Camín Real de la Mesa

Camín Real de la Mesa
Situación
Tipu	sendero de Gran Recorrido de España (es)
Datos

Xubida dende'l pueblu lleonés de Torrestío escontra'l puertu de La Mesa, n'Asturies.

El Camín Real del Puertu de la Mesa, n'asturianu Camín Real de la Mesa, ye un camín basáu na antigua calzada romana que xunía Asturies con Lleón. Créese qu'esta calzada foi edificada sobre otra sienda más antigua qu'esistía dende tiempos primixenios y que yera utilizada polos pobladores de la zona. Los romanos incluyeron la calzada dientro del tramu denomináu ruta de la plata. En sieglos posteriores pasó a formar parte de la ruta de los pelegrinos escontra Santiago.

El xefe bereber Munuza, en siendo ganáu na Batalla de Cuadonga(añu 718 o 722) por Don Pelayo, intentó salir d'Asturies al Pandu por esti puertu.

Darréu nel añu 794, Abd al-Karim ibn Abd al-Walid ibn Mugaith afaró les tierres d'Álava ente qu'Abd al-Málik ibn Abd al-Walid ibn Mugaith dirixióse al corazón del reinu, y ensin atopar resistencia, saquió la mesma corte d'Uviéu, destruyendo tamién les ilesies construyíes por Fruela. Nel camín de regresu a tierres andalusíes al traviés del Camín Real del Puertu de la Mesa, el rei Alfonso II y los sos homes tendiéron-y una emboscada nun llugar serrapatosu de llamuerga que la so situación propone que podría ser Los Llodos, nel conceyu asturianu de Grau. De resultes del ataque, la mayor parte de los musulmanes y Abd al-Málik ibn ya Abd al-Walid ibn Mugaith resultaron muertos.

Itinerariu

La calzada enfusase n'Asturies proveniente de l'antigua Asturica Augusta, güei Astorga, pol conceyu de Miranda y Somiedo. La sienda percuerre los conceyos de Miranda, per Dolia, Candamo, Grau, Les Regueres, Proaza, Quirós, Santo Adriano, Somiedo, Teberga y Tameza. Nestos conceyos percuerre los espacios protexíos del Parque Natural de Somiedo, el Parque Natural de Les Ubiñas-La Mesa, y el Paisaxe Protexíu del Picu Caldoveiro.

Enllaces esternos

• Páxina oficial del Camín Real de la Mesa.
• Ruta del Camín.
• Mapa en relieve del percorríu del Camín Real de la Mesa.
• Semeyes del Camín Real de la Mesa.

Referencies

• Datos: Q514603