Saltar al conteníu

Branko Pintarič

De Wikipedia
Branko Pintarič
Vida
Nacimientu Murska Sobota, 30 de marzu de 1967 (59 años)
Nacionalidá Bandera d'Eslovenia Eslovenia (1991–)
República Federativa Socialista de Yugoslavia (–1991)
Llingua materna idioma prekmuru
Estudios
Llingües falaes eslovenu[1]
alemán
serbocroata
Oficiu
Oficiu actor, poeta, escritor, dramaturgu
Cambiar los datos en Wikidata

Branko Pintarič (30 de marzu de 1967, Murska Sobota), ye un escritor y poeta n'idioma prekmuru y eslovenu, ceador de teatru, dramaturgu y actor aficionáu.

Biografía

[editar | editar la fonte]

Pasó la so infancia na rexón montesa (Goričko) de Transmurania. La so familia vivió en Bosnia y Serbia mientres mucho tiempu.

Comenzó a escribir poemes na escuela primaria. Terminó la escuela secundaria en Murska Sobota. Estudió na Facultá d'Artes en Llubliana. En 2007, publicó un llibru infantil billingüe prekmuru-eslovenu tituláu Kak so šli v lejs trejbit/Kako so šli drvarit ("Cómo fueron a recoyer lleña"). Entamó un grupu de teatru amateur pa eslovenos n'Hungría, que representaba obres de teatru en prekmuru. En 2012, publicó la coleición de poemes en prekmuru y eslovenu Kmični smej/Temni smeh ("Risa Escura"). En 2018, foi l'editor de la traducción prekmura d'El Principín tituláu Mali kralič. En 2019, publicó'l so segundu poemariu, Kuča moje matere ("La casa de la mio madre"), en prekmuru. En 2022, foi coautor del nuevu llibru d'oraciones católicu prekmuru, Jezuš, tovariš moj ("Xesús, el mio compañeru").

Referencies

[editar | editar la fonte]
  1. ↑ Afirmao en: catálogu de la Biblioteca Nacional Checa. Identificador NKCR AUT: js2013794635. Data de consulta: 1r marzu 2022.

Enllaces esternos

[editar | editar la fonte]