Bree Turner

De Wikipedia
Saltar a: navegación, buscar
Bree Turner
Bree Turner
Bree Turner 2009.jpg
Vida
Nacimientu

Palo Alto10 de marzu de 1977

(40 años)
Nacionalidá Bandera de Estaos Xuníos d'América Estaos Xuníos d'América
Estudios
Estudios King's College de Londres
Oficiu
Oficiu actor, bailarín, actor de cine y actor de televisión
IMDb nm0877430
www.breeturner.com
Cambiar los datos en Wikidata

Bree Turner (n. en Palu Altu, California, Estaos Xuníos el 10 de marzu de 1977) ye una actriz de cine y televisión.

Vida personal[editar | editar la fonte]

Turner nació en Palu Altu, California. El so padre ye'l exjugador de fútbol americano Kevin Turner, que xugó nos equipos New York Giants, Washington Redskins, Seattle Seahawks y Cleveland Browns. En 1995, Bree graduóse na secundaria nel Monte Vista High School de Danville, California. Darréu incorporóse al King's College de Londres y a la Universidá de California en Los Ánxeles. Bree, patinadora sobre ruedes competitiva y baillarina profesional, ye fanática de los videoxuegos. Declaró: «de neña tenía una Nintendo. Gustábame'l Mario Bros. y el Track and Field. Yera bien bona. Non quiero faer la grande, pero tolos díes llegaba a casa y lo "estrozaba". Tengo tres hermanos menores, asina que siempres aprendía más aficiones de neños. Yera baillarina, asina que nel mio tiempu llibre siempres quería xugar a videoxuegos y pasar el ratu colos mozos. Dempués, cuando fui a la universidá, tuvi una PlayStation pero fai enforma que toco joystick. Preciso volver a eso. Metíme un tiempu nel Dancie Dancie Revolution». En 2008, Bree casóse col ciruxanu ortopédicu Justin Saliman nel hotel Casa del Mar de Santo Mónica, California.[1] Turner y Saliman tienen una fía, Stella Jean, nacida'l 29 de xunu de 2010,[2] y un fíu, Dean, nacíu'l 12 de setiembre de 2012.[3]

Carrera[editar | editar la fonte]

Turner consiguió'l so primer papel con diálogu na película Deuce Bigalow: Male Gigolo. El mesmu añu apaez na serie de MTV Undressed. Amás protagonizó dellos comerciales. Turner participó como baillarina extra en películes como El gran Lebowski (1998), She's All That (1999) y Austin Powers: The Spy Who Shagged Me. Dende entós apaeció en películes como The Wedding Planner (2001), Joe Dirt (2001), American Pie 2 (2001), Sorority Boys (2002), Bring It On: Again (2004) y Jekyll + Hyde (2006). Amás formó parte de la repartu de la película Firehouse Dog. En 2000 participó en dos películes independientes: el musical y drama románticu True Vinyl y el drama Backyard Dogs. Al añu siguiente compartió pantalla con Jennifer López y Matthew McConaughey na comedia romántica The Wedding Planner, con David Spader en Joe Dirt, y con Jason Biggs y Eugene Levy en American Pie (1999). Mentanto, Turner interpretaba papeles recurrentes nes comedies Moesha y Spin City y nel drama Cold Case. Amás fixo una publicidá pa Hyundai. Amás, actuó en teatru, interpretando a Ivy en The Pages of My Diary I'd Rather Not Read en Los Ánxeles en xineru de 2003. Dempués de figurar na comedia Sorority Boys, protagonizó Bring It On: Again. De vuelta en televisión, interpretó a Marjorie na serie pocu esitosa Good Girls Don't. N'ochobre del añu siguiente, formó parte del elencu del drama Sex, Love & Secrets. Esi mesmu mes actuó nel episodiu piloto de Masters of Horror, tituláu Incident On and Off a Mountain Road. En 2006 apaeció nel drama Love Monkey, na película pa televisión Flirt y nun comercial de Budweiser. De vuelta na pantalla grande, foi incluyida na repartu de The TV Set y en Jekyll + Hyde, que ta basada na novela L'estrañu casu del doctor Jekyll y el señor Hyde de Robert Louis Stevenson. Tamién tuvo un papel de repartu na comedia romántica Just My Luck. En 2007 Turner apaeció nun episodiu de la serie Traveler y n'unu de la serie El Negociadores. Tamién apaeció na película familiar Firehouse Dog. Más tarde apaeció na comedia The Ugly Truth, xuntu a Katherine Heigl y Gerard Butler, que foi estrenada'l 24 de xunetu de 2009. En 2012 interpretó a Rosalee Calvert, un personaxe recurrente na serie Grimm. Más tarde, n'abril, anuncióse qu'el so personaxe sería habitual.[4]

Filmografía[editar | editar la fonte]

Películes
Añu Filme Papel Notes
1996 Dunston Checks In Moza francesa
1997 My Best Friend's Wedding Baillarina
1998 El gran Lebowski Baillarina
1999 Deuce Bigalow: Male Gigolo Allison
2000 Backyard Dogs Kristy James
2001 The Wedding Planner Tracy
2002 Sorority Boys Tifanny
2004 Bring It On: Again Tina
2006 Just My Luck Dana
2009 The Ugly Truth Joy
Televisión
Añu Títulu Papel Notes
1999 MTV's Undressed Temporada 1 ----
2005 Masters of Horror Ellen Episodiu: "Incident On and Off a Mountain Road"
2005 Les Vegues Moza de la llimpieza Episodiu: "Espelma streapers y homicidiu"
2008 Ghost Whisperer Elizabeth Episodiu: "Ball and Chain"
2010 A Girl's Life Tiny Mosquitu (voz)
2012-presente Grimm Rosalee Calvert
2012-presente Wedding Band Sara

Referencies[editar | editar la fonte]

  1. «Celebrity - InStyle». InStyle Weddings. Consultáu'l 30 de payares de 2012.
  2. «Bree Turner Welcomes Daughter Stella Jean» (inglés). Celebritybabies.people.com. Consultáu'l 30 de payares de 2012.
  3. «Bree Turner Welcomes Son Dean» (inglés). Celebritybabies.people.com. Consultáu'l 30 de payares de 2012.
  4. Roots. «Grimm Promotes Bree Turner to Series Regular - Season 2» (inglés). TVLine. Consultáu'l 30 de payares de 2012.