Cath Wallace

De Wikipedia
Saltar a navegación Saltar a la gueta
Cath WallacePicto infobox character.png
Cath Wallace, 2007.jpg
Cath Wallace en 2007
Vida
Nacimientu

Hamilton Traducir1952

(66/67 años)
Nacionalidá Neozelandesa
Oficiu
Oficiu profesora universitaria y ambientalista
Emplegadores Universidad Victoria en Wellington Traducir
Universidá Nacional Australiana
Premios
Cambiar los datos en Wikidata

Catherine C. "Cath" Wallace (nacida en 1952) ye una ecoloxista de Nueva Zelanda y académica. Da conferencies d'economía y política pública na Universidad Victoria de Wellington, y forma parte d'organizaciones venceyaes col mediu ambiente en Nueva Zelanda. Dióse-y el Premiu Medioambiental Goldman en 1991, gracies a les sos contribuciones pa la proteición del mediu ambiente n'Antártida.[1]

Activismu y Trabayu Políticu[editar | editar la fonte]

Dende 1987 Cath Wallace dio conferencies na Universidad Victoria de Wellington sobre economía y política pública, centrándose nel mediu ambiente.

Mientres una década foi la presidenta de les Organizaciones de Caltenimientu del Mediu Ambiente de Nueva Zelanda, (Environment and Conservation Organizations of New Zealand, ECU).[1] ECU ye una organización ensin ánimu d'arriquecimientu que s'esmolez de la preservación del mediu ambiente.[2] Cath Wallace sigue formando parte d'ECU.

Wallace formó parte del Conseyu de IUCN, la Unión Internacional pal Caltenimientu de la Naturaleza, mientres dos mandatos. El so principal focu foi consiguir que se caltuvieren en mente los costos medioambientales cuando se tomaren decisiones nacionales. Ella impulsó reformes a nivel medioambiental y de polítiques enerxétiques.

Como parte del so activismu, dirixó un movimientu de resistencia, xuntu con otros activistes, contra intereses empresariales qu'intentaben acutar l'Acta d'Alministración de Recursos (Resource Management Act). Esta acta ye importante pa la proteición de los recursos naturales.[1] Nel so puestu n'ECU, defendió un cambéu na llei de pesca nacional por que se xestionara l'ecosistema enteru en cuenta de namái la pesca de peces.

Wallace investigó los efeutos de la xestión de cuotes pesqueres en Nueva Zelanda y primió al Ministeriu de Pesca por que dexara de infringir les sos responsabilidaes medioambientales so l'Acta de Pesca de Nueva Zelanda de 1996. Wallace sigue defendiendo la implementación de fuertes polítiques medioambientales locales por toa Nueva Zelanda.[1]

Cath Wallace tamién foi co-fundadora de la caña de Nueva Zelanda de la Coalición Antártica y del Océanu Antárticu (Antarctic and Southern Ocean Coalition, ASOC), una alianza internacional que trabaya pa la proteición de l'Antártida y el refugu de la Convención de Minerales de l'Antártida. N'asociación con ASOC, Wallace foi lobbista internacional pa prohibir la esplotación minera na Antártida. Un pasu importante na proteición de la redolada antártica foi gracies al Protocolu Medioambiental Antárticu. El protocolu designa a Antártida como "una reserva natural, dedicada a la paz y a la ciencia". Tamién conocíu como'l protocolu de Madrid, estableció regles pa la proteición de la redolada y la prohibición de la esplotación minera.[1]

Referencies[editar | editar la fonte]

Enllaces esternos[editar | editar la fonte]



Cath Wallace