Castiellu de San Carlos (La Palma)

De Wikipedia
Saltar a navegación Saltar a la gueta
Castiellu de San Carlos (La Palma)
Llocalización
PaísBandera d'España España
AutonomíaFlag of the Canary Islands (simple).svg Canaries
ProvinciaProvincia de Santa Cruz de Tenerife
Coordenaes 28°39′43″N 17°45′44″O / 28.662056°N 17.76215°O / 28.662056; -17.76215Coordenaes: 28°39′43″N 17°45′44″O / 28.662056°N 17.76215°O / 28.662056; -17.76215
Castiellu de San Carlos (La Palma) is located in España
Castiellu de San Carlos (La Palma)
Castiellu de San Carlos (La Palma)
Castiellu de San Carlos (La Palma) (España)
Cambiar los datos en Wikidata

El castiellu de San Carlos foi una fortificación costera asitiada nel conceyu español de Breña Baja, na islla de La Palma (Canaries). Dende la so construcción recibió delles denominaciones: Fuerte o Castillo de Los Guinchos, Batería de Bajamar, Fuerte y Castillo de San Carlos.

Historia[editar | editar la fonte]

En 1568 esistía na zona sur de la badea de Santa Cruz de La Palma, al pie de la sablera de Bajamar, na desaguada del ribayu del Socorro (tamién llamáu d'Aguacencio), una construcción defensiva; tratábase d'un baluarte construyíu con muriu de piedra sobre una base de tierra, en que la so escampada allugábanse trés o cuatro cañones.

Sicasí, el 28 de payares de 1694, una riada destruyó casi na so totalidá'l baluarte. En 1742 ordenóse la so baltadera y entamóse la so reconstrucción nesa mesma zona; l'inxenieru Manuel Hernández proyeutó un fuerte nun puexu asitiáu al sur del anterior allugamientu, na llamada punta de Los Guinchos, y al añu siguiente empecipióse la so construcción. Llendaba al norte y al este con riscos, al sur cola finca de los herederos de Pérez Abreu y al oeste col camín de Bajamar y la casa d'Antonio Yanes.

El 15 de payares de 1893 dióse al Conceyu de Breña Baja, que lu devolvió al exércitu'l 8 d'ochobre de 1912. Al añu siguiente dióse n'usufructu al vecín Enrique Sánchez y dende 1916 a la so vilba Dolores Lorenzo. En 1918 l'alcalde de Santa Cruz de La Palma solicitó al Ministeriu de la Guerra la so cesión p'agospiar nél a enfermos infeiciosos y contaxosos, usu que caltuvo hasta 1931.

En 1943 los sos restos usáronse pa construyir l'asentamientu d'una de los trés pieces d'artillería que formaríen la batería de mariña «El Cantillo» o «El Fuerte», y dende 1948 el Mandu Militar de Canaries adquirió na so redolada terrenales pa la construcción d'un acuartelamientu, polo que l'allugamientu del castiellu quedó integráu na so cortil.

Descripción[editar | editar la fonte]

El castiellu asitióse a un altor de 20 metros sobre'l nivel del mar y atopábase a 18 metros de la sablera. Presentaba planta semicircular y escampada con capacidá pa tres cañones; nel lladral esquierdu, y semienterráu, taba l'almacén de pólvora, y nel lladral derechu taben los almacenes de municiones y agospiamientu de la tropa. La so superficie total yera de 5249 m² y el so llargor yera de 40 metros.

Bibliografía[editar | editar la fonte]