Castiellu de Liubliana
| Castiellu de Liubliana | |
|---|---|
| Castiellu | |
 | |
| Llocalización | |
| País |  Eslovenia |
City municipality of Slovenia (en)  | Conceyu de Liubliana |
| Coordenaes | 46°02′56″N 14°30′32″E / 46.049°N 14.509°E |
  Castiellu de Liubliana Castiellu de Liubliana (Eslovenia) | |
| Historia y usu | |
| Apertura | sieglu IX |
| Materiales | piedra |
| Patrimoniu | |
| Web oficial | |
 | |
El castiellu de Liubliana ye un castiellu allugáu en Llubliana, Eslovenia. Ye unu de los monumentos más emblemáticos de Llubliana y d'Eslovenia. El castiellu álzase na parte noroeste de la llomba onde s'alluga la instalación, a una altitú de 376 metros.
Historia
[editar | editar la fonte]Según les investigaciones arqueolóxiques, la presencia humana na zona del complexu del castiellu foi continua dende l'añu 1200 a. C., cuando se construyeron los primeros asentamientos y darréu les fortificaciones. El castiellu foi mentáu per primer vegada por escritu ente 1112 y 1125, cuando Rodolfu de Tarcento donó una pequeña propiedá cerca del castiellu de Llubliana al cabildru d'Aquileia. En 1144, el castiellu foi mentáu como la sede de los príncipes de Carintia, la Casa de Sponheim.
El castiellu camudó la so forma orixinal nel sieglu XV, cuando foi ampliáu. Naquella dómina, construyeron una muralla zarrada con torres nes esquines y dos torres d'entrada, sobre les cuales había puertes batientes y la capiya del castiellu. Nos sieglos XVI y XVII, fueron construyéndose gradualmente otros edificios que bordiaben el patiu del castiellu y que conformen la totalidá del conxuntu arquitectónicu actual.
El castiellu foi tomáu polos Habsburgu nel sieglu XV. En 1442, los condes de Celje intentaron tomar el castiellu, pero fracasaron. Nos sieglos XV, XVI y XVII, los otomanos invadieron tierres eslovenes en numberoses ocasiones y escalaron hasta Llubliana, pero nunca llograron facese col castiellu, yá que resultó inexpugnable.
A principios del sieglu XIX, l'exércitu austriacu estableció una cárcel y una fortificación militar parcial nel castiellu. En 1849, Lajos Batthyány, el primer Primer Ministru húngaru, foi deteníu equí y darréu treslladáu a Olomouc, onde foi condergáu a muerte y executáu'l 6 d'ochobre.
El conceyu de la ciudá de Llubliana mercó'l castiellu en 1905 y asitió ellí a residentes que permanecieron nel castiellu hasta mediaos de la década de 1960, cuando empezaron los preparativos pa la so renovación.
Referencies
[editar | editar la fonte]Bibliografía
[editar | editar la fonte]- Kladnik, Darinka (2002). Ljubljanski grad. Llubliana: Zavod za intelektualno produkcijo. ISBN 961-91035-0-5.
- Šenica Pavletič, Vera (2005). Zgodba o Ljubljanskem gradu. Llubliana: Karantanija. ISBN 961-226-641-7.
Enllaces esternos
[editar | editar la fonte]
Wikimedia Commons acueye conteníu multimedia sobre Castiellu de Liubliana.
- «Ljubljana Castle» (inglés). Visit Ljubljana. Consultáu'l 18.3.2026.
| Control d'autoridaes |
|
|---|
Datos: Q2075156- Multimedia: Ljubljana Castle