relieve de la cuenca Carauterístiques del suelu y del sosuelu[editar | editar la fonte]

Usu económicu del caudal d'un ríu[editar | editar la fonte]

  • Suministro d'agua pa usos urbanos.
  • Regación al traviés d'acequies o canales, cálceres, represes, etc.
  • Producción d'electricidá per aciu represas qu'alimenten centrales hidroeléctriques.
  • Saléu fluvial (saléu de recréu y, especialmente, de tresporte de materies primes).
  • Pesca fluvial.
  • Parques y llugares de recreación