Catherine Fahringer

De Wikipedia
Saltar a navegación Saltar a la gueta
Catherine Fahringer
Vida
Nacimientu Utah12  de setiembre de 1922
Nacionalidá Estauxunidense
Fallecimientu San Antonio12 d'avientu de 2008 (86 años)
Causa de la muerte cáncer de páncreas Traducir
Oficiu
Oficiu escritora
Creencies
Relixón ateísmu
Cambiar los datos en Wikidata

Catherine Fahringer (apellíu de soltera Compton) (12 de setiembre de 192212 d'avientu de 2008) foi una activista social y escritora estauxunidense que militó pola separación de la Ilesia del Estáu nel so país d'orixe.

Primeros años[editar | editar la fonte]

Catherine Compton nació en 1922, fía d'un militar que finaría mientres la Segunda Guerra Mundial. Contraxo matrimoniu con Fred Fahringer, tamién militar, a principios de la década de 1940; la pareya tuvo un fíu y una fía, quien finó cuando entá yera nueva. La pareya vivió en delles partes d'Estaos Xuníos, en Xapón y en Francia, y finalmente establecióse en San Antonio.[1]

Activismu social[editar | editar la fonte]

En 1988 Fahringer foi una de les co-fundadores de Freethought Forum, un capítulu de San Antonio, Texas de la Freedom From Religion Foundation (FFRF), xunto a Don DeNatale y Jeffrey Levan. Más tarde trabayaría como secretaria de la FFRF.

Les sos campañes en Texas incluyeron una protesta contra'l Almuerzu d'Oración Nacional del alcalde de San Antonio en 1991, y una "Manifestación pola razón" (Rally for Reason) en 1994. Tamién trabayó afalando la remoción de los cartelos asitiaos nos aparatos de allumáu públicu de la ciudá que contuvieren símbolos relixosos, la oración obligatoria nes escueles públiques y nes universidaes, y lluchó por que se retiraren les cabines d'eleiciones polítiques de les instituciones relixoses. Tamién militaba viviegamente en proyeutos rellacionaos con problemátiques tales como'l albuertu y el control d'armes.

Fahringer finó de cáncer d'entrellenzu n'avientu de 2008, a los 86 años d'edá.[2]

Referencies[editar | editar la fonte]

  1. A Guide to the Catherine Fahringer Papers, 1936-1998, Universidá de Texas en San Antonio. Consultáu'l 13 de xunetu de 2010.
  2. Catherine Fahlinger Critically III. Free Thinckers Act. Consultáu'l 13 de xunetu de 2010.

Enllaces esternos[editar | editar la fonte]



Catherine Fahringer