Saltar al conteníu

Círculu Sáficu de Madrid

De Wikipedia
Círculu Sáficu de Madrid
lesbian organization (en) Traducir
Llocalización
Sede Madrid
Direición España
Pertenez a LGBTQ history in Spain (en) Traducir
Cambiar los datos en Wikidata

El Círculu Sáficu de Madrid foi una rede de muyeres lesbianes intelectuales y de clase alta. Foi creada por Victorina Durán. El círculu xugó un papel social y cultural relevante para los sos miembros nel contestu d'invisibilidá y refugu social de Madrid nos años 1920.[1][2][3]

Historia

[editar | editar la fonte]

La fundación del grupu pudo tar inspirada n'otros similares que yá esistíen en París y Londres, y provieno de los círculos feministes de la ciudá, específicamente la Residencia de Señorites y el Lyceum Club Femenino.[4] Anque en 1870 la pallabra "lesbiana" yá taba presente nel idioma castellanu y usábase de forma intercambiable con "sáfica", nun yera una pallabra que les lesbianes de la dómina pudieren usar de forma segura en Madrid para describise a elles mesmes.[5]

La naturaleza clandestina de les xuntes y del grupu dexaben a los sos miembros poder esfrutar d'un espaciu seguru onde axuntase y tener terulies, y poder esplorar los sos sentimientos y enclinos. Nun teníen un allugamientu fixu pa nun facilitar ser atopaes, pero a partir de 1935 empezaron a axuntase en casa de Gabriela Mistral.[6] El Círculu Sáficu llegó al so fin col empiezu de la Guerra Civil Española en 1936, anque'l grupu siguió funcionando nel exiliu a lo menos hasta 1945, con Victorina Durán, Elena Fortún y Rosa Chacel (simpatizante)[7] ente aquelles que participaben en xuntes los sábados en Buenos Aires, y con Matilde Ras en contactu coles otres muyeres dende Lisboa.[8][9] Rosa Chacel escribió una novela onde en parte y bien sutilmente méntase esti círculu, Acrópolis (1984). Más apocayá editáronse obres de miembros nes que se fai referencia al grupu, como Sucedió y Así es (2018), de Victorina Durán; y Oculto sendero (2016) y El pensionado de Santa Casilda (2022) d'Elena Fortún.[10] Otres muyeres pertenecientes a esti círculu fueron Victoria Kent, Matilde Calvo Rodero ya Irene Polo.[11][12][13]

En 2024 publicóse la monografía de la filóloga Paula Villanueva El Círculo Sáfico. Lesbianismo y bisexualidad en el Madrid de principios del siglo XX, la primera sobro'l círculu.[3]

Vease tamién

[editar | editar la fonte]

Referencies

[editar | editar la fonte]
  1. ↑ «Indicios y espacios literarios para la reconstrucción del círculo sáfico madrileño en las obras de Elena Fortún, Rosa Chacel y Victorina Durán». Feminismo/s. doi:10.14198/fem.2021.37.09. https://doi.org/10.14198/fem.2021.37.09.
  2. ↑ «Lesbianas organizadas» (castellanu). Consultáu'l 2021-03-15.
  3. 1 2 De La Cruz, Luis (2024-08-18). «Reconstruyendo el rastro invisible de las mujeres lesbianas y bisexuales de los años treinta en Madrid» (castellanu). Somos Madrid - elDiario.es. Consultáu'l 2024-08-19.
  4. ↑ centredocumentacio (2020-08-03). «Matilde Ras i el Círculo Sáfico del Lyceum Club Femenino» (castellanu). Centredoc_caladona. Consultáu'l 2021-03-15.
  5. ↑ Fernández, June (2007-12-05) (en castellanu). "Tener referentes serios de lesbianas elimina estereotipos". ISSN 1134-6582. https://elpais.com/diario/2007/12/06/paisvasco/1196973608_850215.html. Consultáu'l 2021-03-15.
  6. ↑ González Naranjo, Rocío. VICTORINA DURÁN: POR UNA INSERCIÓN EN EL «MOVIMIENTO DE DRAMATURGAS REPUBLICANAS».
  7. ↑ Beatriz Cruz Espada (2021). «[https://idus.us.es/bitstream/handle/11441/131398/TFM_115_CRUZ%20ESPADA%2C%20BEATRIZ_JUN_20-21-.pdf?sequence=1&isAllowed=y LA LITERATURA FEMENINA DE LIBERACIÓN DESDE LA GENERACIÓN DEL 98 HASTA LA DEL 27. PARADIGMAS, TEMAS Y EVOLUCIÓN GENERAL]». Universidad de Sevilla. https://idus.us.es/bitstream/handle/11441/131398/TFM_115_CRUZ%20ESPADA%2C%20BEATRIZ_JUN_20-21-.pdf?sequence=1&isAllowed=y. Consultáu'l 8-11-2023.
  8. ↑ Beatriz Cruz Espada. LA LITERATURA FEMENINA DE LIBERACIÓN DESDE LA GENERACIÓN DEL 98 HASTA LA DEL 27. PARADIGMAS, TEMAS Y EVOLUCIÓN GENERAL.
  9. ↑ «Las mujeres intelectuales exiliadas, doblemente olvidadas».
  10. ↑ «Indicios y espacios literarios para la reconstrucción del círculo sáfico madrileño en las obras de Elena Fortún, Rosa Chacel y Victorina Durán». Feminismos, núm. 37 (xineru de 2021). Consultáu'l 6 d'abril de 2021.
  11. ↑ «Indicios y espacios literarios para la reconstrucción del círculo sáfico madrileño en las obras de Elena Fortún, Rosa Chacel y Victorina Durán». Feminismo/s. doi:10.14198/fem.2021.37.09. https://doi.org/10.14198/fem.2021.37.09.
  12. ↑ «Victoria Kent y Louise Crane, una historia de amor lésbica y revolucionaria en dictadura» (castellanu). MíraLES. Consultáu'l 2023-11-08.
  13. ↑ «Pionera, transgressora i oblidada: Irene Polo» (castellanu). Poémame - Revista abierta de poesía (2022-03-10). Consultáu'l 2023-11-08.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Círculu_Sáficu_de_Madrid&oldid=4380150»