Casfigueiro

De Wikipedia
Saltar a navegación Saltar a la gueta
Casfigueiro
Escudo de Piñor.svg
Alministración
PaísBandera d'España España
AutonomíaFlag of Galicia.svg Galicia
ProvinciaBandera de Provincia d'Ourense Provincia d'Ourense
ConceyuPiñor
Tipu entidá aldea
Códigu postal 32135
Xeografía
Coordenaes 42°29′52″N 8°00′18″W / 42.497777777778°N 8.005°W / 42.497777777778; -8.005Coordenaes: 42°29′52″N 8°00′18″W / 42.497777777778°N 8.005°W / 42.497777777778; -8.005
Casfigueiro is located in España
Casfigueiro
Casfigueiro
Casfigueiro (España)
Demografía
Cambiar los datos en Wikidata

Casfigueiro[1][2] ye una aldega de la Provincia d'Ourense en Galicia, englobada nel Concello de Piñor. Apaez reflexáu nel Diccionariu xeográficu-estadísticu-históricu d'España y les sos posesiones d'Ultramar — Tomu VI, na Pág. 66. Pertenez a la Contorna de Carballino. Tien una población de 20 persones. Pertenez a a la Parroquia d'A Canda (que la so ilesia esta na aldega vecina de San Mamede). Atiesta coles poblaciones de Cotelas (Norte), Porto do Souto(Esti), Vilariño y Reda (Oeste), y A Lama (Sur) cruciando'l Ríu Silvaboa.[2]. La población ta documentada como parte del Cotu de Dozon, y la so vienta per parte de l'abadesa del Monasteriu San Pedro de Vilanova de Dozon a un noble (al pie de Cotelas) en 12 de mayu de 1405[3]

Historia[editar | editar la fonte]

El monasteriu de Oseira adquirió los terrenes y propiedaes nes parroquies de Piñor (incluyida la que contién Casfigueiro) por aciu donaciones y alquisiciones, en cuenta de una renta. Pa recoyer estes rentes, y asegurase de que la tierra fuera bien trabayada, el monasteriu tenía, según Rotello Vellu, una tumba del sieglu XIV, una serie d'alcaldes distribuyíos por parroquies. El productu más cultiváu yera'l centenu.

L'aldega, al igual que'l restu de Galicia na dómina recién sufrió los efectos de la migración, despoblándose pasu ente pasu según emigraba la población a les Américas (Buenos Aires, Llombes de Zamora, La Plata...) Europa (Xinebra, Stuttgart,...) o a les metrópolis españoles, (Madrid y Barcelona).

Heráldica[editar | editar la fonte]

Son comunes na zona los apellíos Pousa,[4] (n'España ta partíu principalmente por Ourense, La Coruña, Pontevedra, Barcelona y Madrid[5]), Pereira, García, Andrade y Rodríguez

Personaxes[editar | editar la fonte]

Foi llugar de nacencia en 1957 de Antonio Liz Vazquez, llicenciáu en Xeografía y Historia pola UNED, militante de la CNT, y miembru fundador del BNG (Bloque nacionalista gallegu). Publicó en diverses webs artículos sobre la revolución española, l'estalinismu y el métodu marxista. Miembru en Madrid de la Fundación Andreu Nin.

Gastronomía[editar | editar la fonte]

Fiestes[editar | editar la fonte]

La fiesta patronal ye San Roque, el 16 d'agostu.

Llugares d'Interés[editar | editar la fonte]

Colindante a l'aldega, atópase'l Palaciu de Reda, un exemplu de palacete gallegu bien calteníu. L'aldega amás caltién un fornu de piedra, (onde d'antiguo s'ellaboraba'l pan comunal), siendo estos bien comunes pela zona yá que a menos d'un kilométro atópase San Cristovo de Cea y la so contorna, onde se fabrica l'únicu pan d'España con denominación d'orixe, el Pan de Cea. Finalmente, el pueblu caltién una Yera de dómina medieval, y un llavaderu de piedra.

Comunicaciones[editar | editar la fonte]

A la población aportar pola N-525, esviándose pola Ctra. de Cotelas a Pielas, o al traviés de la comarcal OU-406.

Referencies[editar | editar la fonte]

  1. Orixe del nome de "Casfigueiro"
  2. Topónimu en castellán según: Celdrán Gomáriz, Pancracio: Diccionariu de topónimos españoles y los sos xentilicios. Espasa Calpe, 2002. ISBN 84-670-0146-1.
  3. "Documentación diplomática do Mosterio do San Pedro Do Vilanova", onde se detalla la vienta de la población y hai una aclaración a la fin de la documentación de la etimoloxía de nome de "Cas-figueiro".
  4. [1] Historia de los apellíos arxentinos, de Rubén Mario de Luca
  5. Distribución xeográfica n'España

Enllaces esternos[editar | editar la fonte]

Ver tamién[editar | editar la fonte]


Casfigueiro