Cameron Mitchell (actor)

De Wikipedia
Saltar a navegación Saltar a la gueta
Cameron Mitchell (actor)
Cameron Mitchell (actor)
Cameron Mitchell studio portrait c. 1940s.jpg
Vida
Nacimientu Dallastown Traducir4  de payares de 1918
Nacionalidá Bandera de Estaos Xuníos d'América Estaos Xuníos
Fallecimientu

Pacific Palisades7  de xunetu de 1994

(75 años)
Sepultura Desert Memorial Park Traducir
Causa de la muerte Cáncer de pulmón
Oficiu
Oficiu actor, actor de teatru, actor de televisión y actor de cine
Premios
Xéneru artísticu wéstern Traducir
IMDb nm0593192
Cambiar los datos en Wikidata

Cameron Mitchell (Dallastown, 4 de payares de 1918 - Pacific Palisades, 6 de xunetu de 1994) foi un actor estauxunidense de películes, televisión y teatru en Broadway.

Biografía[editar | editar la fonte]

Fotografia de Cameron Mitchell como "Buck Cannon" y l'actriz convidada Patricia Barry nel programa de televisión El gran chaparral, xunetu de 1968.

Foi fíu de Charles y Kathryn Mitzell. Ente la Primera y la Segunda Guerra Mundial, mientres los sos años como mozu actor na Compañía Nacional de Teatru Alfred Lunt y la Compañía de Teatru Lynn Fontanne, Fontanne afirmó que l'apellíu Mitzel sonába-y un pocu demasiáu a los hunos» y aportunó en que lo camudara por Mitchell, más estauxunidense. La so carrera empezó con roles menores en películes del añu 1945, anque llueu saltó a la fama como estrella nueva al pie de actores como Wallace Beery en The Mighty McGurk, Doris Day y James Cagney en Love Me or Leave Me, Lana Turner y Spencer Tracy en Cass Timberlane, Clark Gable y Jane Russell en The Tall Men, y Marlon Brando y Jean Simmons en Desiree.

En teatru destacó la so participación nel estrenu en Broadway de la obra de Arthur Miller Muerte d'un viaxante en 1949.

Dalgunes de les sos películes más conocíes fueron l'adaptación de Muerte d'un viaxante (1951, qu'anició'l papel de "Happy" en Broadway), Los miserables (1952), la comedia Cómo casase con un millonariu (1953), con Marilyn Monroe, y la versión cinematográfica de Carousel (1956).

Mientres los años sesenta, Mitchell actuó en numberoses películes italianes de terror fantasía y suspensu, delles de les cualos fueron dirixíes por Mario Bava: Erik el Conquistador (1961), Sangre y encaxe negru (1964), y Los cuchiellos del vengador (1966). En 1985 representó al xeneral derechiegu Edwin A. Walker en Prince Jack.

Foi na televisión onde Mitchell tuvo'l mayor efeutu mientres la última parte de la so carrera, y ye más recordáu pol so papel como'l tíu Buck na serie de El gran chaparral. Tamién fixo una apaición nun episodiu de Bonanza y en Swat. Foi artista convidáu na serie Swiss Family Robinson y nel episodiu "Landslide" de la serie Movin' on (1975). Apaeció nun capítulu (Ain't we got fun), de la serie "Los Intocables". Na seronda de 1976 apaeció na serie de curtia vida Spencer’s Pilots, de Gene Evans, en CBS. Fixo la voz de Jesús de Nazaret en La túnica.

El so nome y apellíu fueron utilizaos nos nomes de la pareya gai formada por Cameron Tucker (representáu por Eric Stonestreet) y Mitchell Pritchett (representáu por Jesse Tyler Ferguson) na comedia Modern family.