Brønderslev

De Wikipedia
Saltar a navegación Saltar a la gueta
Brønderslev
Brønderslev - Hotel Phønix.JPG
Alministración
PaísBandera de Dinamarca Reinu de Dinamarca
Estáu federáuBandera de Dinamarca Dinamarca
Rexón alministrativaJutlandia Septentrional
ConceyuBrønderslev
Tipu entidá ciudá
Xeografía
Coordenaes 57°16′10″N 9°56′50″E / 57.2694°N 9.9472°E / 57.2694; 9.9472Coordenaes: 57°16′10″N 9°56′50″E / 57.2694°N 9.9472°E / 57.2694; 9.9472
Brønderslev is located in Dinamarca
Brønderslev
Brønderslev
Brønderslev (Dinamarca)
Altitú 15 Q11573
Demografía
Más información
Estaya horaria UTC+01:00 y UTC+02:00
Cambiar los datos en Wikidata

Brønderslev ye una ciudá danesa perteneciente a la rexón de Jutlandia Septentrional, con 11.895 habitantes en 2012. Ye la capital y principal llocalidá del conceyu de Brønderslev. Hasta 1921 foi llamada Vester Brønderslev.

Historia[editar | editar la fonte]

Mientres sieglos, Brønderslev foi una pequeña aldega. El so nome apaez per primer vegada na hestoria en 1305 como Wester Brøndesleff. L'aldega formaba parte de la zona rural que sirvía a la ciudá de Hjørring. El nome provien de Brunnar: un nome de varón, y el sufixu -lev: "dominiu, propiedá", polo que significaría aproximao "dominiu de Brunnar". La pallabra Vester significa "occidental", y sirvía pa estremala de Øster Brønderslev, llocalidá a 5 km al este.

El desenvolvimientu de Brønderslev empecipió cola inauguración de la carretera ente Hjørring y Aalborg en 1832, que foi asfaltada na década de 1850. Establecióse una posada y un mercáu y a mediaos de sieglu había una pequeña comunidá d'artesanos y comerciantes. En 1871 el desenvolvimientu aumentó cola llegada de la llinia de ferrocarril ente Aalborg y Hjørring, que tuvo una estación na llocalidá. A finales del sieglu XIX yá había delles industries, pero la metá de la población entá trabayaba na agricultura. Nesta dómina apenes se devasaben los 2.000 habitantes.

En 1921 dióse-y a la llocalidá'l privilexu de ciudá comercial (købstad) —ye una de les ciudaes comerciales más nueves— y camudóse el nome de Vester Brønderslev a a cencielles Brønderslev. Na primer metá del sieglu XX Brønderslev esperimentó una puxanza na industria manufacturera.

A principios del sieglu XX, la industria sigue teniendo importancia, pero foi superada dende los años 1980 polos servicios y l'alministración. Nesti últimu ramu, la ciudá ye sede municipal dende 1970, y en 2007 la so importancia creció al engrandase significativamente les llendes municipales.

Tresporte[editar | editar la fonte]

Tren[editar | editar la fonte]

Brønderslev ye sirvida pola estación de Brønderslev. Atópase na llinia ferroviaria de Aalborg - Hjørring Frederikshavn y ufierta Intercity a los servicios direutos a Copenhague y Frederikshavn y servicios de trenes rexonales y dos de Aalborg a Frederikshavn .

Referencies[editar | editar la fonte]



Brønderslev