Bolo'bolo

De Wikipedia
Saltar a: navegación, buscar
Un bolu urbanu suizu.

Bolo'bolo ye un ensayu del suizu P.M. sobre ecoloxía política, d'influyencia anarquista, escritu en 1983.

L'autor, dientro d'un estilu dacuando irónicu o satíricu[1], esplica cómo la raza humana vése influyida pola xigantesca ya inesorable Máquina de Trabayu Planetaria (MTP)[2] que, alimentándose de la esistencia de los sos esclavos humanos, va llevar a la humanidá a la so perdición (cataclismu ecolóxicu). Esta máquina ye una parábola del sistema capitalista.

Según l'autor, la salvación[3] pasa per una nueva organización de la sociedá, abandonando l'esquema clásicu de "llar, casaos y dos fíos" por una estructura en bolu, una especie de comunidá autosuficiente.[4][5] Un bolu formaríase a lo más por 500 persones aprosimadamende[6] y podría tener el tamañu d'una gran casa, d'un pueblu o d'un barriu. Dellos bolos podríen acomuñar pa formar unidaes de collaboración de la talla d'un conceyu, d'una ciudá o inclusive d'una megalópolis. El conceutu de bolu nun dexa de recordar al d'ecoaldea.

P.M. tamién creó un embrión de llingua construyida, l'asa'pili, que sirve pa describir los sos conceutos y añedir un toque inda más utópicu.

Fontes[editar | editar la fonte]

  • P.M. (1995). Bolo'bolo, 6ª (en alemán), Paranoia City. ISBN 3-907522-01-X.
  • P.M. (2004). «(Acerca de) bolo'bolo» (castellanu). European Institute for Progressive Cultural Policies. Consultáu'l 6 d'agostu de 2011. «Charra de P.M.. Trescripción d'un vídeu grabáu por Oliver Ressler en Zurich, Suiza. Tornada por MediaLabMadrid, Centro Cultural Conde Duque, Madrid.»

Referencies[editar | editar la fonte]

  1. Estilu reconocíu pol autor en [P.M. 1995, p. 3]
  2. La MTP descríbese en [P.M. 1995, pp. 14-45]
  3. El proyeutu y procesu para vencer a la MTP, llamáu substrucción por P.M., entama en [P.M. 1995, pp. 46-65]
  4. La definición de bolu alcuéntrase en [P.M. 1995, pp. 70-75]
  5. P.M. exemplariza un bolu occidental urbanu en [P.M. 2004]
  6. Esta cifra xustifícala P.M. en [P.M. 2004]