Cadavéu (parroquia)

Cadavéu
Alministración
País	España
Autonomía	Principáu d'Asturies
Provincia	provincia d'Asturies
Conceyu	Valdés
Partíu xudicial	Valdés
Tipu d'entidá	parroquia d'Asturies
Xeografía
Coordenaes	43°32′49″N 6°23′12″W / 43.54689°N 6.38675°O
	Cadavéu Cadavéu (Asturies)
Superficie	9.92 km²
Altitú	89 m
Llenda con	Caneiru, Trevías y Arcayana
Demografía
Población	433 hab. (2024)
Porcentaxe	4.02% de Valdés
Densidá	43,65 hab/km²
Más información
Estaya horaria	UTC+01:00

Cadavéu^[2] ye una parroquia del conceyu asturianu de Valdés.

La parroquia, con una estensión de 9,92 km²^[3], ta allugada sobre la rasa costera, ente'l cabu Vidíu y el Cabu Bustio. Tien una población de 433 habitantes (2024)^[4].

El llugar de Cadavéu atópase a una altitú de 90 m y dista 18,20 km de Ḷḷuarca, la capital del conceyu.

Arriendes d'esti llugar, la parroquia entiende les aldegues de Ribón y Viḷḷamouros.

Cadavéu ganó'l concursu "Pueblu más guapu d'Asturies" nel añu 1954 y recibió'l premiu al Pueblu Exemplar d'Asturies en 2022.^[5]

Cadavéu ye'l llugar de nacimientu del escritor Fernán Coronas, conocíu como'l Padre Galo.

Historia

Los primeros datos que se conocen son referentes a que foi una vieya propiedá de la reina Doña Urraca y el so nome remanez de "cádabu" ("árgoma", "toxu") ya que'l so tarrén dase al desendolcu d'esta mena de parrotal.

Na Edá Media foi puertu balleneru y hasta hai pocos años los sos habitantes dedicábense a na so mayor parte a l'agricultura y la ganadería.

A finales del sieglu XIX y entamos del XX, la zona foi destín importante d'emigración a América del Sur, calteniéndose bonos exemplos d'arquitectura indiana, y mansiones perfectamente conservaes anguaño.

Cultura

Nel pueblu caltiénense anguaño unos 95 horros o paneres.

La Fiesta de La Regalina declarada d'interés turísticu rexonal, y que se celebra l'últimu domingu d'agostu, solliñando los bailles típicos, el desfile de les carroces dende'l barriu de Rapa acompañaes de cientos de persones vistíes col paxellu, coros y dances, pregón y el ramu d'Alfiladas.

Xeografía

Cadavéu ye, anguaño, un nucleu rural dispersu, formáu por 290 edificaciones de les que, 107 son anteriores al añu 1900, 42 foron construyíes nel periodu 1900-1950 y les 151 restantes, dende esta fecha hasta anguaño.

Llocalidaes

Nᵘ	Nome	Población	% población Cadavéu (parroquia)
1	Cadavéu	305	70,4470,44%
2	Ribón	16	3,73,7%
3	Viḷḷamouros	112	25,8725,87%

Sitios

Cadavéu

El Barreiru
Friera
L'Amargura
La Raposera
La Sienra
Las Corradas
Ḷḷodeiru
Ḷḷombieḷḷu
Los Campos
Miares
Rapa

Ribón

El Chanu

Viḷḷamouros

El Norte
La Granda
La Torre
La Viḷḷa Baxu
La Viḷḷa Riba

Sableres

Sablera de Cadavéu

Economía

La dependencia mayoritaria, n'otros tiempos, yeren los sectores agrícola-ganaderu y pesqueru, anguaño, los sectores de más importancia son: servicios (hai de solliñar la hostelería), madereru, agrícola-ganaderu, pesqueru y turísticu.

Transportes

Ferrocarril

Pela parroquia pasa la llinia Ferrol-Xixón que cuenta con una estación na que faen parada los servicios de la llinia R-1f (Rexonales AM).

Autobús

Pela parroquia de Cadavéu pasa la llinia Xixón/Uviéu - Ribadeo d'ALSA.

Deportes

Na parroquia esisten los siguientes clubes y asociaciones deportives:

Grupu Ciclista "La Fusión"
Grupu de Montaña "Pico Palancas"
Escuela de Surf "Sundance Old Rider"
Cadavéu FS

Referencies

↑ Afirmao en: Q107986385. Editorial: Institutu Xeográficu Nacional d'España.
↑ «Espediente colos topónimos oficiales de Valdés». BOPA.
↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
↑ Nomenclátor del INE: Población del padrón continuo por unidad poblacional. (Institutu Nacional d'Estadística).
↑ «Cadavéu, Premio al Pueblo Ejemplar de Asturias» (castellanu). Archiváu dende l'orixinal, el 2022-09-05. Consultáu'l 5 de setiembre de 2022.

Enllaces esternos

Cadavéu n'OpenWeatherMap

	Parroquies de Valdés
Alienes \| Arcayana \| Ayones \| Barcia \| Cadavéu \| Caneiru \| Carcéu \| Castañéu \| Ḷḷuarca \| La Montaña \| Muñás \| Outur \| Paredes \| Santiagu \| Trevías

Predecesor:
Santa María del Puertu

Premiu al Pueblu Exemplar d'Asturies

2022

Socesor:
Arroes, Pion y Candanal

[295a86791112e9f6fb69c894402525c5375513b3-1] Afirmao en: Q107986385. Editorial: Institutu Xeográficu Nacional d'España.

[toponimia-valdes-2] «Espediente colos topónimos oficiales de Valdés». BOPA.

[3] Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.

[4] Nomenclátor del INE: Población del padrón continuo por unidad poblacional. (Institutu Nacional d'Estadística).

[5] «Cadavéu, Premio al Pueblo Ejemplar de Asturias» (castellanu). Archiváu dende l'orixinal, el 2022-09-05. Consultáu'l 5 de setiembre de 2022.

[1]

[2]

[3]

[4]

[5]