Bodil Biørn
Bodil Biørn | |
|---|---|
 | |
| Vida | |
| Nacimientu | Kragerø, 27 de xineru de 1871[1] |
| Nacionalidá |
 Noruega |
| Muerte | Oslu, 22 de xunetu de 1960 (89 años) |
| Oficiu | enfermera, misionera |
| Creencies | |
| Relixón | luteranismu |
 | |
Bodil Catharina Biørn (27 de xineru de 1871, Kragerø – 22 de xunetu de 1960, Oslu) foi una misionera noruega, trabayadora humanitaria, enfermera y partera. Foi misionera ente la población armenia na parte oriental de Turquía (daquella parte del imperiu otomanu) u foi testigu de les persecuciones que sufría esta población étnica ende.
Vida y obra
[editar | editar la fonte]Años cimeros
[editar | editar la fonte]Bodil Biørn ñació nel senu d'una familia adinerada dueña d'un barcu. Nun empiezu deseyaba ser cantante, pero a los 25 años decide llevar una vida relixosa y entama a estudiar enfermería na Diakonissehuset de Kristiania (actual Oslu). Finalmente termina los sos estudios n'Alemaña en 1905 y foi unviada al fora'l país como parte de la Kvinnelige Misjonsarbeidere, la Lliga de Muyeres Misioneres.
Testigu de la persecución armenia nel imperiu otomanu
[editar | editar la fonte]Trabayó primero como enfermera misionera en Mezereh, na provincia de Kharberd, nel este de Turquía. Entós parte del imperiu otomanu. Sábese que daquella viaxó a la ciudá turca de Mus, siguiendo'l trabayu de misioneros alemanes y amplió, ente otres coses, una clínica pa pacientes ambulatorios de diez cames. Asumió depués el cargu de direutora d'un orfanatu mistu. Amás, trabayó nuna escuela onde neñes y muyeres casaes aprendíen a lleer, escribir y matemátiques básiques. Xunto con ella tamién taba la misionera sueca Alma Johansson.
Dempués d'esperimentar los horrores de la guerra de primera mano, documentólos nel so diariu y nes sos fotografíes, como la destrucción de tol distritu armeniu, u gran parte la población, ente elles collaboradores cercanos a ella y dellos neños del orfanatu, morrieron o foron asesinaos. Tornó a Noruega en 1917.
Armenia y Siria
[editar | editar la fonte]Depués de curiar güérfanos armenios n'El Líbanu y Constantinopla, en 1921 viaxó a la recién creada República d'Armenia sobremanera a Alexandropol (agora Gjumri), y empecipió un orfanatu col nome de Lusaghbyur, con dineru que recoyó en Noruega.Foi espulsada del llugar polos bolxeviques en 1924, xusto dempués de qu'Armenia va ingresar a la Xunión Soviética. Los bolxeviques nun dexaben que les organizaciones cristianes operaren orfanatos y realizar trabayos misioneros.
Dempués d'esto Biørn coló a Alepu en Siria y creó un nuevu orfanatu y una clínica que dirixó ella mesma hasta 1934, cuando tornó a Noruega.
Hasta la so muerte, siguió, al traviés de coleiciones, artículos de prensa y conferencies, los sos esfuercios humanitarios para aidar a los armenios refuxaos y a los güérfanos que sobrevivieren a la primer guerra mundial.
Fotografía
[editar | editar la fonte]Bodil Biørns tomó semeyes mientres delles décades que tuvo n'Armenia, y de les zones axacentes. El rexistru fotográficu háyase disponible nel Riksarkivet, l'archivu nacional de Noruega.
Monumentos
[editar | editar la fonte]Memorial en Kragerø
[editar | editar la fonte]Un memorial a Bodil Biørn foi alzáu'l 29 de mayu de 2004 frente del nuevu conceyu de la ciudá de Kragerø. Bodil Biørn viviera nesti edificiu mientres la so niñez, cuando la casa perteneció a la familia Biørn.
El memorial ye una gran piedra d'Alepu con relieve de bronce y una placa cola inscripción
Her bodde en stor norsk filantrop
Misjonær Bodil Catharina Biørn
Gitt av armenske overlevende i Aleppo.
Født i Kragerø
27. januar 1871 – 22. juli 1960
Hun viet sitt liv til hjelp for armenske flyktninger og foreldreløse barn som overlevde det ottomanske folkemordet i begynnelsen av det 20. århundre.
Equí vivió una gran filántropa noruega
La misionera Bodil Catharina Biørn
Donáu por sobrevivientes n'Alepu.
Nacida en Kragerø
27 de xineru de 1871 – 22 de xunetu de 1960
Dedicó la so vida a aidar a los refuxaos armenios y a los niños güérfanos que sobrevivieron al xenocidiu otomanu a entamos del siglo XX.
kilde
Foi dau a la municipalidá de Kragerø por un grupu d'armenios, en cooperación col nietu de Bodil Biørns, Jussi Flemming Biørn, en reconocencia al esfuerciu y trabayu de Bodil Biørns n'Armenia p'aidar a la población mientres el desplazamientu forzáu pol imperiu otomanu.
Placa conmemorativa en Yereván, Armenia
[editar | editar la fonte]Nel branu de 2008, presentóse una placa conmemorativa a Bodil Biørn donada pol Muséu del Xenocidiu Armeniu de Yereván.
Espublizaciones sobro ella
[editar | editar la fonte]- La hestoria de Bodil Biørn[1], páxina web nel Archivu Nacional de Noruega
- Med Guds blikk i Armenio (Cola mirada de Dios n'Armenia), artículu espublizáu el 2 d'agostu de 2009 en forskning.non de la periodista Mia Kolbjørnsen
Referencies
[editar | editar la fonte]- ↑ URL de la referencia: http://www.genocide-museum.am/eng/online_exhibition_4.php. Data de consulta: 25 setiembre 2019.
Enllaces esternos
[editar | editar la fonte]- Fotosamling nos Archivos
- Arkivverkets revisión
- Kragerø kommune
- Artículu sobro la (enllaz rotu disponible n'Internet Archive; ver l'historial y la última versión). investigación.enUso incorreutu de la Usu incorreutu de la plantía enllaz rotu (enllaz rotu disponible n'Internet Archive; ver l'historial y la última versión). (enllaz rotu n'Internet Archive; vease l'historial y l'última versión).
| Control d'autoridaes |
|
|---|
Datos: Q3366057
Multimedia: Bodil Biørn