Campeonatu del Mundu d'axedrez

De Wikipedia
Saltar a navegación Saltar a la gueta
Campeonatu del Mundu d'axedrezInvisible.png
Xeneral
Tipu de competición torneo recurrente (es) Traducir
Deporte axedrez
Historia
Competición
Cambiar los datos en Wikidata
El noruegu Magnus Carlsen, anguaño campeón del mundu

El Campeonatu del Mundu d'axedrez reconoz a los campeones mundiales d'esti deporte oficialmente dende l'últimu cuartu del sieglu XIX, cuando Wilhelm Steinitz autoproclamóse campeón del mundu.

En 1993 el mundu del axedrez dixébrase a resultes del enfrentamientu del entós campeón Kasparov cola FIDE, y dende esi añu fasta que nel 2006 se restauró la paz, hebo dos campeonatos (y dos campeones) del mundu distintos al mesmu tiempu. Dende 2014 el formatu consiste en ciclos de dos años, surdiendo un campeón o una campeona tolos años pares. Dende que derrotó a Viswanathan Anand nel 2013, l'anguaño campeón Magnus Carlsen defendió esitosamente'l títulu nel 2014, nel 2016 y nel 2018. Tocará-y facelo otra vegada nel Campeonatu del Mundu d'axedrez de 2020 previstu pa finales d'añu.

Anque'l campeonatu ta abiertu a tol mundu, hai torneos y títulos separtaos pa muyeres, mocedá (pa xugadores fasta 20 años, anque tamién hai eventos específicos pa xente más mozo), y xente mayor (homes de más de 60 años y muyeres de más de 50). Tamíen esisten campeonatos mundiales pa les versiones rápides: Campeonatu del Mundu d'axedrez rápidu y Campeonatu del Mundu d'axedrez rellámpagu. Fasta hai un Campeonatu del Mundu d'axedrez pa ordenadores abiertu a hardware y programes informáticos d'axedrez.

Historia[editar | editar la fonte]

Na primera mitá del sieglu XIX surdió la idea d'un campeón del mundu d'axedrez, falándose d'ella con estes pallabres per primera vegada en 1845. Dende esi momentu, dellos xugadores fueron aclamaos como campeones del mundu, pero el primer tornéu que se definió per delantre como campeonatu del mundu foi la serie ente Steinitz y Zukertort de 1886 que ganó'l primeru. Como dende entós los torneos del campeonatu del mundo fueron series alcordaes privadamente ente los xugadores, y nos albores del sieglu XX d'avezu les negociaciones yeren un pilancu que retrasaba o incluso suspendía los retos pol títulu, hebo intentos d'algamar unes regles qu'afitaran por exemplu la frecuencia de los campeonatos, qué podía imponer el campeón y qué non o les aportaciones económiques a facer (el financiamientu vinía de la mano de los propios xugadores, gracies a les aportaciones de partidarios qu'apostaben por ún o otru) y el repartu de premios.

Anque en 1887-1889 hebo un primer intentu d'organizar el campeonatu del mundu de manera esterna l'esperimentu nun cuayó nin se repitió fasta que en 1948 la FIDE garra'l control y afítase un sistema pa organizar los torneos de manera regular. El so funcionamiento foi aceutable fasta que en 1993 les desavenencies de Kasparov y Short, campeón y aspirante respeutivamente, cola FIDE a cuenta de la organización del campeonatu d'esi añu acabaron con un cisma que diba durar más de diez años. La reunificación tendría llugar con ocasión del campeonatu del añu 2006, anque los compromisos que la ficieron posible fueron aplicándose a poco a poco nos campeonatos cellebraos darréu. Tres de la xuntanza de los títulos, la FIDE caltién el drechu d'organizar la serie del campeonatu del mundo, que fáese en ciclos de dos años.

Campeones non oficiales (pre-1886)[editar | editar la fonte]

De La Bourdonnais, el xugador más fuerte del mundu de 1821 fasta la so muerte en 1840
Representación de la serie ente Howard Staunton y Pierre Saint-Amant del 16 d'avientu de 1843, que consideróse un campeonatu del mundu non oficial.
Paul Morphy xugando escontra'l maestru d'axedrez húngaru Johann Löwenthal.

La primer serie de partíes proclamada polos xugadores como campeonatu del mundo foi la que Wilhelm Steinitz-y ganó a Johannes Zukertort en 1886. Por embargu, una riestra xugadores veníen siendo consideraos como los más fuertes (o los más famosos) del mundu dende facía sieglos, poro delles vegaes son consideraos campeones del mundu de la so época: Ruy López de Segura a mediaos del sieglu XVI(al que'l rei español Felipe II mandó a xugar escontra los más poderosos xugadores d'aquella), Paolo Boi and Leonardo da Cutri a finales del mesmu sieglu y Alessandro Salvio y Gioachino Greco nos primeros años del sieglu XVII.

Fueron los xugadores franceses los que dominaron el mundu del axedrez nel sieglu XVIII y entamos del sieglu XIX con Legall de Kermeur (1730–1755), François-André Danican Philidor (1755–1795), Alexandre Deschapelles (al rodiu de 1800–1821) y Louis-Charles Mahé de La Bourdonnais (1821–1840). Esti últimu, en 1834 xugó seis series (y 85 partíes) escontra l'irlandés Alexander McDonnell en dalgo asemeyao a un campeonatu del mundu.

En 1840, un columinsta del “Fraser's Magazine” escribió: “¿Pa quién será'l bastón de mandu cuando lu dexe La Bourdonnais, y qué país proporcionará al socesor? Anguaño de La Bourdonnais, como Alexandru Magno, nun tien herederu y hai razones pa temer que finalmente l'imperiu pueda ser dividíu ente dellos reis minúsculos.”

Tres morrer La Bourdonnais n'avientu desi mesmu añu, la victoria del inglés Howard Staunton nuna serie escontra'l francés Pierre Charles Fournier de Saint-Amant en 1843 fae que seya dende entós consideráu'l xugador más fuerte del mundu. Una carta nomada en The Times el 16 de payares de 1843, pero de xuru escrita antes, describió que na segunda serie de partíes de Staunton escontra Saint-Amant, xugada en París nos meses de payares y avientu de 1843, taba en disputa'l “cetru doráu de Philidor." La primer vegada de la qu'hai constancia del usu del términu “campeón del mundu” ye en 1845, cuando Howard Staunton foi descritu como “el campeón d'Inglaterra d'axedrez, o (…) el campeón del mundo".

Howard Staunton ta consideráu como'l xugador d'axedrez más fuerte del mundu na década de los 40 del sieglu XIX.

La primera propuesta conocida pa definir de mano un tornéu que decidiera'l meyor xugador del mundu fízola Ludwig Bledow nuna carta que-y escribió a von der Lasa nel añu 1846 y que publicó'l Deutsche Schachzeitung en 1848: "... el ganador de la batalla en París nun debiera tar demasiáu arguyosu de la so posición especial, porque ye en Trier onde va a facese la primer coronación” (anque Bledow morrió en 1846 y el tornéu proupuesto nun tuvo llugar). Unos años dempués, el Tornéu Internacional de Londres foi espresamente descritu como'l campeonatu del mundu por tres comentaristes: una carta de “un miembru del Calcutta Chess Club" fechada el 1 d'agostu de 1850 y otra del Capitán Hugh Alexander Kennedy d'ochobre del mesmu añi, nel volumen de 1850 de 'Chess Player's aChronicle; y Liberty Weekly Tribune de Missouri el 20 de xunu de 1851. Pero Anque Kennedy yera miembru del comité organizador del tornéu, nun hai prueba nenguna que coronar a un campeón del mundu fuera l'oxetivu oficial del eventu.

Adolf Anderssen foi un maestru d'axedrez punteru a mediaos del sieglu XIX. Tres de la retirada de Paul Morphy vióse-y como'l xugador activu más fuerte al ganar el Tornéu de Londres de 1862 y vencer a otros destacaos maestros.

El Tornéu de Londres de 1851 ganólu l'alemán Adolf Anderssen, lo que lu convirtió nel líder mundial del axedrez y fizo que se falara d'él como'l primer maestru d'axedrez modernu. Pero nun hai nenguna prueba de que gracies a la so victoria se-y aclamara entós como campeón del mundu, anque en 1893 Henry Bird nomólu asina por esi títulu.

Paul Morphy (Luisiana, Estaos Xuníos) un prodixu del axedrez que dominó a toa oposición al mesmu na so curtia carrera. Dao lo impresionante de los sos llogros, fasta dempués de morrer nun hebo nenguna serie oficial del campeonatu del mundu.

El propiu Anderssen foi derrotáu en 1858 una serie al xugador de los Estaos Xuníos Paul Morphy, tres de qu'esti fuera aclamáu perdayuri como campeón del mundu. Morphy xugó series de partíes escontra munchos xugadores destacaos, arrasando en toes elles. Harper's Weekly el 25 de setiembre de 1858 The American Union el 9 d'ochobre de 1858 consideráronlu campeón del mundu pero otru artículu de Harper's Weekly tamién del 9 d'ochobre de 1858, C. H. Stanley nun taba seguru si podía faltase de la serie de partíes de Morphy escontra Harrwitz como campeonatu del mundu. Poco dempués, Morphy ufría peones y movimientos raros a quien xugara escontra d'él, nun alcontrando siquiera asina rivales y acabando por dexar l'axedrez al añu siguiente, anque munchos consideráronlu campeón mundial fasta que morrió en 1884. La so retirada de sópitu tando na cume conozse como “l'arguyu y pena del axedrez”. Ensin Morphy n'activu, Anderssen tornaba a ser otra vuelta'l xugador más fuerte del momentu, y la so reputación reforzóse entá más cola so victoria nel Torneú de Londres de 1862.

Wilhelm Steinitz ganó por escasu marxe a Anderssen nuna serie en 1866 considerada por dellos comentaristes como'l primer campeonatu del mundu “oficial”, anque daquella nun foi consideráu asina y nun foi sinón tres de morrer Morphy en 1884 cuando una serie lo fuera, lo que supón un testimoniu nidiu del dominiu de Morphy nel xuegu, pues hai que tener en cunta que tevo 25 años ensin xugar públicamente. L'emplegu del términu “campeón del mundu” camuda nesta dómina pero paez que polo menos pa Steinitz el so reináu mundial entamó nesa serie de 1866.

Johannes Zukertort ganó'l Tornéu de Paris de 1878 (ensin la participación de Steinitz) y darréu'l Tornéu de Londres de 1883 con una ventaya de 3 puntos sobre cualesquier otru xugador, incluyíu Steinitz. Asina, considerábase a Steinitz y Zukertort como los dos meyores xugadores del mundu y esto llevó a la serie inaugural del campeonatu del mundu ente ellos, el Campeonatu del Mundu d'axedrez de 1886. El títulu foi pa Steinitz, que ye por ello reconocíu como'l primer campeón munddial oficial, anque la serie nun se xugó al abeyugu de nengún organismu oficial. Graham Burgess numbera a Philidor, de la Bourdonnais, Staunton, y Morphy como los xugadores que fueron aclamaos como los meyores del so tiempu.


Campeones del mundu antes del títulu FIDE (1886-1946)[editar | editar la fonte]

El campeonatu foi organizáu de manera bastante informal el restu del sieglu XIX y na primera mitá del sieglu XX: si un xugador pensaba que yera lo bastante fuerte, él (o los sos siguidores) andaben a la gueta del financiamientu pal bote de la serie y retaben al campeón del mundo; siendo'l nuevu campeón en casu de ganar. Nun había un sistema formal de clasificación, pero normalmente considerábase que'l sistema yera válidu y que los campeones yeren los meyores de cada momentu, Steinitz, Emanuel Lasker, José Raúl Capablanca, Alexander Alekhine, y Max Euwe, caún d'ellos derrotando al anterior campeón nuna serie de partíes.

El reináu de Wilhelm Steinitz[editar | editar la fonte]

Wilhelm Steinitz dominó l'axedrez mundial de 1866 a 1894, y nesos años surdieron munches de les cuestiones que dende entós afeuten al campeonatu del mundu.

El dominiu de Wilhelm Steinitz descata porque d'él ye la primera evidencia que suxier que un campeón del mundu pue perder el títulu por refugar a un aspirante creyible o por una ausencia de la competición llarga, la primera vegada que se xuega un campeonatu del mundu (qu'amás foi definíu asina per delantre) porque la propuesta de 1846 de Bledow quedó en nada, el primer intentu de regular torneos pal campeonatu del mundu, los alderiques sobre si el campeonatu tenía que decidise nuna serie partíes o nun campeonatu, y les diferencies ente comentariestes (nun solucionaes anguaño) sobre cuándo entamó'l so reináu.

Nun hai pruebes de que Steinitz reclamara pa sí mesmu'l títulu darréu ganar una serie escontra Adolf Anderssen en 1866, anque na so International Chess Magazine de setiembre de 1887 y abril de 1888 reclamaba ser camepón dende 1866. Dizse que pue que Steinitz nun ficiera la reclamación mientres vivió Paul Morphy, que ganara a Anderssen por un marxe mayor en 1858 pero retiráu de la competición dalgo dempués de volver a los Estaos Xuníos en 1859 y que morrió en 1884. La primera referencia a Steinitz como campeón del mundu foi en Chess Player's Chronicle d'ochobre de 1872, dempués de ganar a Johannes Zukertort na so primer serie. Pero New York Times el 11 de marzu de 1894, British Chess Magazine n'abril de 1894 y Emanuel Lasker en Lasker's Chess Magazine en mayu de 1908 fechen el so reináu dende 1866, siguiendo'l so exemplu Reuben Fine a principios de los años 50.

Per otru llau, dellos comentaristes más modernos dixebren el dominiu de Steinitz n'unu non oficial (antes de ganar a Zukertort otra vuelta nel Campeonatu del Mundu d'axedrez de 1886) y otru dende esi primer campeonatu oficial p'alantre, habiendo insistío Steinitz que el contratu pa esa serie de 1886 tenía qu'especificar que yera pol campeonatu del mundo.

The Irish Times dicía'l 6 de marzu de 1879 que Steintiz perdiera'l títulu por una ausencia llarga del axedrez de competición y amás que Zukertort tenía que ser vistu como'l campeón del mundo. Chess Player's Chronicle el 18 de xunteu de 1883 fizo un análisis entá más complexu: otros comentaristes pensaben que Zukertort tenía que ser campeón del mundu por ganar un tornéu grande (el de Londres de 1883, con tres puntos más que Steinitz) pero Chronicle dicía que los torneos nun yeren una forma fiable de decidir el campeonatu y que les victories de Steinitz en series facíenlu merecedor del títulu pero que si Zukertort yera'l campeón tenía que perder el títulu si arrenunciaba a un desafíu, especialmente escontra un aspirante colos méritos de Steinitz, y que nesi casu'l títulu tenía que tornar a Steintiz.

En 1887, el Congresu Americanu d'Axedrez entamó un trabayu de redaición de unes regles sobre cómo furrularíen los campeonatos del mundu darréu. Steinitz sofitó'l proyeutu porque pensaba que taba faciéndose enforma vieyu pa siguir siendo campeón del mundu. La propuesta desendolcóse de munches formes (como señalaba Steinitz, un proyeutu asina nunca nun s'entamara) y resultó nel tornéu de Nueva York de 1889 qu'escoyería un aspirante (bastante paecío al Tornéu de Candidatos d'anguaño). El tornéu xugóse pero'l resultáu nun foi l'esperáu: Mikhail Chigorin y Max Weiss empataron nel primer puestu, nel desempate roblaron tables cuatro vegaes y nengún quiso xugar escontra Steinitz; Chigorin acabara de perder escontra él y Weiss quería tornar al so trabayu nel Bancu Rothschild. El ganador del tercer premiu, Isidore Gunsberg taba preparáu pa xugar escontra Steinitz pol títulu en Nueva York y Steinitz ganó la serie ente 1890 y 1891. L'esperimentu nun se repitera y la serie de 1894 na que Steinitz perdió'l campeonatu xugóse de la forma alcordada privadamente ente los xugadores.

Lasker (1894–1921)[editar | editar la fonte]

El reináu más llargu d'un campeón ye'l d'Emanuel Lasker, que caltuvo'l títulu 27 años siguíos (de 1894 a 1921) y xugó siete series pol títulu nesi periodu.

Lasker foi'l primer campeón del mundu dempués de Steinitz y, anque nun defendió'l so títulu nin ente 1897 y 1906 nin ente 1911 y 1920, encarriló una ristra de victories en torneos impresionante. El so éxitu vinía principalmente pol fechu de que yera un escelente xugador práuticu, y en posiciones difíciles o obxetívamente perdedores revolvíase y usaba les sos habilidaes téuniques pa salvar la partida. Caltuvo'l títulu de 1894 a 1921, siendo'l que foi campeón más tiempu; y xugó pa defender el so reináu escontra Steinitz, Frank Marshall, Siegbert Tarrasch, Carl Schletchter (que foi'l que más lu fizo sofrir, con una serie peraxustada nel Campeonatu del Mundu d'axedrez de 1910) y Dawid Janowski.

Les negociaciones de Lasker sobre les series pel títulu de 1911 p'alantre tuvieron enllenes de discutinios. En 1911 José Raúl Capablanca desafiólu y, amás de facer piticiones económiques mui altes, propunxo delles condiciones nueves: como muncho diben xugase 30 partíes y la serie finaba si cualesquiera de los xugadores ganaba seis y tenía una ventaya de dos victories (les series anteriores podíen en teoría ser eternes, porque finaben al algamar ún de los xugadores ciertu númberu de victories, d'avezu diez) y si nengún de los dos xugadores yera quien a facelo, la serie quedaba empatada;. Capablanca refugó sobre les dos victories de ventaya y LAsker ofendióse pola crítica y rompió les negociaciones.

En 1912 surdiríen más discutinios cuando la propuesta que facía Lasker pa xugar una serie escontra Akiba Rubinstein incluyía una cláusula diciendo que si arrenunciaba'l títulu dempués d'alcordar una fecha pal campeonatu, Rubinstein sería campeón del mundu. Una cláusula igual a favor de Capablanca incluyóse cuando les negociaciones con esti retomáronse dempués de la I Guerra Mundial. Al final Lasker abdicaba en Casablanca el 27 de xunu de 1920 a resultes de les crítiques públiques que taben teniendo les condiciones del campeonatu. Dellos comentaristes duldaben del drechu de Lasker a nomar un socesor, Amos Burn felcitábase pola arrenuncia de Lasker pero tampoco creía nel drechu de Capablanca a ser nomáu campeón asina, y esti últimu alegaba que si el campeón se retiraba el títulu tenía que ser pal aspirante porque lo contrario yera inxusto pa esti. Por embargu, Lasker consintió xugar una serie escontra Capablanca, ganada fácilmente por esti nel Campeonatu del Mundu d'axedrez de 1921, y anunciando que si caltenía'l títulu arrenunciaría pa que los maestros más mozos pudieren competir por él.

Capablanca, Alekhine y Euwe (1921–1946)[editar | editar la fonte]

José Raúl Capablanca reinó como campeón del mundu de 1921 a 1927. Foi él quien propunxo les “Regles de Londres” pa les series de los campeonatos del mundu darréu.
Alexander Alekhine, que xugaba un axedrez dinámicu ya imaxinativu, foi campeón del mundu dende 1927 a 1935 y otra vuelta de 1937 fasta la so muerte en 1946. Ye l'únicu campeón que morrió en posesión del títulu.

Dempués del fracasu del so primer intentu de negociar una serie pol títulu escontra Lasker en 1911, Capablanca preparó un borrador de regles que rixeran darréu los campeonatos. El so trabayu cuntó col alcuerdu d'otros xugadores punteros, incluyíu Lasker, nel tornéu de San Petersburgu y les regles fueron aprobaes nel congresu de Mannheim a finales d'aquel añu. Los puntos principales yeren:
- El campeón tenía que tar preparáu pa defender el so títulu una vegada cada añu.
- La serie pol títulu sería ganada pol xugador qu'algamara primero seis u ocho victories (según escoyera'l campeón).
- La inversión sería polo menos de 1.000 llibres (unos 700.000 dólares del añu 2006).
Pero dada la controversia al rodiu del Campeonatu del Mundu d'axedrez de 1921 nel que Capablanca ganó a Lasker, el primeru propunxo en 1922 les “Regles de Londres”:
- El primer xugador n'algamar seis victories ganaría la serie.
- Les sesiones de xuegu seríen como muncho de cinco hores.
- El tope de tiempo seríen 40 movimientos en dos hores y media.
- Dende que fuera retáu por un maestru reconocíu, el campeón tenía un añu pa defender el títulu.
- La fecha de la serie pol títulu yera escoyida pol campeón.
- El campeón nun taba obligáu a aceutar un desafíu por un bote de menos de 10.000 dólares (sobre 350.000 dólares en 2006).
- El 20% del bote sería pal defensor del títulu, y la parte restante sería dividida ente el ganador (60%) y el perdedor (40%) de la serie.
- De les puyes qu'hubiera, tenía qu'aceutase aquella col bote mayor.
Alekhine, Bogoljubov, Maróczy, Réti, Rubinstein, Tartakower y Vidmar aceutáronles ensin dulda.

La única serie pol títulu que se xugó con estes regles foi la del Campeonatu del Mundu d'axedrez de 1927 ente Capablanca y Alekhine, anque hebo la sospecha de que'l contratu incluyía que tenía qu'haber una ventaya de dos victories pa ganar el títulu. Alekhine, Rubinstein y Nimzowitsch habíen desafiao a Caplabanca, que desixía 10.000 dólares pa xugar la serie pol títulu, nos primeros años 20. D'ellos, na más Alekhine algamaría a xuntar el bote, nel añu 1927. Sorprendentemente, a Capablanca molestó-y el retu. Antes de la serie casi naide-y daba un duru por la victoria de Alekhine escontra'l dominiu del cubanu, pero l'agresivu Alekhine superó la destreza natural de Capablanca, que tenía un instintu inigualable y preparación por demás (sobre too nel análisis profundu de les apertures, que foi una de les señes de los futuros grandes maestros) deep opening analysis, which became a hallmark of most future grandmasters), gracies a la so destreza táctica.

Darréu a a so victoria, Alekhine anunció que taba deseando ufri-y a Capablanca una serie de desquite na que rixeran les “Regles de Londres”, pero les negociaciones estancáronse dellos años, normalmente cuando l'alcuerdu ya paecía tar cerca. Alekhine ganó ensin complicaciones el Campeonatu del Mundu d'axedrez de 1929 y el Campeonatu del Mundu d'axedrez de 1934 escontra Efim Bogoljubov. Nel Campeonatu del Mundu d'axedrez de 1935, Alekhine perdió inesperadamente escontra'l profesor de matemátiques neerlandés y xugador aficionáu Max Euwe, pero tornó a ser campeón dempués de la so victoria nel desquite del Campeonatu del Mundu d'axedrez de 1937. L'españíu de la II Guerra Mundial abrió un paréntesis nes series pol campeonatu del mundu, poro Alekhine caltuvo'l títulu fasta morrer en 1946.

Financiamientu[editar | editar la fonte]

Antes del Campeonatu del Mundu d'axedrez de 1948 les series pol títulu mundial financiábense al través d'alcuerdos como los que Emanuel Lasker describió qu'hebo pal Campeonatu del Mundu d'axedrez de 1894 escontra Wilhelm Steinitz: o l'aspirante o caún de los xugadores, cola aida económica de los sos siguidores, contribuyía a una bolsa que repartíase dempués a razón de la mitá pa los siguidores del campeón, y la mayor parte de la otra mitá pal campeón mesmu, llevando l'aspirante la parte que faltaba y nada los contribuyentes d'esti. Amás, los gastos del viaxe, comida, abeyugu, etc. corríen a cuenta de la so ganancia del bote.

Fasta la serie de Steinitz y Lasker de 1894 (ya incluyía esta) los dos xugadores y los sos siguidores contribuyíen polo xeneral al financiamientu a partes iguales, siguiendo cola tradición de les series importantes del sieglu XIX d'antes de reconocer a un campeón del mundu. Por exemplu, pa la segunda serie de Staunton vs Saint-Amant (Paris, 1843) o la de Anderssen vs Steinitz (London, 1866) la inversión foi de 100 llibres pa cada parte; y Steinitz y Zukertort xugaron el Campeonatu del Mundu de 1886 con una inversión de 400 llibres cada parte.

Foi Lasker quien entamó la práctica de pidir que fuera l'aspirante el que tuviera que poner tol bote, y los sos sucesores siguieron el so exemplu fasta la II Guerra Mundial, lo que facía que fuera perdifícil alcordar series pol campeonatu del mundu. Asina, Marshall retó a Lasker en 1904 pero nun foi quien a xuntar les perres que-y facíen falta fasta 1907; en 1911 Lasker y Rubinstein alcordaron una serie pol títulu mundial que nunca nun foi xugada porque Rubinstein nun algamó les perres que necesitaba; a primeros de los años 20, Alekhine, Rubinstein y Nimzowitsch aspiraben a xugar escontra Capablanca, pero na más Alekhine aforró los 10.000 dólares que pidía Capablanca, y non foi fasta 1927 que lo fizo.

Títulu de la FIDE (1948–1993)[editar | editar la fonte]

FIDE, Euwe y AVRO[editar | editar la fonte]

Hebo intentos de facer una federación internacional d'axedrez al tiempu de los torneos de 1914 en San Petersburgu, de 1914 en Mannheim y, tres de la I Guerra Mundial, de 1920 en Gotemburgu; anque va ser el 2 de xunetu de 1924 cuando los participantes del tornéu de París fundaran la FIDE como una especie de sindicatu de xugadores.

Los congresos de la FIDE de 1925 y 1926 espresaron el so deséu de vese envueltos na organización del campeonatu del mundu. La FIDE taba abondo conforme coles “Regles de Londres” pero paecía-y que la esixencia de un mínimu de 10.000 dólares de bote yera casi imposible de satisfacer, poro pidió-y a Capablanca algamar un alcuerdu pa revisar eses regles. En 1926 la FIDE decidió crear el títulu paralelu de “Campeón de la FIDE” y en 1928 Bogoljubow xugó y ganó una serie de partíes escontra Euwe pa decidir esi títulu. Alekhine aceutó que les series que vinieren darréu pol títulu mundial se xugaren baxo l'abeyugu de la FIDE, pero na más xugaría escontra Capablanca coles mesmes condiciones que rixeron la serie de 1927. Como la FIDE naguaba por una serie de refundimientu ente Alekhine y Bogoljubow, fizo dellos progresos y el títulu de “Campeón de la FIDE” desapaeció dempués de que Alekhine ganara'l Campeonatu del Mundu d'axedrez de 1929 que pactara xugar escontra Bogoljubow.

Max Euwe conviritóse en campeón del mundu al derrotar a Alexander Alekhine en 1935 pero perdió'l desquite en 1937.

Nel cursu de les negociaciones pal desquite del Campeonatu del Mundu d'axedrez de 1937 escontra Alekhine, Euwe propunxo que si él caltenía'l títulu la FIDE (qu'intentaba dende 1935 afitar unes regles sobre cómo escoyer a los aspirantes al títulu y yera favoratible a la eleición por un comité) controlaría la nominación pa los retos darréu y organizaría les series del campeonatu. Foi nesi momentu cuando la Real Federación d'Axedrez de los Países Baxos propunxo un supertornéu (AVRO) pa antiguos campeones y estrelles emerxentes del que saldría l'aspirante al títulu. La FIDE refugó la idea y nominó a Salo Flohr pa pelear pol títulu. Euwe declaró entós que si él caltenía'l títulu escontra Alekhine taría preparáu pa xugar escontra Flohr en 1940 pero que se reservaba'l drechu a alcordar en 1938 o 1939 una serie pol títulu escontra José Raúl Capablanca, al que-y ganó Alekhine el campeonatu en 1927; y que si perdía, Capablanca tenía qu'asumir la decisión de la FIDE y xugar escontra FLohr en 1940. La mayoría d'escritores d'axedrez y dellos importantes xugadores sofitaben el tornéu neerlandés y oponíense al procesu apadrináu pola FIDE. Y col controversia tovía ensin solucionar, Euwe perdió'l títulu escontra Alekhine; Paul Keres ganó'l Tornéu AVRO en 1938 nel desempate, con Reuben Fine segundu y Capablanca y Flohr nos últimos puestos; y asocedió l'españíu de la II Guerra Mundial en 1939.

Naciencia del sistema de ciclos trieniales (1946–1948)[editar | editar la fonte]

Fasta 1946 el campeón mundial ganaba'l títulu derrotando al antiguu campeón nuna serie de partíes, pero la muerte d'Alexander Alekhine esi añu fizo imposible siguir esi procedimientu y dio pie a una situación nada nidia, con dellos xugadores respetables y comentaristes ufriendo distintes soluciones. La FIDE topaba bien difícil organizar l'alderique que resolviera la situación polos problemes económicos y de movilidá pa los representantes de munchos países que xeneraba que recién terminara la II Guerra Mundial, y la falta de información clara resultaba en rumores y especulaciones que confundíen aínda más. Nun aidaba tampoco que la Xunión Soviética arrenunciara a entrar na FIDE, cuando taba claro que sobre la mitá de los xugadores más solventes yeren d'esi país. Pero los soviéticos diéronse cunta de que nun podíen permitise quedar fuera del alderique sobre'l futuru del campeonatu del mundu, asina qu'en 1947 univaron un telegrama pidiendo perdón pola ausencia de los sos representantes y pidiendo que darréu la Xunión Soviética tuviera representada nos comités de la FIDE.

Mikhail Botvinnik foi'l primer campeón mundial al abeyugu de la FIDE.

A la fin, la solución foi mui pareya a la propuesta inicial de la FIDE y a la propuesta qu'ufría la Xunión Soviética (escrita por Mikhail Botvinnik). El tornéu AVRO de 1938, nel que participaren los ocho xugadores que por asentimientu xeneral yeren los meyores del mundu n'aquel tiempu, foi usáu como la base pal Campeonatu del Mundu d'axedrez de 1948. Dos d'ellos morrieran: Alekhine y el antiguu camepón José Raúl Capablanca; pero la FIDE decidió que el campeonatu tenía que ser pal ganador de un tornéu “toos escontra toos” nel que caún de los otros seis participantes xugaríen cuatro xuegos contra caún del resto. Estos xugadores yeren Max Euwe (Países Baxos); Botvinnik, Paul Keres y Salo Flohr (Xunión Soviética); y Reuben Fine y Samuel Reshevsky (Estaos Xuníos). Anque la FIDE aceutó la propuesta soviética de camudar a Flohr por Vasily Smyslov y Fine arrenunció pa continuar colos sos estudios de sicoloxía, poro na más compitieron cinco xugadores. Botvinnik ganó d'una forma bien convincente y foi nomáu nuevu campeón mundial. Les propuestes que llevaron al tornéu previu del campeonatu de 1948 tamién detallaron que los campeonatos del mundu darréu diben a furrular en ciclos de tres años: los países afiliaos a la FIDE unviaríen xugadores a los torneos de zona (el númberu variaría dependiendo cuántos xugadores del nivel suficiente tuviera'l país); los xugadores qu'algamaran los primeros puestos nesos torneos competiríen nun tornéu interzonas (que dividióse en varios conforme crecieron el númberu de países y xugadores candidatos); los meyor clasificaos del tornéu interzonal pasaríen a competir nel Tornéu de Candidatos (que fasta 1962 foi un tornéu “toos escontra toos” de varies rondes) xunto al segundu clasificáu d'esi mesmu tornéu tres años antes y al perdedor del últimu campeonatu del mundu; y el ganador del Torneú de Candidatos xugaría una serie pol títulu escontra'l campeón.

Sistema FIDE (1949–1963)[editar | editar la fonte]

El sistema de competición que la FIDE diseñó en 1948 furruló durante cinco ciclos: 1948–1951, 1951–1954, 1954–1957, 1957–1960 y 1960–1963. Tanto nel Campeonatu del Mundu d'axedrez de 1951 como nel Campeonatu del Mundu d'axedrez de 1954 el resultáu foi empate 12-12 poro Botvinnik caltuvo'l títulu les dos vegaes (siendo l'aspirante de 1951 Bronstein y el de 1954 Smyslov)[1].

En 1956 la FIDE fae dos cambeos que paecíen migayines pero que'l GM soviéticu Yuri Averbakh afirmaba que forzaben los dos representantes de la Xunión Soviética na FIDE y amigos personales del entós campeón mundial, Mikhail Botvinnik: un campeón que fuera derrotáu tenía drechu a una serie de desquite, y poníase un tope al númberu de xugadores del mesmu país que podíen competir nel Tornéu de Candidatos, xustificándolo en que asina menguaría'l dominiu soviéticu del tornéu. Averbakh por embargu, esmolecía-y que asina dábase-y ventaya a Botvinnik porque había menos xugadores soviéticos colos que podía topase na serie pol títulu[2]. Botvinnik perdió'l títulu escontra Vasily Smyslov en 1957 pero ganó'l desquite al añu siguiente, y perdió otra vuelta escontra Mikhail Tal en 1960 ganó'l desquite tamién al añu siguiente. Asina, Smyslov y Tal caltuvieron el títulu un añu caún pero'l restu del tiempu ente 1948 y 1963 el campeón foi Botvinnik[1].

La cláusula de la serie de desquite eliminóse pal ciclu de 1963, nel que Tigran Petrosian ganó'l Tornéu de Candidatos de 1962[3] y darréu a Botvinnik nel Campeonatu del Mundu d'axedrez de 1963, convirtiéndose en campeón del mundu[4]

Vasily Smyslov, campeón 1957-1958.
Mikhail Tal, campeón 1960-1961.
Tigran Petrosian, campeón 1963-1969.

Sistema FIDE (1963–1975)[editar | editar la fonte]

Dempués del Tornéu de Candidatos de 1962, Bobby Fischer denunció públicamente que los soviéticos conxuraron pa evitar que nengún non soviéticu (y específicamente él) ganara. Según la so versión, Petrosian, Efim Geller y Paul Keres alcordaron terminar en tables toles sos partíes y que a Korchnoi diérense-y instrucciones pa perder escontra ellos. Yuri Averbakh, que yera'l capitán del equipu soviéticu n'aquel entós, desplicaba nuna entrevista en 2002 per un llau que Keres yera'l xugador más vieyu d'un tornéu llargu (28 partíes de cada xugador y dos meses de duración) y que decidió facer tables con Petrosian y Geller pa aforrar enerxía pa la última parte del tornéu y por otra que Petrosian y Geller yeren collacios y que si se ve'l conxuntu de partíes ente ellos en cualquier competición, facíen tables cada vegada [2]. Korchnoi, que desrtó de la Xunión Soviética en 1976, nunca reconoció que lu forzaran a perder partíes. En cualesquier casu, la FIDE respondió les acusaciones camudandu'l formatu del Tornéu de Candidatos pa eliminar toa posibilidá de conxura. Asina, yá pal ciclu de 1964 a 1966 el sistema de toos escontra toos camudóse por otru d'eliminatories n'enfrentamientos direutos nel que los cuartos de final y les semifinales yeren al meyor de 10 partíes, y la final al meyor de 12 partíes. La teoría de los pautos soviéticos garró punxu otra vuelta años dempués, en 2006, gracies a un estudiu estadísticu de la Universidá Washington (San Luis – Misuri) de les partíes de los soviéticos ente 1940 y 1964[5].

Boris Spassky ganó'l Tornéu de Candidatos de 1965 pero perdió la serie pol Campeonatu del Mundu d'axedrez de 1966 escontra Petrosian, que caltuvo'l títulu. Nel siguiente ciclu, Spassky ganó otra vuelta'l Tornéu de Candidatos, siendo quién esta vegada a ganar a Petrosian na serie del Campeonatu del Mundu d'axedrez de 1969 y convirtiéndose en campeón del mundu[4]. Nenguno d'estos dos ciclos diba a contar cola participación de Fischer: arrenunció al de 1966 y retiróse por una reña cola organización del Tornéu Interzonal de 1967 (yá del ciclu de 1969) cuando diba primeru de manera destacada.[6]

Fischer en Ámsterdam pa un conceyu con personal de la FIDE en 1972. La so victoria nel Campeonatu del Mundu puxo fin a 24 años de dominiu soviéticu. Dempués del triunfu tevo 20 años ensin competir.
Spassky xugó escontra Fischer la nomada “serie del sieglu” nel Campeonatu del Mundu d'axedrez de 1972.

Nel ciclu 1970-1972 Fischer provocó dos crisis más. La primera cuando refugó xugar el campeonatu de los Estaos Xuníos de 1969, que yera el tornéu zonal que-y tenía que dar un puestu pal siguiente ciclu del campeonatu mundial; teniendo que renunciar Benko a la so plaza a favor de Fischer.[7] El presidente de la FIDE Max Euwe aceutó la maniobra ya interpretó les regles d'una manera mui flesible y discutida p'almitir que Fischer xugara, porque pensaba que yera importante pa la salú y reputación del propiu axedrez que Fischer tuviera cuanto antes la posibilidá de ser aspirante al títulu nuna serie pol campeonatu del mundu. Fischer barrió toa oposición y ganó'l drechu a disputá-y al entós campeón Boris Spassky el títulu mundial. Dempués d'aceutar xugar en Yugoslavia la serie del Campeonatu del Mundu d'axedrez de 1972, Fischer presentó delles quexes y la final terminó xugándose n'Islandia; anque incluso entós protestó Fischer, esta vegada por perres, y fizo falta pa convencelu de que xugara una llamada del Secretariu d'Estáu de los Estaos Xuníos Henry Kissinger y que'l financieru Jim Slater doblara'l premiu. Dempués de dalgún otru momentu dramáticu más, Fischer ganó la serie finalmente 12½–8½.[8]

De cara al Campeonatu del Mundu d'axedrez de 1975, Anatoly Karpov ganó'l drechu a ser l'aspirante al títulu escontra Fischer. Esti protestó pol formatu al meyor de 24 partíes que s'emplegaba dende 1951, aldericando qu'animaba a quien ganara una partía ceo a xugar el resto a la gueta de facer tables; y propunxo qu'hubiera qu'algamar 10 victories pa ganar la serie, sacante si'l resultáu llegaba a ser 9-9 col qu'él caltendría'l títulu, lo que-y daba más ventaya al aspirante que'l sistema esistente, nel que cuntaben les tables y el empate a 12 yera a favor del campeón. La FIDE nun almitió los cambeos, Fischer nun se presentó a la defensa del títulu y la FIDE nomaba a Karpov campeón, rompiéndose una norma que furruló de 1948 a 1972 y según la que cada campeón algamó'l títulu ganando al campeón vixente. [9]

Fischer, qu'en priváu siguiría considerándose campeón del mundu, retiróse de la vida pública y nun tornó a xugar una partida de competición fasta 1992, cuando-y ufrió a Spassky enfrentase pol títulu mundial nuna serie que tevo abonda cobertura mediática, anque'l mundu del axedrez nun atendió la so reclamación de ser consideráu campeón del mundu. La serie xugóse en Yugoslavia tando actives les sanciones de los Estaos Xuníos escontra esti país poles guerres nos Balcanes, lo que fizo que Fischer tuviera en busca y captura internacional dende entós y fasta que morrió.[10]

Karpov y Kasparov (1975–1993)[editar | editar la fonte]

Anatoly Karpov convirtióse en campeón del mundu dempués que Fischer arrenunciara a defender el so títulu. Dominador de l'axedrez mundial de 1975 a 1985, xugaba con un sólidu estilu ensin riesgos.
Garry Kasparov derrotó a Karpov y tornó'l 13u campeón mundial. Xugaron cinco series del Campeonatu del Mundu, toes mui nivelaes

Karpov dominó l'axedrez mundial nos años 70 y l'entamu de los 80 con un increíble puñáu de torneos ganaos. Llogró desmostrar convincentemente que yera'l xugador más fuerte del mundu defendiendo con ésitu'l so títulu mundial escontra'l desertor soviéticu Viktor Korchnoi, primero en Baguio (Filipines) nel Campeonatu del Mundu d'axedrez de 1978 (6–5 con 21 partíes en tables) y dempués en Merano (Italia) nel Campeonatu del Mundu d'axedrez de 1981 (6–2, con 10 partíes en tables). El so estilu de xuegu desesperaba a los oponentes, que solíen arremeter y equivocase. Esto permitía-y desendolcar tola fuerza de la técnica aprendía en Botvinnik (escuela na qu'amás de Karpov estudió tamién Kasparov) escontra ellos, facilitándo-y la victoria. Karpov perdió'l títulu escontra Garry Kasparov, que tenía un estilu tácticu agresivu que contrastaba enforma col estilu posicional de Karpov. Los dos pelearon en cinco series que tuvieron peraxustaes: el Campeonatu del Mundu d'axedrez de 1984 (que finaba cola controvertida victoria de Karpov +5 −3 =40), el Campeonatu del Mundu d'axedrez de 1985 (onde Kasparov ganó'l títulu, 13–11), el Campeonatu del Mundu d'axedrez de 1986 (ganáu por Kasparov con un estrechu marxen, 12½–11½), el Campeonatu del Mundu d'axedrez de 1987 (empatáu 12–12, poro Kasparov caltuvo'l títulu), y el Campeonatu del Mundu d'axedrez de 1990 (otra vuelta ganáu por Kasparov con un resultáu bien ciñíu, 12½–11½). En total, 144 partíes con 104 tables, 21 victories de Kasparov y 19 de Karpov.

Dixebra del títulu (1993–2005)[editar | editar la fonte]

En 1993, Nigel Short rompió'l dominiu de les dos K (Kasparov y Karpov) cuando eliminó a Karpov na semifinal del Tornéu de Candidatos, ganando a Jan Timman na final darréu y siendo l'aspirante al títulu mundial frente a Kasparov, que defendía'l mesmu. Por embargu, antes de que la serie pol campeonatu se celebrara tanto Kasparov como Short tacháron-y a la FIDE pola corrupción y el so pocu profesionalismu na organización, entamaron la Asociación Profesional d'Axedrez (PCA según el so nome n'inglés) y enfrentáronse nun campeonatu del mundu agospiáu por esta última. La FIDE reaccionó a la dixebra de la PCA retirándo-y a Kasparov un títulu que púxose en xuegu nuna serie ente Karpov and Timman. Asina, Kasparov ganó a Short nel campeonatu de la PCA y Karpov a Timman nel de la FIDE, y foi la primer vegada de la hestoria na qu'hebo dos campeones del mundu d'axedrez.

Tanto la FIDE como la PCA organizaron un campeonatu nel ciclu 1993-1996, y munchos de los aspirantes xugaron nos dos, que repitieron campeones en 1993: Kasparov (PCA), que ganó a Anand en 1995 y Karpov (FIDE) que ganó a Kamsky en 1996. Y anque hebo negociaciones pa refundir los títulos al rodiu de 1996-1997 con una serie de partíes ente Kasparov y Karpov, nun se llegó a nengún alcuerdu.[11]

Xusto dempués del campeonatu de 1995 la perda de la so principal fonte de financiamientu fizo que la PCA se disolviera y que Kasparov quedara ensin organización pa escoyer rival de cara a la defensa del so títulu. Poro en 1998 creó'l Conseyu Mundial d'Axedrez, qu'organizó una serie ente los candidatos Alexei Shirov y Vladimir Kramnik que ganó'l primeru d'ellos. Por embargu, les negociaciones ente Kasparov y Shirov fracasaron, nun habiendo serie pol títulu; pasando lo mesmo colos planes pa organizar una serie ente Kasparov y Anand en 1999 o 2000. Kasparov acabó organizando entós una serie al meyor de 16 partíes escontra Kramnik a finales del añu 2000 en lo que se conoció como Campeonatu del Mundu Braingames d'axedrez (anque les referencies posteriores nomaron esti campeonatu como “clásicu”) y que resultó nuna victoria del aspirante Kramnik con dos partíes ganaes y trece partíes en tables.

Mentantu, la FIDE decidiera sustituyir yá pal Campeonatu del Mundu d'axedrez de la FIDE de 1998 el sistema interzonal y del Tornéu de Candidatos que venía emplegándose dende 1948 por un tornéu de eliminatories direutes con un númberu grande de participantes (que podía algamar fasta 128) xugando series cortes (al meyor de 2 partíes nes primeres rondes, al meyor de 4 nes siguientes y al meyor de 6 dempués) y, en casu de facer falta, desempates con partíes rápides y rellámpagu. Pero l'anovación del sistema pa dellos nun reconocía necesariamente al xugador de mayor calidá, y nun terminó colos problemas nin les disputes: Kasparov renunció yá de mano a participar, Kramnik retiróse en 1998 pola clasificación direuta pa la final de Karpov (defensor del títulu) y anque xugó'l tornéu de 1999 volvió a renunciar otra vuelta dempués de ganar nel añu 2000 el campeonatu clásicu, Karpov defendió'l títulu en 1998 pero nun volvió a facelo en protesta poles regles de 1999 qu'eliminaben los privilexos del campeón, Anand tampoco participó en 1999 por tar negociando una serie escontra Kasparov pol títulu clásicu, etc. A pesar d'ello, la FIDE caltuvo nun solo'l campeonatu sinón tamién el sistema, siendo los ganadores Alexander Khalifman en 1999, Anand nel añu 2000, Ruslan Ponomariov en 2002 y Rustam Kasimdzhanov en 2004.

La complicación que supunxo la dixebra del mundu del axedrez añadió un problema a partir de la derrota de Kasparov nel añu 2000: nun solo había dos campeones rivales sinón que la confusión agrandábase colos perbonos resultaos de Kasparov (xugador númberu 1 mundial na clasificación de la FIDE y ganador de la mayoría de los torneos más importantes). En mayu de 2002, el gran maestru de los Estaos Xuníos Yasser Seirawan encabezó la organización de lo que foi nomado como “Alcuerdu de Praga” pa refundir los títulos mundiales. Kramnik organizara un tornéu ente candidatos (que ganó Peter Leko) pa escoyer aspirante al qu'enfrentase pol títulu clásicu y decidióse que Kasparov xugara escontra'l campeón FIDE (Ponomariov) pol títulu de la FIDE, y qu'una serie dempués ente los dos campeones decidiera la refundición del títulu. Por embargu, les torgues finacieres y organizatives ficieron per un llau que'l Campeonatu del Mundu clásicu d'axedrez de 2004 nun se celebrara fasta finales d'esi añu (resultando n'empate, poro Kramnik caltuvo'l títulu) y pel otru que la FIDE nun fuera quién a organizar la serie de Kasparov nin escontra Ponomariov (campeón FIDE de 2002) nin escontra Kasimdzhanov (campeón FIDE de 2004). En parte polo frustrante d'esta situación, Kasparov retiróse del axedrez nel añu 2005 anque yera tovía en númberu 1 de la clasificación mundial. Poco dempués, la FIDE decidió abandonar el sistema de eliminatories pal campeonatu del mundu, y fizo anuncia de que'l tornéu de 2005 diba facese en San Luis (L'Arxentina) y emplegase un sistema de doble vuelta ente los ocho primeros xugadores mundiales. Kramnik como campeón clásicu, por embargu, insistía en defender el so títulu nuna serie de partíes y renunció a participar nel campeonatu. El tornéu ganólu de forma perclara'l búlgaru Veselin Topalov, y darréu entamaron les negociaciones pa una serie ente Kramnik y él pa refundir el títulu.

Títulu refundíu (2006–anguaño)[editar | editar la fonte]

Kramnik (2006–2007)[editar | editar la fonte]

Vladimir Kramnik, que ganó a Garry Kasparov nel añu 2000, convirtióse en campeón del mundu indiscutible dempués de valtiar a Topalov en 2006.

La serie de partíes de refundimientu del Campeonatu del Mundu d'axedrez de 2006 ente Topalov y Kramnik xugóse nos caberos meses d'esi añu. Dempués de muncha controversia y acusaciones por parte de la delegación búlgara del supuestu emplegu por parte de Kramnik de programes informáticos aprovechando un númberu desaxeráu de visites al so bañu priváu[12], la victoria foi pa esti, que tornó en ser el primer campeón indiscutible dende la dixebra de la FIDE de 1993, cuando Kasparov fundó la PCA. Tanto esta serie como les que vinieron fasta anguaño fueron alministraes y organizaes pola FIDE.

Anand (2007–2013)[editar | editar la fonte]

Viswanathan Anand, primer asiáticu en ser campeón del mundu d'axedrez, ganó cinco vegaes el títulu.

Kramnik xugó pa defender el so títutlu nel Campeonatu del Mundu de 2007 en Méxicu, calteníendose'l mesmu formatu emplegáu nel Campeonatu del Mundu d'axedrez de 2005 de la FIDE. Esto ye, un sistema de toos escontra toos con cada participante xugando dos vegaes escontra caún de los otros (una con blanques y otra con negres). El ganador del tornéu foi Viswanathan Anand que convirtióse entós en campeón del mundu. Como'l títulu d'Anand foi decidíu nun tornéu y non nuna serie de partíes, una minoría de comentaristes duldaron del so valir.[13] Tamién Kramnik fizo dellos comentarios ambiguos sobre'l tema, pero nun llegó a reclamar el títulu pa sí mesmu[14] y tornando'l formatu a una serie de partíes ente'l campeón y l'aspirante nos ciclos que vinieron darréu.

Los dos siguientes campeonatos tuvieron regles especiales que surdieron de la fusión de los títulos de 2006. Asina, como Kramnik perdiera'l títulu en 2007 dióse-y la oportunidá de recuperalu nuna serie de partíes escontra'l ganador esi añu y que supusieron el Campeonatu del Mundu d'axedrez de 2008, qu'Anand ganó otra vuelta. Y a Topalov, que perdió l'enfrentamientu de la refundación en 2006 y que nun pudo participar nel campeonatu de 2007 (porque el defensor del títulu pa entós yá yera Kramnik y los xugadores del Tornéu de Candidatos del 2007 ya taben escoyíos cuando se fusionaron los títulos), dióse-y el drechu de xugar una serie de partíes escontra'l ganador del Tornéu de Candidatos de 2009 (Gata Kamsky) de forma que'l ganador sería l'aspirante que retara a Anand nel Campeonatu del Mundu d'axedrez de 2010. Topalov algamó asina'l campeonatu del 2010 pero perdió la serie escontra Anand, que caltuvo'l títulu.[15]

Pal siguiente campeonatu, el Campeonatu del Mundu d'axedrez de 2012, el Tornéu de Candidatos xugóse con un sistema de empareyamientos direutos, pasando de ronda el meyor en series de cuatro partíes (seis nel casu de la final). Esti formatu nun algamó de convencer a naide, y el entós númberu 1 mundial Magnus Carlsen renunció a participar en señal de protesta. Boris Gelfand ganó'l Tornéu de Candidatos pero perdió'l desafíu escontra Anand nel desempate a partíes rápides, caltuviendo esti el campeonatu que suponía la so cuarta victoria mundial dafechu.[16]

Carlsen (2013–anguaño)[editar | editar la fonte]

El noruegu Magnus Carlsen ye'l gran dominador del axedrez mundial na última década.

Dende 2013 el Tornéu de Candidatos xuégase con un sistema de toos escontra toos nel que caún de los participanes enfréntase a caún de los otros dos vegaes (una con blanques y otra con negres). Y ye'l ganador quien dempués xuega una serie de partíes pol títulu mundial escontra'l campeón del mundu. El noruegu Magnus Carlsen ganó'l tornéu de 2013[17] y darréu valtió a Anand nel Campeonatu del Mundu d'axedrez de 2013.

Nel añu 2014 el sistema camudóse de forma qu'agora caún de los ciclos abarca dos años: calificación pal Tornéu de Candidatos nos años impares, Tornéu de Candidatos nos primeros meses de los años pares y serie pol Campeonatu del Mundu nos caberos meses d'esos mesmos años.

Carlsen yá defendió con ésitu'l so título tres vegaes: escontra Anand nel Campeonatu del Mundu d'axedrez de 2014[18], escontra Sergey Karjakin nel Campeonatu del Mundu d'axedrez de 2016[19] y escontra Fabiano Caruana nel Campeonatu del Mundu d'axedrez de 2018; coles dos últimes defenses decidíes nel desempate a partíes rápides.[20]

Campeones del mundu[editar | editar la fonte]

Xugadores líderes antes del Campeonatu del Mundu[editar | editar la fonte]

Name Year Country Age
Ruy López de Segura 1559–1575 Bandera d'España España 29–45
Leonardo di Bona c. 1575 Bandera de Reinu de Nápoles Reinu de Nápoles 33
Paolo Boi c. 1575 Bandiera del Regno di Sicilia 4.svg Reinu de Sicilia 47
Alessandro Salvio c. 1600 Bandera de Reinu de Nápoles Reinu de Nápoles c. 30
Gioachino Greco c. 1620–1634 Bandera de Reinu de Nápoles Reinu de Nápoles c. 20–34
Legall de Kermeur c. 1730–1755 Bandera de Francia Francia c. 28–53
François-André Danican Philidor 1755–1795 Bandera de Francia Francia 29–69
Alexandre Deschapelles 1815–1821 Bandera de Francia Francia 35–41

Campeonatos non oficiales[editar | editar la fonte]

Añu Sede Campeón Aspirante(s) Resultáu
(G-P-T)
Formatu
Campeonatos del Mundu d'axedrez non oficiales (1834–1886)
1834 Londres (Bandera del Reinu Xuníu Reinu Xuníu) Bandera de Francia Louis de La Bourdonnais Bandera del Reinu Xuníu Alexander McDonnell +45 -27 =13
1843 Londres (Bandera del Reinu Xuníu Reinu Xuníu) Bandera de Francia Pierre Saint-Amant Bandera del Reinu Xuníu Howard Staunton +3 -2 =1
1843 Paris (Bandera de Francia Francia Bandera del Reinu Xuníu Howard Staunton Bandera de Francia Pierre Saint-Amant +11 -6 =4
1846 Londres (Bandera del Reinu Xuníu Reinu Xuníu) Bandera del Reinu Xuníu Howard Staunton (2) Bandera del Reinu Xuníu Bernhard Horwitz +14 -7 =3
1851 Londres (Bandera del Reinu Xuníu Reinu Xuníu) Flag of the Kingdom of Prussia (1803-1892).svg Adolf Anderssen Bandera del Reinu Xuníu Marmaduke Wyvill +4 -2 =1 eliminatories direutes, final al meyor de 7
1858 Paris (Bandera de Francia Francia) Bandera de Estaos Xuníos d'América Paul Morphy Flag of the Kingdom of Prussia (1803-1892).svg Adolf Anderssen +7 -2 =2
1862 Londres (Bandera del Reinu Xuníu Reinu Xuníu) Flag of Prussia (1892-1918).svg Adolf Anderssen Bandera de la Confederación Xermánica Louis Paulsen +11 -1 =1 toos escontra toos, 14 xugadores
1866 Londres (Bandera del Reinu Xuníu Reinu Xuníu) Bandera de Imperiu austriacu Wilhelm Steinitz Flag of the Kingdom of Prussia (1803-1892).svg Adolf Anderssen +8 -6 =0
1883 Londres Bandera del Reinu Xuníu Reinu Xuníu) Bandera del Reinu Xuníu Johannes Zukertort Bandera de Imperiu austrohúngaru Wilhelm Steinitz +22 -4 =0 toos escontra toos (doble vuelta), 14 xugadores
Campeonatos del Mundu d'axedrez non reconocíos (1928, 1992)
1928 La Haya (Bandera de Países Baxos Países Baxos) Bandera de República de Weimar Efim Bogoljubov Bandera de Países Baxos Max Euwe +3 -2 =5 Campeonatu de la FIDE, non nomáu campeonatu del mundu
1992 Sveti Stefan (Flag of Yugoslavia (1946-1992).svg Yugoslavia)
Belgrado (Flag of Yugoslavia (1946-1992).svg Yugoslavia)
Bandera de Estaos Xuníos d'América Bobby Fischer Bandera de Francia Boris Spassky +10 -5 =15 Primeru n'algamar 10 victories, les tables nun cunten. Fischer reclamaba ser el campeón del mundu.

Campeones del mundu (dende 1886)[editar | editar la fonte]

Añu Sede Campeón Aspirante(s) Resultáu
(G-P-T)
Formatu
Campeonatos del Mundu d'axedrez oficiales (1886–1946)
1886 Nueva York (Bandera de Estaos Xuníos d'América Estaos Xuníos)
Saint Louis (Bandera de Estaos Xuníos d'América Estaos Xuníos)
Nueva Orleans (Bandera de Estaos Xuníos d'América Estaos Xuníos )
Bandera de Imperiu austrohúngaru Wilhelm Steinitz Bandera del Reinu Xuníu Johannes Zukertort +10 -5 =5 Primeru n'algamar 10 victories
1889 L'Habana (Bandera de Cuba Cuba) Bandera de Estaos Xuníos d'América Wilhelm Steinitz (2) Bandera de Rusia Mikhail Chigorin +10 -6 =1 Meyor de 20 partíes + desempate
1891 Nueva York (Bandera de Estaos Xuníos d'América Estaos Xuníos) Bandera de Estaos Xuníos d'América Wilhelm Steinitz (3) Bandera de Imperiu austrohúngaru Isidor Gunsberg +6 -4 =9
1892 L'Habana (Bandera de Cuba Cuba) Bandera de Estaos Xuníos d'América Wilhelm Steinitz (4) Bandera de Rusia Mikhail Chigorin +8 -8 =4
(+2 -0 =1)
1894 Nueva York (Bandera de Estaos Xuníos d'América Estaos Xuníos)
Filadelfia (Bandera de Estaos Xuníos d'América Estaos Xuníos)
Montreal (Bandera de Canadá Canada)
Bandera de Imperiu alemán Emanuel Lasker Bandera de Estaos Xuníos d'América Wilhelm Steinitz +10 -5 =4 Primeru n'algamar 10 victories
1897 Moscú (Bandera de Rusia Imperiu rusu) Bandera de Imperiu alemán Emanuel Lasker (2) Bandera de Estaos Xuníos d'América Wilhelm Steinitz +10 -2 =5
1907 Nueva York (Bandera de Estaos Xuníos d'América Estaos Xuníos)
Filadelfia (Bandera de Estaos Xuníos d'América Estaos Xuníos)
Washington, D.C. (Bandera de Estaos Xuníos d'América Estaos Xuníos)
Baltimore (Bandera de Estaos Xuníos d'América Estaos Xuníos)
Chicago (Bandera de Estaos Xuníos d'América Estaos Xuníos)
Memphis (Bandera de Estaos Xuníos d'América Estaos Xuníos)
Bandera de Imperiu alemán Emanuel Lasker (3) Bandera de Estaos Xuníos d'América Frank Marshall +8 -0 =7 Primeru n'algamar 8 victories
1908 Düsseldorf (Bandera de Imperiu alemán Imperiu alemán)
Munich (Bandera de Imperiu alemán Imperiu alemán)
Bandera de Imperiu alemán Emanuel Lasker (4) Bandera de Imperiu alemán Siegbert Tarrasch +8 -3 =5
1910 Viena (Bandera de Imperiu austrohúngaru Imperiu austrohúngaru)
Berlín (Bandera de Imperiu alemán Imperiu alemán)
Bandera de Imperiu alemán Emanuel Lasker (5) Bandera de Imperiu austrohúngaru Carl Schlechter +1 +1 =8 Meyor de 10 partíes, foi discutío si l'aspirante tenía que ganar d'una ventaya d'ún o dos puntos.
1910 Berlín (Bandera de Imperiu alemán Imperiu alemán) Bandera de Imperiu alemán Emanuel Lasker (6) Bandera de Francia Dawid Janowski +8 -0 =3 Primeru n'algamar 8 victories
1921 L'Habana (Bandera de Cuba Cuba) Bandera de Cuba José Raúl Capablanca Bandera de República de Weimar Emanuel Lasker +4 -0 =10 Meyor de 24 partíes (Emanuel Lasker arrenunció dempués de 14).
1927 Buenos Aires (Bandera d'Arxentina Arxentina) Bandera de Francia Alexander Alekhine Bandera de Cuba José Raúl Capablanca +6 -3 =25 Primeru n'algamar 6 victories.
1929 Wiesbaden (Bandera de República de Weimar República de Weimar)
Heidelberg (Bandera de República de Weimar República de Weimar)
Berlín (Bandera de República de Weimar República de Weimar)
L'Haya (Bandera de Países Baxos Países Baxos)
Bandera de Francia Alexander Alekhine (2) Bandera de República de Weimar Efim Bogoljubov +11 -5 =9 Primeru n'algamar 6 victories y 15 puntos.
1934 Baden-Baden (Bandera d'Alemaña Alemaña)
Villingen-Schwenningen (Bandera d'Alemaña Alemaña)
Friburgu de Brisgovia (Bandera d'Alemaña Alemaña)
Pforzheim (Bandera d'Alemaña Alemaña)
Stuttgart (Bandera d'Alemaña Alemaña)
Munich (Bandera d'Alemaña Alemaña)
Bayreuth (Bandera d'Alemaña Alemaña)
Bad Kissingen (Bandera d'Alemaña Alemaña)
Mannheim (Bandera d'Alemaña Alemaña)
Berlín (Bandera d'Alemaña Alemaña)
Bandera de Francia Alexander Alekhine (3) Bandera d'Alemaña Efim Bogoljubov +8 -3 =15
1935 Amsterdam (Bandera de Países Baxos Países Baxos)
Delft (Bandera de Países Baxos Países Baxos)
Rotterdam (Bandera de Países Baxos Países Baxos)
Utrecht (Bandera de Países Baxos Países Baxos)
Gouda (Bandera de Países Baxos Países Baxos)
L'Haya (Bandera de Países Baxos Países Baxos)
Groningen (Bandera de Países Baxos Países Baxos)
Baarn (Bandera de Países Baxos Países Baxos)
Den Bosch (Bandera de Países Baxos Países Baxos)
Eindhoven (Bandera de Países Baxos Países Baxos)
Zeist (Bandera de Países Baxos Países Baxos)
Ermelo (Bandera de Países Baxos Países Baxos)
Zandvoort (Bandera de Países Baxos Países Baxos)
Bandera de Países Baxos Max Euwe Bandera de Francia Alexander Alekhine +9 -8 =13
1937 L'Haya (Bandera de Países Baxos Países Baxos)
Rotterdam (Bandera de Países Baxos Países Baxos)
Amsterdam (Bandera de Países Baxos Países Baxos)
Haarlem (Bandera de Países Baxos Países Baxos)
Leiden (Bandera de Países Baxos Países Baxos)
Groningen (Bandera de Países Baxos Países Baxos)
Delft (Bandera de Países Baxos Países Baxos)
Bandera de Francia Alexander Alekhine (4) Bandera de Países Baxos Max Euwe +10 -4 =11
Campeonatu del Mundu d'axedrez de la FIDE (1948–1993)
1948 L'Haya (Bandera de Países Baxos Países Baxos)
Moscú (Bandera de la Xunión Soviética Xunión Soviética)
Bandera de la Xunión Soviética Mikhail Botvinnik Bandera de la Xunión Soviética Vasily Smyslov 14 puntos de 20 Tornéu toos escontra toos con 5 xugadores
1951 Moscú (Bandera de la Xunión Soviética Xunión Soviética) Bandera de la Xunión Soviética Mikhail Botvinnik (2) Bandera de la Xunión Soviética David Bronstein +5 -5 =14 Meyor de 24 partíes (el campeón caltién el títulu en casu d'empate)
1954 Moscú (Bandera de la Xunión Soviética Xunión Soviética) Bandera de la Xunión Soviética Mikhail Botvinnik (3) Bandera de la Xunión Soviética Vasily Smyslov +7 -7 =10
1957 Moscú (Bandera de la Xunión Soviética Xunión Soviética) Bandera de la Xunión Soviética Vasily Smyslov Bandera de la Xunión Soviética Mikhail Botvinnik +6 -3 =13
1958 Moscú (Bandera de la Xunión Soviética Xunión Soviética) Bandera de la Xunión Soviética Mikhail Botvinnik (4) Bandera de la Xunión Soviética Vasily Smyslov +7 -5 =11
1960 Moscú (Bandera de la Xunión Soviética Xunión Soviética) Bandera de la Xunión Soviética Mikhail Tal Bandera de la Xunión Soviética Mikhail Botvinnik +6 -2 =13
1961 Moscú (Bandera de la Xunión Soviética Xunión Soviética) Bandera de la Xunión Soviética Mikhail Botvinnik (5) Bandera de la Xunión Soviética Mikhail Tal +10 -5 =6
1963 Moscú (Bandera de la Xunión Soviética Xunión Soviética) Bandera de la Xunión Soviética Tigran Petrosian Bandera de la Xunión Soviética Mikhail Botvinnik +5 -2 =15
1966 Moscú (Bandera de la Xunión Soviética Xunión Soviética) Bandera de la Xunión Soviética Tigran Petrosian (2) Bandera de la Xunión Soviética Boris Spassky +4 -3 =17
1969 Moscú (Bandera de la Xunión Soviética Xunión Soviética) Bandera de la Xunión Soviética Boris Spassky Bandera de la Xunión Soviética Tigran Petrosian +6 -4 =13
1972 Reykjavík (Bandera d'Islandia Islandia) Bandera de Estaos Xuníos d'América Bobby Fischer Bandera de la Xunión Soviética Boris Spassky +7 -3 =11
1975 Manila (Bandera de Filipines Filipines) Bandera de la Xunión Soviética Anatoly Karpov Bandera de Estaos Xuníos d'América Bobby Fischer Por ausencia Primeru n'algamar 10 victories.
1978 Baguio (Bandera de Filipines Filipines) Bandera de la Xunión Soviética Anatoly Karpov (2) 24px Viktor Korchnoi +6 -5 =21 Primeru n'algamar 6 victories.
1981 Merano (Bandera d'Italia Italia) Bandera de la Xunión Soviética Anatoly Karpov (3) Flag of Switzerland.svg Viktor Korchnoi +6 -2 =10
1984 Moscú (Bandera de la Xunión Soviética Xunión Soviética) Ensin ganador Bandera de la Xunión Soviética Anatoly Karpov
Bandera de la Xunión Soviética Garry Kasparov
+5 -3 =40 Primeru n'algamar 6 victories. Serie ensin terminar.
1985 Moscú (Bandera de la Xunión Soviética Xunión Soviética) Bandera de la Xunión Soviética Garry Kasparov Bandera de la Xunión Soviética Anatoly Karpov +5 -3 =16 Meyor de 24 partíes.
1986 Londres (Bandera del Reinu Xuníu Reinu Xuníu)
Leningráu (Bandera de la Xunión Soviética Xunión Soviética)
Bandera de la Xunión Soviética Garry Kasparov (2) Bandera de la Xunión Soviética Anatoly Karpov +5 -4 =15
1987 Sevilla (Bandera d'España España) Bandera de la Xunión Soviética Garry Kasparov (3) Bandera de la Xunión Soviética Anatoly Karpov +4 -4 =16
1990 Nueva York (Bandera de Estaos Xuníos d'América Estaos Xuníos)
Lyon Bandera de Francia Francia
Bandera de la Xunión Soviética Garry Kasparov (4) Bandera de la Xunión Soviética Anatoly Karpov +4 -3 =17
Campeonatu del Mundu d'axedrez clásicu (1993–2006)
El campeón mundial Garry Kasparov y l'aspirante Nigel Short dixebráronse de la FIDE, el muérganu oficial de gobiernu del axedrez mundial, y xugaron el so títulu mundial al amparu de la Asociación Profesional d'Axedrez (PCA).
1993 Londres (Bandera del Reinu Xuníu Reinu Xuníu) Bandera de Rusia Garry Kasparov (5) Bandera del Reinu Xuníu Nigel Short +6 -1 =13 Meyor de 24 partíes.
1995 Nueva York (Bandera de Estaos Xuníos d'América Estaos Xuníos) Bandera de Rusia Garry Kasparov (6) Bandera de India Viswanathan Anand +4 -1 =13 Meyor de 20 partíes.
2000 Londres (Bandera del Reinu Xuníu Reinu Xuníu) Bandera de Rusia Vladimir Kramnik Bandera de Rusia Garry Kasparov +2 -0 =13 Meyor de 16 partíes.
2004 Brissago (Flag of Switzerland.svg Suiza) Bandera de Rusia Vladimir Kramnik (2) Bandera d'Hungría Peter Leko +2 -2 =10 Meyor de 14 partíes.
Campeonatu del Mundu d'axedrez de la FIDE (1993–2006)
A Garry Kasparov retiróse-y el títulu de la FIDE dempués de qu'él y l'aspirante Nigel Short rompieran con ella en 1993. Anatoly Karpov, antiguu campeón, y aspirante nel Campeonatu del Mundu d'axedrez de 1990 algamó asina'l títulu otra vuelta. Entamando nel Campeonatu del Mundu d'axedrez de 1996 de la FIDE, camudáronse les regles y el campeón nunca nun se clasificó pa la final direutamente otra vegada.
1993 Zwolle (Bandera de Países Baxos Países Baxos)
Arnhem (Bandera de Países Baxos Países Baxos)
Amsterdam (Bandera de Países Baxos Países Baxos)
Jakarta (Bandera de Indonesia Indonesia)
Bandera de Rusia Anatoly Karpov (4) Bandera de Países Baxos Jan Timman +6 -2 =13 Meyor de 24 partíes.
1996 Elista (Bandera de Rusia Rusia) Bandera de Rusia Anatoly Karpov (5) Bandera de Estaos Xuníos d'América Gata Kamsky +6 -3 =9 Meyor de 20 partíes.
1998 Groningen (Bandera de Países Baxos Países Baxos)
Lausana (Flag of Switzerland.svg Suiza)
Bandera de Rusia Anatoly Karpov (6) Bandera de India Viswanathan Anand +2 -2 =2 (+2 -0 =0) Tornéu d'eliminación direuta. Final al meyor de 6 partíes (+ desempates).
1999 Las Vegas (Bandera de Estaos Xuníos d'América Estaos Xuníos) Bandera de Rusia Alexander Khalifman Bandera d'Armenia Vladimir Akopian +2 -1 =3
2000 Nueva Delhi (Bandera de India India)
Teḥrán Bandera de Irán Irán
Bandera de India Viswanathan Anand Bandera d'España Alexei Shirov +3 -0 =1
2002 Moscú (Bandera de Rusia) Bandera de Ucraína Ruslan Ponomariov Bandera de Ucraína Vassily Ivanchuk +2 -0 =5 Tornéu d'eliminatories direutes. Final al meyor de 8 partíes (+ desempate).
2004 Trípoli (Bandera de Libia Libia) Bandera d'Uzbequistán Rustam Kasimdzhanov Bandera del Reinu Xuníu Michael Adams +2 -2 =2 (+1 -0 =1) Tornéu d'eliminatories direutes. Final al meyor de 6 partíes (+ desempate).
2005 San Luis (Bandera d'Arxentina Argentina) Bandera de Bulgaria Veselin Topalov Bandera de India Viswanathan Anand
Bandera de Rusia Peter Svidler
10 puntos de 14 Toos escontra toos a doble vuelta, 8 xugadores.
Campeonatu del Mundu d'axedrez (2006–present)
2006 Elista (Bandera de Rusia Rusia) Bandera de Rusia Vladimir Kramnik (3) Bandera de Bulgaria Veselin Topalov +3 +3 =6 (+2 -1 =1) Meyor de 12 partíes (+ desempate).
2007 Ciudá de México (Bandera de Méxicu México) Bandera de India Viswanathan Anand (2) Bandera de Rusia Vladimir Kramnik
Bandera de Israel Boris Gelfand
9 puntos de 14 Toos escontra toos a doble vuelta, 8 xugadores.
2008 Bonn (Bandera d'Alemaña Alemaña) Bandera de India Viswanathan Anand (3) Bandera de Rusia Vladimir Kramnik +3 -1 =7 Meyor de 12 partíes (+ desempate)
2010 Sofía (Bandera de Bulgaria Bulgaria) Bandera de India Viswanathan Anand (4) Bandera de Bulgaria Veselin Topalov +3 -2 =7
2012 Moscú (Bandera de Rusia Rusia) Bandera de India Viswanathan Anand (5) Bandera de Israel Boris Gelfand +1 -1 =10 (+1 -1 =3)
2013 Chennai (Bandera de India India) Bandera de Noruega Magnus Carlsen Bandera de India Viswanathan Anand +3 -0 =7
2014 Sochi (Bandera de Rusia Rusia) Bandera de Noruega Magnus Carlsen (2) Bandera de India Viswanathan Anand +3 -1 =7
2016 Nueva York (Bandera de Estaos Xuníos d'América Estaos Xuníos) Bandera de Noruega Magnus Carlsen (3) Bandera de Rusia Sergey Karjakin +1 -1 =10 (+2 -0 =2)
2018 Londres (Bandera del Reinu Xuníu Reinu Xuníu) Bandera de Noruega Magnus Carlsen (4) Bandera de Estaos Xuníos d'América Fabiano Caruana +0 -0 =12 (+3 -0 =0)
2020 Meyor de 14 partíes (+ desempate).

Campeones del mundo por númberu títulos[editar | editar la fonte]

Na tabla darréu, cúntase como victoria una defensa con ésitu, anque la serie quedara empatada.

Campeón País Total Indiscutible FIDE Clásicu Años de campeón Años de campeón indiscutible
Emanuel Lasker Bandera de Imperiu alemán Imperiu alemán 6 6 27 27
Garry Kasparov Bandera de la Xunión Soviética Xunión Soviética
Bandera de Rusia Rusia
6 4 2 15 8
Anatoly Karpov Bandera de la Xunión Soviética Xunión Soviética
Bandera de Rusia Rusia
6 3 3 16 10
Mikhail Botvinnik Bandera de la Xunión Soviética Xunión Soviética 5 5 13 13
Viswanathan Anand Bandera de India India 5 4 1 8 6
Alexander Alekhine Bandera de Francia Francia 4 4 17 17
Wilhelm Steinitz Bandera de Imperiu austrohúngaru Imperiu austrohúngaru
Bandera de Estaos Xuníos d'América Estaos Xuníos
4 4 8 8
Magnus Carlsen Bandera de Noruega Noruega 4 4 6 6
Vladimir Kramnik Bandera de Rusia Rusia 3 1 2 7 1
Tigran Petrosian Bandera de la Xunión Soviética Xunión Soviética 2 2 6 6
José Raúl Capablanca Bandera de Cuba Cuba 1 1 6 6
Boris Spassky Bandera de la Xunión Soviética Xunión Soviética 1 1 3 3
Bobby Fischer Bandera de Estaos Xuníos d'América Estaos Xuníos 1 1 3 3
Max Euwe Bandera de Países Baxos Países Baxos 1 1 2 2
Vasily Smyslov Bandera de la Xunión Soviética Xunión Soviética 1 1 1 1
Mikhail Tal Bandera de la Xunión Soviética Xunión Soviética 1 1 1 1
Ruslan Ponomariov Bandera de Ucraína Ucraína 1 1 2 0
Alexander Khalifman Bandera de Rusia Rusia 1 1 1 0
Rustam Kasimdzhanov Bandera d'Uzbequistán Uzbequistán 1 1 1 0
Veselin Topalov Bandera de Bulgaria Bulgaria 1 1 1 0

Referencies[editar | editar la fonte]

  1. 1,0 1,1 Tsevan Rabtan (ochobre de 2011). «En busca de Mijaíl Botvínnik» (castellán). Consultáu'l 18 d'abril de 2020.
  2. 2,0 2,1 Taylor Kingston (15 de xunetu de 2002). «Yuri Averbakh: an interview with history. Part 2» (inglés). Archiváu dende l'orixinal, el 30 de marzu de 2004. Consultáu'l 9 d'abril de 2020.
  3. «PETROSIAN WINS CURACAO TOURNEY; Soviet Chess Master Will Play World Champion» (inglés) (27 de xunu de 1962). Consultáu'l 18 d'abril de 2020.
  4. 4,0 4,1 Héctor B. Kuperman (15 d'agostu de 1984). «Petrosian, campeón mundial, fallece en Moscú a los 55 años» (castellán). Consultáu'l 10 d'abril de 2020.
  5. «Did the Soviets Collude?: A Statistical Analysis of Championship Chess 1940-64» (inglés) (1 de mayu de 2006). Consultáu'l 9 d'abril de 2020.
  6. «A confusão de Bobby Fischer no Interzonal de 1967» (portugués). Consultáu'l 10 d'abril de 2020.
  7. Federico Martín Bellón (26 d'agostu de 2019). «Muere Pal Benko, un genio del ajedrez que tuvo una vida de película» (castellán). Consultáu'l 10 d'abril de 2020.
  8. Teresa Amiguet (9 de xunetu de 2017). «Fischer-Spassky, el mate del siglo» (castellán). Consultáu'l 11 d'abril de 2020.
  9. Guillermo dos Santos Coelho (3 d'abril de 2015). «Cuando el genio loco no quiso jugar y perdió todo» (castellán). Consultáu'l 11 d'abril de 2020.
  10. «Fischer, Spassky to play chess in Belgrade» (inglés) (25 de xunetu de 1992). Consultáu'l 11 d'abril de 2020.
  11. Leontxo García (8 de setiembre de 1997). «No hay pacto Kaspárov-Kárpov» (castellán). Consultáu'l 8 d'abril de 2020.
  12. Leonard Barden (30 de setiembre de 2006). «Kramnik's carry on over his own convenience» (inglés). Consultáu'l 3 d'abril de 2020.
  13. Jeremy Silman. «Topalov-Kramnik 2006 World Chess Championship» (inglés). Archiváu dende l'orixinal, el 11 d'ochobre de 2007. Consultáu'l 4 d'abril de 2020.
  14. Pavel Matocha (10 de xunetu de 2008). «Vladimir Kramnik: My task is to play the very best chess in Bonn and to win the match.» (inglés). Archiváu dende l'orixinal, el 14 de xunetu de 2008. Consultáu'l 4 d'abril de 2020.
  15. «Veselin Topalov and the new FIDE world championship cycle» (inglés) (24 de xunu de 2007). Archiváu dende l'orixinal, el 26 de xunu de 2007. Consultáu'l 4 d'abril de 2020.
  16. «FIDE World Chess Championship Match - Anand Retains the Title!» (inglés) (20 d'abril de 2010). Archiváu dende l'orixinal, el 4 d'avientu de 2010. Consultáu'l 4 d'abril de 2020.
  17. «Magnus Carlsen wins FIDE Candidates' Tournament» (inglés) (1 d'abril de 2013). Archiváu dende l'orixinal, el 7 de mayu de 2013. Consultáu'l 4 d'abril de 2020.
  18. «Sochi G11: In dramatic finale, Carlsen retains title» (inglés) (23 de payares de 2014). Archiváu dende l'orixinal, el 30 de payares de 2014. Consultáu'l 4 d'abril de 2020.
  19. «The WCCh comes to NYC» (inglés). Archiváu dende l'orixinal, el 25 d'agostu de 2016.
  20. Victor Mather (28 de payares de 2018). «Magnus Carlsen beats Fabiano Caruana to win the World Chess Championship» (inglés). Archiváu dende l'orixinal, el 28 de payares de 2018. Consultáu'l 3 d'abril de 2020.

Enllaces esternos[editar | editar la fonte]