Carabina

De Wikipedia
Saltar a navegación Saltar a la gueta
Carabina.

La carabina (del francés carabine) ye una arma de fueu similar al fusil, pero xeneralmente más curtia y con menor potencia de fueu. Les carabines fueron creaes a partir de fusiles, siendo esencialmente fusiles más curtios cola mesma munición, anque comúnmente con una velocidá menor. Tamién asocedió'l casu contrariu, onde'l fusil y la carabina adoptaos n'una nación nun taben rellacionaos técnicamente y utilizaben, por casu, municiones o mecanismos internos distintos.

Nel sieglu XIX, les carabines yeren les armes emplegaes poles tropes de caballería. Los soldaos a cuerpu usaben una arma de fueu de mayor tamañu y potencia de fueu, ente que la caballería precisaba un arma más pequeña y llixera. Estes dimensiones curties y pesu relativamente baxu fixo que les carabines fueren más fáciles d'usar mientres situaciones de combate a distancies curties, como la guerra urbana o en xungles, o que pueda utilizase dende vehículos. Les desventaxes principales de les carabines, en comparanza colos fusiles, son la so falta de puntería a llargues distancies y el so algame efectivu curtiu. A menores llargores de la mesma arma básica varia la so denominación: llamándose mosquetón a una carabina curtia, y tercerola a la que, utilizada fundamentalmente por fuercies de caballería, ye un terciu más curtia que la carabina. Na redolada anglosaxona, desque se pasó de la ánima llisa a rayada, tantu a carabines como a fusiles conoce como rifles.

Referencies[editar | editar la fonte]

Enllaces esternos[editar | editar la fonte]