CL Draconis

De Wikipedia
Saltar a navegación Saltar a la gueta
CL Draconis
Constelación Draco
Ascensión reuta α 15h 57min 47,44s
Declinación δ +54º 44’ 59,1’’
Distancia 110 años lluz
Magnitú visual +4,97
Magnitú absoluta +2,31
Lluminosidá 11 soles
Temperatura 7235 K
Radiu ?
Tipu espectral F0IV
Velocidá radial –11 km/s

CL Draconis (CL Dra / HD 143466 / HR 5960)[1] ye una estrella variable de magnitú aparente +4,97. Ta asitiada na constelación de Draco cerca de la llende con Boötes. Tuvo encuadrada en Quadrans Muralis, constelación güei sumida que representaba un cuadrante, siendo la estrella más brillosa de la mesma. Alcuéntrase a 110 años lluz de distancia del Sistema Solar.

CL Draconis ye una subxigante blanca de tipu espectral F0IV.[1] D'asemeyaes carauterístiques a les de Wasat (δ Geminorum) o μ Ceti, tien una temperatura efectivo d'aprosimao 7235 K,[2] rellumando con una lluminosidá 11 vegaes mayor que la lluminosidá solar. El so conteníu metálico —entendiendo por metales aquellos elementos más pesaos qu'el heliu— ye comparable al del Sol, sacante para titaniu, cromu y bariu, más abondosos que na nuesa estrella.[3] Xira sobre sigo mesma a gran velocidá —igual o superior a 141 km/s—, correspondiendo un periodu de rotación máximu de 18,48 hores.[2]

CL Draconis ye una variable Delta Scuti, siendo debíos los cambeos de lluminosidá a pulsaciones radiales y non-radiales de la so superficie. Como ye característicu d'estes variables, la fluctuación de rellumu de CL Draconis ye pequeña, de namái 0,02 magnitúes.[4] Esisten dos periodos conocíos de 1,629 y 1,183 hores.[3] La so variabilidá afayóse por M. Breger en 1969.[5]

Referencies[editar | editar la fonte]

Coordenaes: Sky map 15h 57m 47.442s, 54° 44 59.143