Castiellu de Proaza
| Castiellu de Proaza | |
|---|---|
| Castiellu | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Proaza |
 | |
El castiellu de Proaza foi una antigua fortaleza asturiana asitiada nes proximidaes de Proaza, capital del conceyu homónimu, dominando'l valle del ríu Trubia.
Nun tien que confundise cola Torre del Campu de Proaza, obra del sieglu XV. Los sos restos alcuéntrense nel paraxe denomináu Vegamande.
Historia[editar | editar la fonte]
La primer referencia a un castiellu en Proaza vencéyase al notable conde rebalbu Gonzalo Peláez, que se fizo col gobiernu de bona parte d'Asturies nel reináu d'Urraca I de Lleón, incluyendo la tenencia de los castiellos d'Alba de Quirós y Guanga. Conoció los avatares de la guerra mientres l'enfrentamientu del conde col rei Alfonsu VII de Lleón, ente 1132 y 1138, siendo principal sede del tumultuosu conde, qu'aguantó diversos sitios.
En 1184 Fernandu II de Lleón donó la fortaleza a la Catedral d'Uviéu. En cayendo en poder del llinaxe Bernaldo de Quirós, a instancies de Rodrigo Álvarez, conde de Noreña l'obispáu recuperó les sos posesión en 1377, pero Enrique II de Castiella determinó que volviera a manes de los Bernaldo de Quirós, qu'en 1381 emprestaron al obispu'l correspondiente pleitu homenaxe.
Bibliografía[editar | editar la fonte]
- GARCÍA DE CASTRO VALDÉS, C., y RÍO GONZÁLEZ, S. (1998): "Los castiellos de Proaza", en Arqueoloxía y territoriu medieval 5, páxs. 69-89
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Castiellu de Proaza.
| Control d'autoridaes |
|
|---|
Datos: Q5757528