Carlos Martínez Martínez

De Wikipedia
Carlos Martínez Martínez
Vida
Nacimientu Ambás20 de xunetu de 1899[1]
Nacionalidá España
Muerte Xixón13 de setiembre de 1995[2] (96 años)
Estudios
Llingües falaes castellanu
Oficiu médicupolíticu
Cambiar los datos en Wikidata

Carlos Martínez Martínez (20 de xunetu de 1899Ambás – 13 de setiembre de 1995Xixón) foi un médicu y políticu asturianu.

Biografía[editar | editar la fonte]

Estudió la educación básica n'Avilés y darréu medicina en Facultá de San Carlos en Madrid. Llicencióse en 1924 y diéron-y una beca cola qu'amplió los sos estudios en París, Berna, Friburgu y Lyon enantes de tornar a Asturies en 1926.[3] Nel campu la política, afilióse al Partíu Republicanu Radical Socialista, fundáu en 1930 por Álvaro de Albornoz y Marcelino Domingo. Foi alcalde de Xixón en 1931 y, tres aproclamase la segunda república, foi diputáu nes cortes republicanes.[3] Na revolución del 34, atendió un hospital de sangre nel barriu xixoniegu d'El Llano. Tres del fracasu del alzamientu revolucionariu foi deteníu y enxuiciáu, anque'l procesu foi sobreseíu porque la so participación foi namás como médicu. Foi gobernador civil interín d'Asturies nel añu 1936 y al añu siguiente gobiernu de la segunda república designólu responsable de la compra d'armamentu. Al rematar la guerra civil coló al exiliu y vivió en Francia, Cuba y Méxicu.[3] Regresó a España y Asturies en 1965, onde morrió en 1995 a los 96 años d'edá.

Referencies[editar | editar la fonte]

  1. URL de la referencia: http://datos.bne.es/persona/XX1427644.html. Data de consulta: 3 agostu 2018.
  2. Identificador DBE: 62511/carlos-martinez-martinez. Data de consulta: 29 payares 2021.
  3. 3,0 3,1 3,2 «Carlos Martínez Martínez | Real Academia de la Historia» (castellán). Consultáu'l 29 de payares de 2021.