Caldereta asturiana

De Wikipedia
Saltar a navegación Saltar a la gueta

La caldereta asturiana o caldereta de pexe y mariscu ye un platu típicu de la gastronomía asturiana. Nun tien una fórmula fixa pa la so preparación yá que los sos ingredientes y ellaboración pueden variar d'una zona a otra de la mariña asturiana.

Los ingredientes típicos[editar | editar la fonte]

La caldereta asturiana, nes sos múltiples maneres de ser preparada, componse invariablemente de pexes de roca (de normal pexe azul) y otros pexes de carne duro, como podríen ser el tiñosu, el salmonete, el pixín, etc. Tocantes a los mariscos, los más típicos son los langostinos, les gambes o les cigales, anque tamién pueden emplegase centollos, mexillones, llámpares o inclusive calamar.

Ye común la adición d'hortolices como los pimientos, tomates y cebollas, lo mesmo que de llimón, vinu o cava. Completen la llista de los ingredientes el aceite, el perexil, la sal y el ayu.

Preparación y serviciu[editar | editar la fonte]

Preparen los pexes y mariscos y déxense enteros y pelaos. Per otru llau tuéstase n'aceite l'ayu, la cebolla y el perexil picaos bien finos, amestando una cuyarada de fariña (que va faer entestar el caldu) y remuévese ensin que se dore. Añedir el vinu o'l cava, dase un hervor, se sazona y acútase.

Finalmente, arrámase una capa d'esti mueyu nuna cazuela, depués una capa de pexes y mariscos, otra de mueyu y asina alternativamente hasta tener tou na cazuela. Métese tou al fornu unos 40 minutos. Sácase, añedir el zusmiu de llimón y sírvese darréu.

Enllaces esternos[editar | editar la fonte]


Caldereta asturiana