Casu Loving contra Virginia

De Wikipedia
Saltar a navegación Saltar a la gueta

Plantía:Ficha de casu xudicial El casu Loving contra Virxinia, O.S. 1 (1967), foi un casu xudicial sobre derechos civiles, lleváu ante la Corte Suprema de los Estaos Xuníos, que na sentencia del mesmu sentó xurisprudencia invalidando les lleis que prohibíen el matrimoniu interracial n'Estaos Xuníos.

Nel casu, Mildred Loving, una muyer negra, y Richard Loving, un home blancu, fueren condergaos a un añu de cárcel en Virxinia por habese casáu. El so matrimoniu violaba les lleis antimestizaje del Estáu, la Racial Integrity Act de 1924, que prohibía tou matrimoniu ente persones clasificaes como "blanques" con persones clasificaes como "de color". La Corte Suprema determinó de forma unánime que tal prohibición yera inconstitucional, dando marcha tras con respectu al criteriu del casu Pace contra Alabama (1883) y poniendo fin a toa restricción llegal del matrimoniu basada na raza nel país.

El fallu provocó un aumentu de los matrimonios interraciales n'Estaos Xuníos y conmemórase añalmente cada 12 de xunu col Loving Day. Foi oxetu de dos películes y numberosos cantares. Coles mesmes, dende 2013 empezó a citase como precedente en discutinios relativos a les restricciones al matrimoniu ente persones del mesmu sexu n'Estaos Xuníos, incluyendo'l fallu de 2015 del casu Obergefell contra Hodges que llegalizó'l matrimoniu ente persones del mesmu sexu en tol país.

Antecedentes[editar | editar la fonte]

Les lleis antimestizaje nos Estaos Xuníos tuvieron vixentes en dellos estaos dende la dómina colonial. El matrimoniu con un esclavu negru nunca foi llegal. Mientres la dómina de la Reconstrucción en 1865, los llamaos Códigos negros a lo llargo de los siete estaos sureños declaró illegal el matrimoniu interracial. Les nueves llexislatures, apoderaes pol Partíu Republicanu, en seis estados, derogaron les lleis que prohibíen el matrimoniu interracial. Cuando'l Partíu Demócrata volvió al poder, la prohibición volvió imponese. En 1967, 16 estaos sureños teníen entá lleis segregacionistes.

Los demandantes[editar | editar la fonte]

Los litigantes fueron Mildred Dolores Loving, d'apellíu de soltera Jeter, (22 de xunetu de 1939-2 de mayu de 2008), una muyer con ascendencia afroamericana y de los indios Rappahannock, y Richard Perry Loving (29 d'ochobre de 1933-29 de xunu de 1975) un home blancu. La pareya tuvo trés fíos.

Referencies[editar | editar la fonte]

Enllaces esternos[editar | editar la fonte]


Caso Loving contra Virxinia