Brad Renfro
Brad Renfro | |
|---|---|
 | |
| Vida | |
| Nacimientu | Knoxville, 25 de xunetu de 1982[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 15 de xineru de 2008[2] (25 años) |
| Sepultura | Tennessee |
| Causa de la muerte | sobredosis |
| Fíos/es | 1 |
| Estudios | |
| Estudios |
Central High School (en)  |
| Llingües falaes | inglés[3] |
| Oficiu | actor, músicu, guionista, actor de televisión |
| IMDb | nm0000605 |
 | |
Brad Barron Renfro (25 de xunetu de 1982, Knoxville – 15 de xineru de 2008, Los Angeles) foi un actor d'Estaos Xuníos. Fixo'l so debú en 1994 na película El veceru. Actuó en 21 películes, dellos curtios y nun episodiu de televisión mientres tola so carrera. La última parte de la so carrera viose asombrada por abusu de sustancies y otros problemes personales. Morrió'l 15 de xineru de 2008 a los 25 años d'edá por una sobredosis de heroína.
Infancia y carrera
[editar | editar la fonte]Brad Renfro nació en Knoxville, Tennessee, fíu de Angela y Mark Renfro, quien trabayaba nuna fábrica.[4][5] Dende los cinco años d'edá, foi criáu pola so güela paterna, Joanne Barron Renfro (1931-2008), una secretaria d'una ilesia.[6]
Renfro foi afayáu cuando tenía 10 años per Mali Finn, un direutor de casting que trabayaba para Joel Schumacher. La so única esperiencia previa foi una producción colexal antidrogues. Escoyíu por Finn, Renfro actuó con Susan Sarandon y Tommy Lee Jones en El veceru, so la direición de Schumacher. La película taba basada na novela de John Grisham y convirtióse nuna de les películes más aclamaes d'aquel añu. En 1995 ganó'l premiu "Young Star" que da The Hollywood Reporter, y foi asitiáu pola revista People na llista de los 30 menores de 30 años más influyentes ("Top 30 Under 30"). Esi mesmu añu, actuó como Huck Finn na película Tom and Huck xunto a Jonathan Taylor Thomas.[7]
En 1996, participó en Sleepers, basada na novela de Lorenzo Carcaterra. La película foi dirixida por Barry Levinson y cuntó tamién cola participación de Robert De Niro, Kevin Bacon, Dustin Hoffman y Brad Pitt.
En 1998, actuó xunto a Ian McKellen en Apt Pupil, dirixida por Bryan Singer. Renfro actuó n'otres películes, incluyendo Ghost World y Bully en 2001 y en The Jacket en 2005. Tamién apaeció nun capítulu de Law & Order: Criminal Intent y terminó de rodar la película The Informers, coprotagonizada por Mickey Rourke, Winona Ryder y Billy Bob Thornton.
Renfro yera'l primu de Jesse Hasek, principal cantante de la banda 10 Years,[4] y apaeció na primer versión del videoclip de "Wasteland". Tuvo un fíu llamáu Yamato Renfro (nacíu en 2003),[8] vive en Xapón cola so madre.[9]
Problemes personales
[editar | editar la fonte]En 1998, recibió cargos per posesión de cocaína y mariguana. N'avientu de 2005, foi arrestáu mientres una redada contra traficantes de drogues y recibió cargos per posesión d'heroína. Una fotografía so esposado salió na portada de Los Angeles Times. Renfro almitió a un detective que taba usando heroína y metadona. Nel xulgáu, foi declaráu culpable de los cargos, y foi sentenciáu a tres años de rehabilitación. En 2006, pasó 10 díes na cárcel por conducir so los efeutos d'heroína. En xunu de 2007, un xuez afayó que nun fuera a rehabilitación. Darréu foi unviáu a un centru de desintosicación.
Fallecimientu
[editar | editar la fonte]Renfro foi atopáu muertu nel so apartamentu de Los Angeles el 15 de xineru de 2008.[10] El 8 de febreru determinóse que la muerte foi provocada por una intoxicación accidental de heroína y morfina.[11]
El so cuerpu foi devueltu a East Tennessee pal so funeral y entierru. Foi soterráu'l 22 de xineru del 2008, nun monte sele na Red House Cemetery, al norte de Knoxville, nel pequeñu pueblu de Blaine, Tennessee.
Menos de dos selmanes dempués, la so güela, Joanne Barron Renfro, que curió d'él dende los cinco años y acompañólu nos sos primeros castings, morrió na so casa a la edá de 76 años de causes naturales.[12][13]
Mark Foster de la banda Foster the People fixo un cantar nel so honor llamada "Downtown".
Filmografía
[editar | editar la fonte]| Añu | Títulu | Personaxe |
|---|---|---|
| 1994 | The Client ("El Veceru") | Mark Sway |
| 1995 | Tom and Huck | Huck Finn |
| The Cure | Erik | |
| 1996 | Sleepers | Michael Sullivan (mozu) |
| 1997 | Telling Lies in America | Karchy Jonas |
| 1998 | Apt Pupil | Todd Bowden |
| 1999 | 2 Little, 2 Late | Jimmy Walsh |
| 2000 | Skipped Parts | Dothan Talbot |
| 2001 | The Theory of the Leisure Class | Billy |
| Happy Campers | Wichita | |
| Bully | Marty Puccio | |
| Tart | William Sellers | |
| Ghost World | Josh | |
| 2002 | Confessions of an American Girl | Jay Grubb |
| Deuces Wild | Bobby | |
| 2003 | The Job | Troy Riverside |
| 2004 | Hollywood Flies | Jamie |
| Mummy an' the Armadillo | Wyatte | |
| 2005 | Coat Pockets | Kenny |
| The Jacket | L'estrañu | |
| 2006 | 10th & Wolf | Vincent |
| 2008 | Collector | Justin |
| The Informers | Jack |
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.msnbc.msn.com/id/22671919/.
- ↑ Identificador CONOR.SI: 8582499. Afirmao en: CONOR.SI.
- ↑ 4,0 4,1 Brad Renfro Biography. Yahoo! Movies.
- ↑ Brad Renfro Film Reference.com.
- ↑ Weinraub, Bernard (12 de xunetu de 1994). For 'Client,' a Survivor, Age 10. The New York Times. http://query.nytimes.com/gst/fullpage.html?res=9902Y4DE123FF931A25754C0A962958260. Consultáu'l 10 d'avientu de 2007.
- ↑ Young star Brad Renfro dies at 25. Herald Sun. 16 de xineru de 2008. http://www.news.com.au/heraldsun/story/0,21985,23061263-5012974,00.html. Consultáu'l 18 de mayu de 2008.
- ↑ "Obituaries - Brad Barron Renfro," Knoxville News Sentinel, January 20, 2008, webpage: Obit-BBRenfro.
- ↑ Brad Renfro spent several days with secret son before he died. Now magacín. 24 de xineru de 2008. http://www.nowmagazine.co.uk/celebrity-news/248324/brad-renfro-spent-several-days-with-secret-son-before-he-died/1/. Consultáu'l 4 d'ochobre de 2009.
- ↑ Breuer, Howard; Lehner, Marla (8 de febreru de 2008). «Brad Renfro fina a los 25 años». Consultáu'l 8 de febreru de 2008.
- ↑ Silverman, Stephen M.; Aradillas, Elaine (8 de febreru de 2008). «Coroner: Brad Renfro finó de sobredosis d'heroína». Consultáu'l 8 de febreru de 2008.
- ↑ Fina la güela de Brad Renfro a los 76 años
- ↑ Fina la güela de Brad Renfro
Enllaces esternos
[editar | editar la fonte]- Brad Renfro na Internet Movie Database (n'inglés)
- La so banda Frodad en Myspace
| Control d'autoridaes |
|
|---|
Datos: Q152767
Multimedia: Brad Renfro