Bolsa d'Indonesia

Bolsa d'Indonesia
	bolsa de valores, negociu, sitiu web y catálogu
Llocalización
Sede	Xakarta
Direición	Indonesia
Historia
Fundación	2007
Índiz de bolsa	IDX Composite (en)
	Web oficial

Bolsa d'Indonesia (IDX) o n'Indonesia Bursa Efek Indonesia (BEI) ye la bolsa de valores situdada en Xakarta, Indonesia. Foi enantes conocida como Jakarta Stock Exchange (JSX) primero que'l so nome camudara na fusión cola Bolsa de Surabaya nel añu 2007 (SSX). A 31 d'avientu de 2007, la Bolsa d'Indonesia tenía 383 compañíes cotizando con un valor combináu de mercáu de 212 billones de dólares.

Historia[editar | editar la fonte]

Orixinariamente abierta en 1912 sol gobiernu colonial d'Holanda, foi reabierta en 1977 dempués de dellos zarros mientres la primera y segunda guerra mundial. Una vegada abierta en 1977, la Bolsa tuvo so la supervisión de l'acabante crear Axencia Supervisora del Mercáu de Capitales (Badan Pengawas Pasar Modal, or Bapepam), que rindía cuentes al Ministeriu de Finances. La negociación y la capitalización creció xunto col desenvolvimientu del mercáu de capitales y del sector priváu. El 13 de xunetu de 1992 la Bolsa foi privatizada so la propiedá de Jakarta Exchange Inc. Como resultancia, les funciones de Bapepam pasaron a ser l'Axencia de Supervision del Mercáu de Capitales. El 22 de marzu de 1995 JSX llanzó'l Sistema de Negociación Automáticu: Jakarta Automated Trading System (JATS). En setiembre del 2007 la Bolsa de Yakarta y la Bolsa de Surabaya fundiéronse y pasóse a llamar la Bolsa d'Indonesia pol Ministeriu de Finances. L'actual llocalización de la Bolsa d'Indonesia ye nel edificiu IDX nel Distritu de Negocios de Sudirman Central, nel Sur de Yakarta, cerca del Pacific Place Jakarta. El 15 de xineru de 2018, l'edificiu sufrió l'esbarrumbe d'una de les sos plantes.

Índices Bursatiles[editar | editar la fonte]

Dos de los principales índices bursátiles usaos pa midir l'actividá bursátil de los principales valores son Índiz JSX y l'Índiz Islámicu de Yakarta (JII). El JII foi establecíu en 2002 p'actuar como mididor de les actividaes del mercáu basáu na Xaria (Llei Islámica). Anguaño hai unos 30 valores dientro del JII. L'Índiz FTSE/ASEAN foi llanzáu poles cinco Bolses pertenicientes a ASEAN (Bolsa de Singapur, Bursa Malaysia, la Bolsa de Tailandia, la Bolsa de Yakarta, y la Bolsa de Filipines) y el provisor global FTSE el 21 de setiembre de 2005. Los índices, cubriendo los cinco mercaos dientro de ASEAN, fueron diseñaos siguiendo estándares internacionales, axuste llibre del preciu, y basaos en Industry Classification Benchmark (ICB).

Fusión[editar | editar la fonte]

La Bolsa de Yakarta (JSX) y la Bolsa de Surabaya (SSX) fundiéronse en setiembre del 2007 pa crear la Bolsa d'Indonesia ( Bursa Efek Indonesia).

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]