Catalina de Hohenlohe-Waldenburg-Schillingsfürst

De Wikipedia
Saltar a navegación Saltar a la gueta
Catalina de Hohenlohe-Waldenburg-SchillingsfürstPicto infobox character.png
Katharina von Hohenzollern-Sigmaringen.jpg
Vida
Nacimientu Stuttgart19  de xineru de 1817
Nacionalidá Bandera d'Alemaña Alemaña
Fallecimientu

Friburgu de Brisgovia15  de febreru de 1893

(76 años)
Familia
Padre Karl Albrecht III. zu Hohenlohe-Waldenburg-Schillingsfürst
Oficiu
Cambiar los datos en Wikidata

La Princesa Catalina de Hohenlohe-Waldenburg-Schillingsfürst (Alemán: Katharina Wilhelmine Maria Josepha, Prinzessin von Hohenlohe-Waldenburg-Schillingsfürst; 19 de xineru de 1817, Stuttgart - 15 de febreru de 1893, Freiburg im Breisgau) foi un miembru de la Casa de Hohenlohe-Waldenburg-Schillingsfürst por nacencia y un miembru de la Casa de Hohenzollern-Sigmaringen y Princesa consorte de Hohenzollern-Sigmaringen por matrimoniu.

Vida[editar | editar la fonte]

La Princesa Catalina yera la única fía del Príncipe Carlos Alberto III de Hohenlohe-Waldenburg-Schillingsfürst (1776-1843) pol so segundu matrimoniu cola Princesa Leopoldina de Fürstenberg (1791-1844). Dempués de la separación de los sos padre ella vivió cola so madre en Donaueschingen.

En 1838 casóse con Franz Erwin, Graf von Ingelheim; el matrimoniu nun tuvo fíos. Dempués de la muerte del so primer home, casóse en 1848 col Príncipe Carlos de Hohenzollern-Sigmaringen como la so segunda esposa. Carlos yera viudu de María Antonieta Murat, sobrina de Joaquín Murat, Rei de les Dos Sicilies, con quien tenía cuatro fíos. Esti matrimoniu tampoco tuvo fíos.

Dempués de la muerte de Carlos, Catalina entró al conventu de Sant'Ambrogio della Massima como novicia. Sicasí, fixo una denuncia formal del conventu a les autoridaes católiques, fuxendo del conventu con mieu pola so vida dempués de que les monxes intentaren envelenala.

Títulos y estilos[editar | editar la fonte]

  • 19 de xineru de 1817 - 8 de mayu de 1838: La so Alteza Serenísima Princesa Catalina de Hohenlohe-Waldenburg-Schillingsfürst
  • 8 de mayu de 1838 - 14 de marzu de 1848: La so Alteza Serenísima Princesa Catalina, Condesa Erwin von Ingelheim
  • 14 de marzu de 1848 - 11 de marzu de 1853: La so Alteza Serenísima La Princesa de Hohenzollern-Sigmaringen
  • 11 de marzu de 1853 - 15 de febreru de 1893: La so Alteza Serenísima La Princesa Viuda de Hohenzollern-Sigmaringen

Bibliografía[editar | editar la fonte]

  • Hubert Wolf: Die Nonnen von Sant’ Ambrogio. Eine wahre Geschichte. München, 2013



Catalina de Hohenlohe-Waldenburg-Schillingsfürst