Casa d'Adoración Norte del Cauca

Coordenaes: 3°11′13″N 76°27′00″W / 3.1870805°N 76.4500126°O / 3.1870805; -76.4500126
De Wikipedia
Casa de Adoración Norte del Cauca
casa de adoración bahá'í (es) Traducir
Llocalización
PaísBandera de Colombia Colombia
Departamentu Cauca
Conceyu Villa Rica
Coordenaes 3°11′13″N 76°27′00″W / 3.1870805°N 76.4500126°O / 3.1870805; -76.4500126
Casa d'Adoración Norte del Cauca alcuéntrase en Colombia
Casa d'Adoración Norte del Cauca
Casa d'Adoración Norte del Cauca
Casa d'Adoración Norte del Cauca (Colombia)
Web oficial
Cambiar los datos en Wikidata

La Casa d'Adoración Norte del Cauca ye un templu de la Fe Bahá'í o Casa d'Adoración Bahá'í. Ta allugáu na vereda Agua Azul, nel conceyu de Villa Rica del departamentu del Cauca en Colombia. El templu ye unu de los primeros de calter llocal construyíos nel mundiu al pie d'otros cuatru templos llocales allugaos en Battambang (Cambodia), Bihar Sharif (India), Matunda Soi (Kenia) y Tanna (Vanuatu).

Construcción[editar | editar la fonte]

N'abril de 2012 la Casa Universal de Xusticia anunció que dempués de completar la última Casa d'Adoración continental col templu de Chile construyiríen dos templos de calter nacional na República Democrática d'El Congu y Papúa Nueva Guinea, y amás cinco de calter llocal, unu de los cualos sería'l templu de Villa Rica, nel norte del Cauca.[2]

A finales de 2013 llógrense adquirir los predivos pa la construcción, incluyendo amás de la zona del templu 11 hectárees destinaes a la recuperación del monte nativu.[3] El diseñu de la Casa d'Adoración, respetuosu col ambiente ya inspiráu nos materiales y la flora de la rexón foi desveláu nuna xunta nel sitiu u se llevantaría'l templu'l 16 de setiembre de 2014.[4] Les primeres obres sobro'l terrén entamaron el 25 de mayu de 2016 nuna ceremonia a la qu'asistieron 700 persones, ente elles la cabezalera de Villa Rica Jenny Nair Gómez.[5]

La Casa d'Adoración entamó construyise a empiezos de 2017 y remató n'abril de 2018 col allugamientu de la cúpula. En xunu del mesmu añu asítiase'l símbolu de la Fé Baha'í nel ápice interior de la cúpula, dexando llistu'l templu para la so inauguración que finalmente asocedería'l 22 de xunetu de 2018.[6][7][8]

Arquiteutura[editar | editar la fonte]

Vista del templu y del llagu.

La Casa d'Adoración inspírase na cultura y tradición del norte del Cauca. Cuenta con nueve cares en representación de les nueve relixones más grandes del mundiu[9] amás de siguir un patrón circular. La corona de la cúpula ta inspirada na flor de la grana del cacáu, frutu de gran importancia pal sector antes de la llegada del monocultivu de la caña de zucre, y del que'l so pulgu ta estazada en delles fibres que se xunen, nesti casu de nueve fibres. Asina mesmu el color terracota foi tomáu del paisax llocal.[10] Asina mesmu, pola so llocalización privilexada, la Casa d'Adoración fai usu de la enerxía solar pa funcionar.[11]

Viesca nativa[editar | editar la fonte]

Los terrenes de la Casa d'Adoración cunten con 11 hectárees u se desenvuelve'l proyeutu de recuperación de viesca nativa. Cunta con un bancu d'especies en víes d'estinción, una güerta de plantes melecinales de la rexón y un viveru d'especies natives, ente elles la guadua.[11] El terrén cunta con una güelga destinada a la recuperación de la fauna.[9]

Referencies[editar | editar la fonte]

  1. Grupo CUNA. «Casa de Adoración Baha'í» (castellanu). Consultáu'l 1 d'agostu de 2018.
  2. (n'inglés) Plans to build new Houses of Worship announced. 22 d'abril de 2012. http://news.bahai.org/story/906/. Consultáu'l 3 d'agostu de 2018. 
  3. (n'inglés) Temple construction reaches new milestone | Bahá’í World News Service (BWNS). 23 de febreru de 2017. http://news.bahai.org/story/1153/. Consultáu'l 3 d'agostu de 2018. 
  4. (n'inglés) Design of Colombian House of Worship unveiled. 16 de setiembre de 2014. http://news.bahai.org/story/1020/. Consultáu'l 3 d'agostu de 2018. 
  5. (n'inglés) Ground broken for the Colombia House of Worship. 25 de mayu de 2016. http://news.bahai.org/story/1109/. Consultáu'l 3 d'agostu de 2018. 
  6. (n'inglés) Temple construction reaches new milestone | Bahá’í World News Service (BWNS). 23 de febreru de 2017. http://news.bahai.org/story/1153/. Consultáu'l 3 d'agostu de 2018. 
  7. (n'inglés) Flower of Colombia Temple Blooms | Bahá’í World News Service (BWNS). 4 d'abril de 2018. http://news.bahai.org/story/1249/. Consultáu'l 3 d'agostu de 2018. 
  8. (en castellanu) CASA DE ADORACIÓN BAHÁ`I ABRE SUS PUERTAS EN COLOMBIA. 23 de xunetu de 2018. https://www.proclamadelcauca.com/casa-de-adoracion-bahai-abre-sus-puertas-en-colombia/. Consultáu'l 3 d'agostu de 2018. 
  9. 9,0 9,1 (en castellanu) COMUNIDAD BAHÁ‘Í CONSTRUYE SU PRIMERA CASA DE ADORACIÓN DE SURAMÉRICA EN VILLA RICA – Proclama del Cauca. 24 d'agostu de 2016. https://www.proclamadelcauca.com/comunidad-bahai-construye-primera-casa-adoracion-suramerica-villa-rica/. Consultáu'l 3 d'agostu de 2018. 
  10. (n'inglés) On eve of dedication, architect reflects on culture, environment, spiritual principle | Bahá’í World News Service (BWNS). 20 de xunetu de 2018. http://news.bahai.org/story/1273/. Consultáu'l 3 d'agostu de 2018. 
  11. 11,0 11,1 (en castellanu) Comunidad  bahá’í  presenta dedicación  de  la casa de adoración en Villarica. 22 de xunetu de 2018. http://periodicolaultima.com/2018/07/22/comunidad-bahai-presenta-dedicacion-de-la-casa-de-adoracion-en-villarica/. Consultáu'l 3 d'agostu de 2018.