Brigaes d'Ezzeldin Al-Qassam

De Wikipedia
Saltar a navegación Saltar a la gueta
Flag of Hamas.svg
[editar datos en Wikidata]

Les Brigaes de Ezzeldin Al-Qassam (n'árabe: كتائب الشهيد عز الدين القسام, Katāʾib al-shahīd ʿIzz al-Dīn al-Qassām) son el brazu armáu de la organización islamista palestina Hamás. Les Brigaes fueron creaes en 1992 so la direición de Yahya Ayyash coles mires de crear una estructura militar qu'ayudara a llograr los oxetivos de la organización islamista, y evitar la consecución de los Alcuerdos de Oslo. Hasta 2004 llevaron a cabu numberosos atentaos suicides en territoriu israelín, causando centenares de muertos, la mayoría d'ellos civiles. Darréu modificaron la so estratexa d'ataques, abandonando los atentaos suicides pol llanzamientu de cohetes Qassam y de pieces de morteru dende la Franxa de Gaza contra'l sur d'Israel, que causaron hasta'l momentu decenes de muertos y daños de distinta considerancia en ciudaes israelines como Ascalón, Netivot y Asdod. Tamién siguieron los sos ataques contra les Fuercies de Defensa d'Israel, prindando a unu de los sos miembros en 2006. Tres l'entamu de la ofensiva israelín sobre Gaza de 2008-2009, les Brigaes empezaron a utilizar cohetes Grad y Katyusha, de mayor algame y poder destructivu que los Qassam.

Dende l'entamu de la Segunda Intifada, les Brigaes de Ezzeldin Al-Qassam convirtiéronse n'unu de los principales oxetivos d'Israel, qu'esanició a mamplén de los sos miembros por aciu asesinatos selectivos y otres operaciones en territoriu palestín, incluyendo a dellos de los sos líderes.[1] Les Brigaes de Ezzeldin Al-Qassam fueron catalogaes como terroristes pola Xunión Europea,[2] Estaos Xuníos,[3] Australia[4] y el Reinu Xuníu.[5]

El 31 de xineru de 2015 Tribunal de Cuestiones Urxentes d'El Cairo declarar illegal por ser una organización terrorista.[6]

Ver tamién[editar | editar la fonte]

Referencies[editar | editar la fonte]


Brigadas de Ezzeldin Al-Qassam