Carlos II con armadura

De Wikipedia
Saltar a navegación Saltar a la gueta
Carlos II con armadura
Juan Carreno de Miranda 023.jpg
Llocalización
Situación Muséu del Prado
Coleición Muséu del Prado
Datos
Autor Juan Carreño Miranda
Añu 1681
Xéneru retrato (es) Traducir
Movimientu barrocu
Materiales pintura al oleu y Llenzu
Altor 232 cm
Anchor 125,5 cm
Cambiar los datos en Wikidata

Carlos II con armadura  ye una pintura al oliu de 1681 realizada pol pintor español Juan Carreño Miranda (1614-1685) del rei d'España Carlos II. El númberu d'artistes reales, so control de Carlos II, fizo que pudiera tar en posesión d'una de les meyores coleiciones d'Europa. Esti cuadru atopábase orixinalmente nuna sala d'El Escorial, güei pertenez al Muséu del Prado de Madrid col númberu d'inventariu P07101.[1]

Descripción[editar | editar la fonte]

El personaxe ye una semeya de cuerpu enteru del mozu Carlos II d'España col pelo llargu y vistíu con un equipu militar en forma d'armadura, botes de montar, la espada y el cetru. L'armadura ta decorada cola cruz de Borgoña y un brillosu sol. Detrás del rei puede vese una mesa sofitada sobre lleones de bronce, enriba de la cual alcuéntrase un cascu y un guante. No fondero, detrás d'una balaustrada, acolúmbrense dos buques de guerra disparando cañones.

Historia[editar | editar la fonte]

Carlos II foi'l postreru Habsburgu que reinó n'España, nació con discapacidaes físiques y mentales y dependió de cuidadores mientres tola so vida. L'artista tuvo un trabayu difícil pa presentar al rei tantu de forma idealizada como al empar realista.[2] Acordies cola datación de la imaxe, el rei cuntaba con 20 años d'edá. Foi nesta obra la primer vegada que foi representáu con vestidures militares, les referencies béliques del fondu de la semeya, referirse a les guerres con Luis XIV de Francia. Los símbolos dibuxaos na armadura son los pertenecientes a la qu'usó Felipe II na batalla de San Quintín del añu 1557. Los exámenes realizaos na pintura con rayos X amosaron, que so la capa actual, hai una semeya del rei con unos 10 años d'edá.[3]

Referencies[editar | editar la fonte]

  1. National Gallery of Victoria (ed.): «Charles II» (inglés). Consultáu'l 28 de xunu de 2016.
  2. Didactalia. Mis museos (ed.): «Carlos II, con armadurra. Descripción y clasificación». Consultáu'l 28 de xunu de 2016.
  3. Museo del Prado (ed.): «Carlos II, con armadura». Consultáu'l 28 de xunu de 2016.