Castru de Pendia

De Wikipedia
Saltar a navegación Saltar a la gueta
Castru de Pendia
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuBual
Cambiar los datos en Wikidata

El Castru de Pendia ye un recintu amuralláu asitiáu nel conceyu de Bual. Foi escaváu nos años cuarenta del sieglu XX por Antonio García y Bellido y Juan Uría Ríu, responsables tamién de les escavaciones arqueolóxiques que se ficieron nel castru de Cuaña, y foi declaráu Monumentu'l 26 de xineru de 1981. El castru ye d'aniciu indíxena y tuvo ocupáu ente los sieglos IV y I enantes de la nuestra era, na Edá del Fierro[1].

Estructura[editar | editar la fonte]

Les ruines del pobláu asítiense sobre un pequeñu promontoriu rocosu al llau d'unu de los meandros formaos pol ríu Pendia, y pue llegase a elles dende'l pueblu de Pendia, per un estrenchu senderu que dexa a al izquierda’l fosu defensivu qu'aislaba l'asentamientu del restu del cordal.

A la ubicación topográfica d'esti pobláu hai qu'amestar la desproporción ente les sos potentes fortificaciones y el menguáu recintu que protexíen, nel que, arriendes d'ello, apaecen xunto a un pequeñu grupu de cabanes (una docena), dos saunes castreñes asemeyaes a les descubiertes nel castru de Cuaña. Supónse qu'un complexu defensivu de tal envergadura respondía a la necesidá de facer seguru pa los sos habitantes un emplazamientu vulnerable.

Historia[editar | editar la fonte]

No tocante a la so fundación, varies pieces de gran antigüedá dan idea d'un primer establecimientu prerromanu que, más sero, en dómina romana (sieglos I y II d.C.), sería integráu nun recintu fortificáu mayor. Ye probable tamién qu'hubiese asentamientos tardorromanos y altomedievales.

Referencies[editar | editar la fonte]

  1. El origen indígena del castro de Pendia, M.S. Marqués, La Nueva Quintana, La Nueva España, 7 d'abril de 2009