Cancioneru d'Ajuda

Cancioneru d'Ajuda

Tipos	manuscritu allumáu
Añu	sieglu XIII
Material	Pergamín
Dimensiones	46 () × 36 () cm
Coleición	Biblioteca da Ajuda (en) (Lisboa)

El Cancioneru de Ajuda (Cancioneiro da Ajuda) ye unu de los cuatro cancioneros calteníos de la llírica galaicoportuguesa medieval. Toma'l so nome de la ciudá portuguesa de Ajuda, cercana a Lisboa. Caltenerse na Biblioteca del Palaciu Real de Ajuda. Ye un pergamín manuscritu in foliu, escritu por una sola persona con lletra gótica y numberoses miniatures. Quedó incompletu: apaecen los testos poéticos, pero nun s'acabaron les miniatures nin se copió la música, que tien un espaciu reserváu so los versos de la primer estrofa de cada cantiga.

Descripción

Orixinal del sieglu XIV(aproximao nel añu 1350). Contién namái cantigues d'amor, un tipu de composición llírica d'induldables oríxenes provenzales. Malapenes unes poques d'estes cantigues d'amor nun tán rexistraes n'otros cancioneros. Ye'l más antiguu de los cuatro cancioneros galaicoportugueses calteníos y el más fiable de toos por tar ellaboráu na dómina trovadoresca na corte d'Alfonso X el Sabiu.

Foi atopáu en 1886 nel intre d'unes obres na biblioteca del palaciu de Ajuda

Les primeres ediciones completes daten de 1824 y 1849, anque la edición clásica ye la realizada por Carolina Michaëlis de Vasconcellos en 1904.

Europeana 280

N'abril de 2016, la pintura Cancioneru de Ajuda foi escoyida como una de les diez más grandes obres artístiques de Portugal pel proyeutu Europeana.

Referencies

• Cantigas Medievais Galego-Portuguesas - FCSH, todas as cantigas medievais dos cancioneiros galego-portugueses (en portugués)

• Carolina Michaëlis e o Cancioneiro da Ajuda, hoxe Artigos lingüísticos e literários sobre o Cancioneiro da Ajuda
• A língua das cantigas medievais

• Datos: Q2535912
• Multimedia: Cancioneiro da Ajuda