Castroviejo

De Wikipedia
Saltar a navegación Saltar a la gueta
Castroviejo
Castroviejo 5601544.jpg
Alministración
PaísBandera d'España España
AutonomíaBandera de La Rioxa La Rioxa
Tipu entidá conceyu d'España
alcalde de Castroviejo Jose Domingo Ceniceros Lacalle
Códigu postal 26315
Xeografía
Coordenaes 42°19′47″N 2°39′42″W / 42.329722222222°N 2.6616666666667°W / 42.329722222222; -2.6616666666667Coordenaes: 42°19′47″N 2°39′42″W / 42.329722222222°N 2.6616666666667°W / 42.329722222222; -2.6616666666667
Castroviejo is located in España
Castroviejo
Castroviejo
Castroviejo (España)
Superficie 20.75 km²
Altitú 949 m
Llenda con Arenzana de Arriba, Bezares, Santa Coloma, Nestares, Torrecilla en Cameros, Pedroso, Ledesma de la Cogolla y Camprovín
Demografía
Población 55 hab. (2017)
Porcentaxe 0.02% de La Rioxa
Densidá 2,65 hab/km²
Más información
Estaya horaria UTC+01:00
Cambiar los datos en Wikidata

Castroviejo ye un conceyu de la comunidá autónoma de La Rioxa (España). Asitiáu a 15 km de Nájera y 34 de Logroño aprosimao, ye unu de los llugares más apacibles del valle del ríu Yalde; la so escasa población y el redolada montiega que la arredola faen d'esta villa un remanso de paz.

Historia[editar | editar la fonte]

Castroviejo ye ricu en xacimientos arqueolóxicos que se remonten a la Prehistoria. Na aguada sur y sureste del Serradoriu abonden les cueves naturales qu'apurren una secuencia ocupacional que, dende'l Paleolíticu Mediu y Superior, algama'l Neolíticu y les primeres fases de la Edá del Fierro. Sicasí, nun s'atoparon restos que dexen una caracterización específica.

Tampoco se conocen afayos adscritos a dómina celtibérica y romana, magar l'alta concentración de xacimientos d'estos periodos, cuantimás en redol a la ciudá de Tricio, el centru alfareru de mayor desenvolvimientu na Hispania Romana dende mediaos del s. I hasta'l s. IV. Ye induldable que Castroviejo tuvo de xugar un papel importante como abastecedor de combustible (lleña), de magre y agua.

Nel cume del Cuetu del Campu queda una construcción cuadrangular que podría tratase d'un castiellu en roqueru, d'aspeutu similar al de Clavijo. Seique sía'l castiellu de Castroviejo al qu'aluden les fontes lliteraries y onde sufrió presidiu Fernán González tres la so derrota en Cirueña frente a les tropes navarres nel añu 960. Nestos momentos la Rioja Alta formaba parte del reinu de Navarra.

Amás esisten n'este mesmu llugar enterramientos medievales qu'esplicaría'l nome que recibe na actualidá, Ermita Vieya. Podría tratase del monesteriu nel que vivieron les santes Nunilo y Alodia. Na documentación medieval caltenida cítense dacuando dellos personaxes de la llocalidá en calidá de testigos en documentos públicos.[1]

Demografía[editar | editar la fonte]

El conceyu, que tien una superficie de 20,75 km²,[2] cuenta según el padrón municipal pa 2016 del INE con 59 habitantes y una densidá de 2,84 hab./km².


Gráfica d'evolución de Castroviejo ente 1842 y 2016

     Población de derechu según los censos de población del INE.[3]      Población según el padrón municipal de 2016.[4]

Economía[editar | editar la fonte]

Evolución de la delda viva[editar | editar la fonte]

El conceutu de delda viva contempla namái les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.


Gráfica d'evolución de la delda viva del conceyu ente 2008 y 2014

     Delda viva del conceyu en miles d'Euros según datos del Ministeriu de Facienda y Ad. Públiques.[5]

La delda viva municipal per habitante en 2014 xubía a 0 €.[6]

Patrimoniu[editar | editar la fonte]

Ilesia de San Ildefonso.

Redolada[editar | editar la fonte]

Castroviejo dende la presa de Yalde.

La redolada natural ye bien variáu. Nes proximidaes del núcleu urbanu concéntrense los espacios cultivaos, que van sumiendo a midida que internamos nel interior serranu y son reemplazaos por importantes estensiones de carbes y monte. Ente les sos mases forestales cabo destacar los montes mistos de ribera, chopos, sauces, omeros, zrezales, fresnos. En zones más altes atopamos rebollares. Pero ensin batura a duldes, los montes más interesantes son los fayedales, que pueblen les fasteres meyor espuestes, ellí onde s'enllanquen les nubes y atopen bones condiciones de mugor. D'especial relevancia ye la presencia de numberosos texos nes proximidaes del ribayu de los Pinos, cerca del términu conocíu como'l Texu. La repoblación de pinu laricio ye bien importante na zona. Los espacios dedicaos a camperes anguaño ocupen un llugar marxinal.[1]

Presa del ríu Yalde[editar | editar la fonte]

Presa sobre'l ríu Yalde.

Rematada en xunu de 2004.[7] Esti proyectu data de finales de los años ochenta. Consiste nuna presa de 55,5 metros d'altor sobre cimientos, ente Castroviejo y Santa Coloma para embalsar 3,5 anque regula un volume de 5,2 hectómetros cúbicos añales.

Asegura'l suministru d'agua de mesa de les poblaciones de la cuenca del Yalde (1 Hm3); consolida los regadíos de la cuenca del Yalde y Airosa, Uruñuela y Ceniceru (3,13 Hm3) pa 777 hectárees; y pa caltener "el caudal ecolóxicu" del ríu Yalde destínase 0,85 Hm3.[1]

Ver tamién[editar | editar la fonte]

Referencies[editar | editar la fonte]

  1. 1,0 1,1 1,2 www.vallenajerilla.com (ed.): «Castroviejo». Consultáu'l 27 de xunu de 2010.
  2. Institutu Nacional d'Estadística (ed.): «Población, superficie y densidá por conceyos.». Archiváu dende l'orixinal, el 21 de setiembre de 2013.
  3. Cifres de población y Censos demográficos
  4. Institutu Nacional d'Estadística (ed.): «Nomenclátor: Población del Padrón Continuu por Unidá Poblacional».
  5. Delda Viva de les Entidaes Locales
  6. División de la delda viva de 2014 (datu del Min. Facienda y Alministraciones Públiques, Delda Viva de les Entidaes Locales) ente'l númberu d'habitantes del conceyu d'esi mesmu añu (datu del Institutu Nacional d'Estadística, Nomenclátor: Población del Padrón Continuu por Unidá Poblacional).
  7. Sociedá Española de Preses y Banzaos



Castroviejo