Caroline Furness

De Wikipedia
Saltar a navegación Saltar a la gueta
Caroline Furness
Caroline Ellen Furness (1918).png
Vida
Nacimientu Cleveland (Ohio)24  de xunu de 1869
Nacionalidá Bandera de Estaos Xuníos d'América Estaos Xuníos
Fallecimientu

9  de febreru de 1936

(66 años)
Estudios
Estudios Universidá de Columbia Philosophiæ doctor : Astronomía
Vassar College 1887)
Direutor/a de tesis Harold Jacoby
Alumnu/a de Mary Watson Whitney
Oficiu
Oficiu astrónoma
Emplegadores Vassar College
Miembru de American Association of Variable Star Observers
Cambiar los datos en Wikidata

Caroline Ellen Furness (24 de xunu de 1869 – 9 de febreru de 1936) foi una astrónoma estauxunidense. Profesora en Vassar College a principios del sieglu XX, foi discípula de Mary Watson Whitney nesa mesma universidá y consiguió el primera doctoráu PhD n'Astronomía pola Universidá de Columbia.

Biografía[editar | editar la fonte]

Furness nació'l 24 de xunu de 1869, en Cleveland, Ohio. El so padre yera profesor de Ciencies nel institutu local y animó el so interés tempranu pola ciencia. Graduada en Vassar College en 1887, siguió los pasos del so padre, convirtiéndose en profesora de Ciencies de la escuela secundaria. Sicasí, el so verdaderu interés taba na investigación y, pasaos trés años, tornó a Vassar College como asistente d'investigación de la profesora Mary Watson Whitney. So la direición de Whitney, Furness participó nun programa de casi una década d'observaciones de cometes y planetes. En 1896 empezó a trabayar na Universidá de Columbia con Harold Jacoby y publicaría la so tesis doctoral Ph.D. titulada "Catálogu d'estrelles dientro d'un grau del Polu Norte y distorsión óptica del telescopiu astru-fotográficu de Helsingfors deducíu de les midíes fotográfiques" en 1900. En 1903 tornó a Vassar como profesora.[1]

Collaboró n'observaciones d'estrelles variables con Whitney de 1909 a 1911.[2] En 1915, foi autora del llibru de testu Introduction to the Study of Variable Stars.[3][4][5]

En 1922 foi escoyida miembru de la Royal Astronomical Society.[1]

Morrió en Nueva York el 9 de febreru de 1936.[1]

Defensora de la educación de les muyeres, especialmente en países menos desenvueltos, escribió una serie d'artículos sobre la situación de la educación cimera de les muyeres en Xapón y foi miembru importante de la caña local de la National Alliance of Unitarian Women.[1]

Referencies[editar | editar la fonte]

  1. 1,0 1,1 1,2 1,3 (1998) “Observers, "Computers", Interpreters and Popularizers: Women In Astronomy”, Ladies in the Laboratory?. The Scarecrow Press, 227–228.
  2. «Caroline Ellen Furness (1869-1936)». Cambridge University Press. Consultáu'l 8 de xunetu de 2014.
  3. (18 de setiembre de 2007) Biographical Encyclopedia of Astronomers. Springer, 396–397.
  4. «Caroline Y. Furness - Vassar College Encyclopedia». Vassar College. Consultáu'l 17 de xunu de 2014.
  5. «Caroline Ellen Furness». Popular Astronomy 44 (5):  pp. 233–238. May 1936. Bibcode1936PA.....44..233M. http://adsabs.harvard.edu/full/1936PA.....44..233M. 






Caroline Furness